हिब्रू 13:2 - Sunuwar Bible

² इन खिंम जाक्‍ब सुइ आन कली जचा बाक्‍चा गेचा मप्रोनीन। मोपा गेशोमी का निक्‍शीमी आन मतुइक्‍थु परमप्रभु यावे आ स्‍वर्ग ङा गेय पाइब आन कली मान पचा ताम्‍तेक्‍म। रोमी १२:१३; १पत्रुस ४:९; ३यूहन्‍ना ५-८; उत्‍पत्ती १८:२-३; उत्‍पत्ती १९:२-३

हिब्रू 13:2 ပူးပေါင်းရင်းမြစ်များ

उत्पत्ती 18:1

मिनु काबु नाक्‍ती अब्राहाम माम्रे आ ब्‍वाकीमी बाक्‍माक्‍त। आ ताम्‍बु आ लाप्‍चोमी निस्‍से बाक्‍त। मारदे हना शुश हुप्‍ता बाक्‍त। मेना परमप्रभु यावे मेको कली ग्रुम्‍थ जाक्‍माक्‍त।

उत्पत्ती 19:1

मेको परमप्रभु यावे आ स्‍वर्ग ङा गेय पाइब निक्‍शी सोदोम सहरम नाक्‍नाक्‍दो जाक्‍दीस्‍सा बाक्‍त। मेना लोत सहर आ गारो ङा ठेयब लाप्‍चो आ नेक्‍था निश्‍शा बाक्‍मेनु, ग्रुम्‍से बाक्‍त। मिनु लोतमी मेको आस कली तशा बोक्‍शा, खुम्‍की पा बाम्‍माक्‍त। उत्‍पत्ती १८:२२

२ राजा 4:8

काबु नाक्‍ती एलीशा शुनेम सहर लमाक्‍त। मेकेर शुश शोंप पाइश्‍शो मीश मुर का बाक्‍माक्‍त। मिनु मेकोम एलीशा कली जथ तूथ ब्रेत्‍ता बाक्‍त। मिनु एलीशा मेको मेर गाक्‍मेनु, जथ तूथ ओव़बाक्‍माक्‍त। यहोसु १९:१८

अय्‍युब 31:19

गो प्रुङग आन कली वा मफेक्‍शो ताता हना, नाक्‍दो फेक्‍तीक मबाक्‍शो बाक्‍त हना,

अय्‍युब 31:32

अर्को रागी ङा मुरपुकी गेनायो लांम इप्‍चा ममाल्‍म। लां गाक्‍ब आन कली गेना हना यो आं खिं ङा लाप्‍चो रोक्‍शो बाक्‍‍त। न्‍यायाधीस १९:२०-२१; १ पत्रुस ४:९; हिब्रू १३:२

यसैया 58:7

आंम जचा थोव़क शोव़लु बेक्‍ब नु योक्‍चा, खिं मबाक्शो नु प्रुङग आन कली इन खिंम बाक्‍चा गेचा, शिश्रा बाक्‍ब आन कली वा फेक्‍चा गेचा नु इन लोक्‍ब आन कली वारच पचा, आं दाक्‍शो माइजा बाक्‍तीक बाक्‍ब। ब्‍यवस्‍था १५:११; इजीकीएल १८:७; मत्ती २५:३५-३६

लेवी 19:34

गे मेको आन कली इन रागीम जरमेशो मुर खोदेंशो मिम्‍तीन। मेको आन कली आंम कली खोदेंशो पा दाक्‍तीन। मारदे हना गेपुकी यो इजीप्‍तमी अर्को रागी ङा मुर दुम्‍शा बाक्‍शो बाक्‍तीनी। गो परमप्रभु यावे, इन परमप्रभु नङ।

मत्ती 25:35

मारदे हना गेपुकीमी गो जचा मतथु बाक्‍ङानु, जचा गेतीनी। तूतू दाक्‍ङानु, तूचा गेतीनी। इन मतुइश्‍शो मुर इन खिं जाक्‍ङानु, बाक्‍चा गेतीनी। यसैया ५८:७

मत्ती 25:40

मिनु पिपमी ‘नोफा दाइश्‍शा नेनीने, आं लोक्‍ब नेल्‍ल क्‍येङा महिक्‍सीशो आन कली मार मार गेतीनी, मेको आं कली गेशो ननी’ देंब। मत्ती १०:४२; हितोपदेस १९:१७; हिब्रू २:११

मत्ती 25:43

इन मतुइश्‍शो मुर इन खिंमी जाक्‍ङानु, बाक्‍चा मगेयीनी। फेक्‍चा मतङानु, फेक्‍चा मगेयीनी। रोइ पङानु, जेल्‍खानमी चोक्‍शा वोइय्‍यीमीनु, ग्रुम्‍थ मजाक्‍नी’ देंब।

प्रेरित 16:15

मिनु थमा सुइक्‍ब दुम्‍शा, ब्‍वाक्‍कुम ख्रुम्‍शा ग्रुंइचा पुंइसाक्‍व। आ खिं ङा मुर नेल्‍ले यो थमा सुइक्‍ब दुम्‍शा, ब्‍वाक्‍कुम ख्रुम्‍शा ग्रुंइचा पुंइसाक्‍म। ब्‍वाक्‍कुम ख्रुम्‍शा ग्रुंइचा पुंइसीशा नोले लिडीयामी “गेपुकीमी प्रभु कली थमा सुइक्‍ब बाक्‍माक्‍त, दे मिम्‍ताक्‍यीनी हना, आं खिंमी बास बाक्‍थ जाक्‍कीन। आं खिंमी मजाक्‍थु मदुम्‍ब” दे माइक्‍तीकी। मिनु लिडीया आ खिं लशा बाक्‍तक।

रोमी 12:13

थमा सुइक्‍ब आन कली आन माल्‍शो गेशा, वारच पने। इन खिंमी जाक्‍ब आन कली बास गेशा थुलीन। ३यूहन्‍ना ५-८; हिब्रू १३:२

रोमी 16:23

गोम चिठी ब्रेक्‍पदुनु, गायस आं खिंमी बाक्‍तक। मिनु गायस नु आ खिंमी देल्‍ब थमा सुइक्‍बपुकीमी यो इन कली “रिम्‍शो बाक्‍कीन” दे माइक्‍चा देंतेक्‍म। इरास्‍तस माइश्‍शो सरकार आ गेय पाइबमी यो इन कली “रिम्‍शो बाक्‍कीन” देंत। थमा सुइक्‍ब इं लोक्‍ब क्‍वारटसमी यो इन कली “रिम्‍शो बाक्‍कीन” देंत। १कोरिन्‍थी १:१४

१ तिमोथी 3:2

थमा सुइक्‍ब आन कली कोव़ब काइ दोस गेचा मपुंइसीशो बाक्‍चा माल्‍ब। मीश का के ला वोंइश बाक्‍चा माल्‍ब। गेय पचा ङोंइती मिम्‍ब, आ गेय नेल्‍ल कली रिम्‍शो पाइब, मुर आन कली बास गेब नु रिम्‍शो शेंब बाक्‍चा माल्‍ब।

१ तिमोथी 5:10

आ तमी तौ रिम्‍शो पा कोल्‍पाइश्‍शा, मुर आन कली बास बाक्‍चा गेशा, थमा सुइक्‍ब आन खोइली चिक्‍शा, श्‍येत जाइब आन कली वारच पशा, नेल्‍लेमी रिम्‍शो पना पन बाक्‍ब, दे मुरपुकीमी तुइश्‍शो मीश मुर आ नें ला ब्रेक्‍सीब। हिब्रू १३:२; यूहन्‍ना १३:१४

तीतस 1:8

थमा सुइक्‍ब आन कली कोव़ब चहिं बास गेब, रिम्‍शो गेय दाक्‍ब, रिम्‍शो नु मरिम्‍शो तुइक्‍ब, ठीक गेय पाइब, थमा पा परमप्रभु आ गेय पाइब नु आंम रां चलेस जोक्‍ब मुर बाक्‍चा माल्‍नीम।

१ पत्रुस 4:9

मगाइक्‍थु बा‍स गेमुने।

३ यूहन्‍ना 1:5

आं दाक्‍शो लोक्‍ब, गे येसु ख्रीस्‍त कली थमा सुइक्‍ब आन कली वारच पाइतीनी, मोपा रिम्‍शो गेय पाइतीनी। मोदेंशो गेय अर्को सहर ङा येसु ख्रीस्‍त कली थमा सुइक्‍ब आन कली पाइतीनी, मेको थम रिम्‍शो बाक्‍ब।