हिब्रू 13:18 - Sunuwar Bible

¹⁸ आंइ पर्बम परमप्रभु यावे कली पुंइना पुंइन बाक्‍कीने। मारेइ दोस ताइब मदुम्‍क, दे आंइ थुं नाइश्‍शो बाक्‍नीकी। मारेइ पाइतक हना यो, रिम्‍शो पय, दे थुं फ्रेंशा बाक्‍तक। रोमी १५:३०; २कोरिन्‍थी १:११-१२

हिब्रू 13:18 ပူးပေါင်းရင်းမြစ်များ

प्रेरित 23:1

मिनु पावल मेको आन ङोंइती राप्‍शा, आन कली मिक्‍च मयाक्‍थु कोव़शा, “आं लोक्‍बपुकी, गो साइ रे मुल सम्‍म आं तुइश्‍शो जोक्‍शो रिम्‍शो ला पाता। एको लोव़ थमा बाक्‍ब, दे परमप्रभुमी तुइक्‍ब” देंमेनु, प्रेरित २४:१६

प्रेरित 24:16

मोपतीके गो परमप्रभु यावे नु मुर आन ङोंइती रिम्‍शो पाइनुङ, दे आं थुं फ्रेंशा बाक्‍नुङ। प्रेरित २३:१

रोमी 12:17

इन कली मरिम्‍शो पाइब आन कली मरिम्‍शो मपने। मुर आन कली मार रिम्‍शो बाक्‍बा, मेको मिम्‍तीन। हितोपदेस २०:२२; १थिस्‍सलोनिकी ५:१५; २कोरिन्‍थी ८:२१

रोमी 13:13

नाक्‍ती छेङछेङ दुम्‍शो खोदेंशो पा रिम्‍शो गेय पय। छिङछिङ ङा गेय मार बाक्‍नीम देंशा हना, शुश जचा ब्‍वचा, दुक्‍शा हेंथे गाक्‍चा, तेल्‍लेम पा, ग्रांग्रा दिचा ङा गेय पचा, जिचा खेचा नु रुश पचा बाक्‍नीम। लूका २१:३४; एफिसी ५:१८

रोमी 15:30

आं लोक्‍बपुकी, इं प्रभु येसु ख्रीस्‍तमी इं कली थुं का सेल्‍तु। परमप्रभु यावे आ सोक्‍तीमी दाक्‍मुपाइक्‍तु। मिनु थमा पा वोबु दुम्‍तय। मोपतीके आं पर्बम परमप्रभु यावे कली पुंइना पुंइन बाक्‍कीन। २कोरिन्‍थी १:११; २थिस्‍सलोनिकी ३:१

२ कोरिन्‍थी 1:12

गो आंइ नें बोरपा बाक्‍नीकी। मारदे हना परमप्रभु यावेमी सक्ति गेतीकी। मिनु मेको आन मुर दुम्‍शा, मुर नेल्‍ल आन कुल, इन कुल यो रिम्‍शो थुं रे पा गेय कोंइताक्‍क। आंम आंइ रागी ङा जोक्‍तीक तुइक्‍तीक रे ममाइ। तन्‍न परमप्रभु यावे आ शिशीम पतीके बाक्‍ब। २कोरिन्‍थी २:१७; हिब्रू १३:१८; १कोरिन्‍थी १:१७

फिलिप्‍पी 4:8

आं लोक्‍बपुकी, आं नेल्‍ल क्‍येङा नोले ङा लोव़ मार बाक्‍ब देंशा हना, तेको थमा बाक्‍बा, तेको शिरशो बाक्‍बा, तेको ठीक बाक्‍बा, तेको ग्रांग्रा मदिशो बाक्‍बा, तेको दाक्‍चा ङा बाक्‍बा, तेको रिम्‍शो लोव़ बाक्‍बा, तेको नेल्‍ल क्‍येङा रिम्‍शो नु दोस गेचा मपुंइसीब बाक्‍बा, तेको “रिम्‍शो पाइब” दे माइक्‍चा पुंइसीब बाक्‍बा, मेको आ पर्बम मिम्‍तीन।

कलस्‍सी 4:3

गेपुकीमी आंइ कली यो मिम्‍शा प्रार्थना पने। परमप्रभु यावेमी आंइ कली ख्रीस्‍त आ ख्रुइश्‍शो लोव़ शुश मुर आन ङोंइती शेंने चाप्‍मेक्‍ल, दे पुनीन। मेको लोव़ शेंतीके गो ग्‍याइक्‍चा पुंइसाक्‍यी। रोमी १५:३०; एफिसी ६:१९; २थिस्‍सलोनिकी ३:१; १कोरिन्‍थी १६:९; कलस्‍सी १:२६-२७

१ थिस्‍सलोनिकी 4:12

मो पाइतीनी हना, अरु मुरपुकीमी इन कली ठेयब सेल्‍नीम। मिनु सुइ के मारेइ ममाल्‍नीनी। कलस्‍सी ४:५

१ थिस्‍सलोनिकी 5:25

आंइ लोक्‍बपुकी, आंइ पर्बम परमप्रभु यावे कली पुनीन।

२ थिस्‍सलोनिकी 3:1

मिनु आंइ लोक्‍बपुकी, आंइ कली मिम्‍शा, प्रार्थना पने। आंइ पर्बम परमप्रभु यावे कली मार पुंइचा देंशा हना, इन दातेमी खोदेंशो पा, प्रभु आ लोव़ तेइ तेइ साव सुव ब्रशा लल। एफिसी ६:१८-१९; कलस्‍सी ४:३; १थिस्‍सलोनिकी ५:२५

१ तिमोथी 1:5

इं शेंतीके चहिं रिम्‍शो थुं, रिम्‍शो थुं ङा मिम्‍तीके नु रिम्‍शो थमा सुइक्‍तीके रे जाक्‍शो शुश दाक्‍मुचा आ पर्बम बाक्‍ब। मत्ती २२:३७-४०; रोमी १३:१०; गलाती ५:६

१ पत्रुस 2:12

थमा मसुइक्‍ब आन दातेमी रिम्‍शो पने। मेकोपुकीमी इन पर्बम “मरिम्‍शो पाइब बाक्‍नीम” दे मरिम्‍शो लोव़ पाम्‍तेक्‍म हना यो, इन रिम्‍शो पतीक तशा, परमप्रभु यावे नु ग्रुम्‍ची ना मेकोपुकीमी परमप्रभु यावे कली ठेयब सेल्‍मेक्‍ल। मत्ती ५:१६

१ पत्रुस 3:16

इन थुं ङा मिम्‍तीक कली पाप रे ङोन वोतीन। इन कली शुक्‍शी पाइबपुकी ख्रीस्‍त आ नेंमी रिम्‍शो पशो तशा, मुने दोक्‍मल। १पत्रुस ४:६

१ पत्रुस 3:21

ब्‍वाक्‍कुमी ख्रुम्‍शा ग्रुंइतीके मेको नु गारचा ङा बाक्‍ब। मेकोमी इन कली मुल प्रोंइब। इन रां चिक्‍चा ममाइ, तन्‍न इन थुं ङा मिम्‍तीके रिम्‍शो दुम्‍ल, दे परमप्रभु यावे कली पुंइतीके बाक्‍ब। मेको नेल्‍ल येसु ख्रीस्‍त आ सेंसीशो रे जाक्‍ब। एफिसी ५:२६; हिब्रू १०:२२