हिब्रू 13:11 - Sunuwar Bible

¹¹ साइ ठेयब चढ़ेबमी पाप क्‍याम्‍चा कली बस्‍तु भाव क्‍योरशा, थम चोव़खो कोठाम ओव़शा हुश चढ़ेम्‍तेक्‍म। श्‍ये चहिं ग्रुंइशा, मुर मबाक्‍तीकेम लाइश्‍शा चोम्‍तेक्‍म। मिनु सुइमी मेको श्‍ये ब्‍वचा मताम। लेवी १६:२७

हिब्रू 13:11 ပူးပေါင်းရင်းမြစ်များ

प्रस्‍थान 29:14

आ श्‍ये, आ कुशुल नु आ गोबर चहिं ताम्‍बु आ लाङगा रे ग्रुंइशा, चोचा माल्‍नेवे। मेको पाप पशो आ पर्बम चढ़ेशो बाक्‍ब। लेवी ४:११-१२

इजीकीएल 43:21

मिनु नोले गेपुकीम मेको पाप आ पर्बम चढ़ेशो बोहोर चाक्‍शा, परमप्रभु यावे आ खिं ङा देंशो बाक्‍तीकेम चोने।

लेवी 16:27

मिनु पाप आ पर्बम चढ़ेशो ब्‍यफ नु बोका आस हुशेमी मेको चोव़खो कोठा कली पाप क्‍याम्‍तीक गेय पशा नोले मेको मुर आन बाक्‍तीक रे ग्रुंइशा, मेको आस कुशुल, श्‍ये नु गोबर नेल्‍ल चोचा माल्‍ब। लेवी ४:१२; लेवी ६:२३; हिब्रू १३:११

लेवी 6:11

मिनु नोले मेकोमी आ फेक्‍शो वा प्रुइश्‍शा, अर्को वा फेक्‍शा, मेको पुलु ताम्‍बु रे ग्रुंइशा चोव़खो पुलु ताइक्‍तीकेमी लाइश्‍शा ताइक्‍चा माल्‍ब।

लेवी 6:30

तन्‍न तेको पाप क्‍याम्‍चा कली चढ़ेतीके आ हुश पाप क्‍याम्‍तीक गेय पचा कली ग्रुम्‍तीक ताम्‍बु आ आगाम चाक्‍नीमी, मेको ब्‍वचा मदुम्‍ब। मेको चोचा माल्‍नीम।

लेवी 9:11

तन्‍न श्‍ये नु कुशुल चहिं मुर आन बाक्‍तीके क्‍येङा ङोन चोप्‍तु।

लेवी 9:9

मिनु हारून आ तौपुकीमी मेको आ हुश चाक्‍तेक्‍म। मिनु मेकोमी आ ब्रेप्‍चो हुशेम ख्रुम्‍शा चढ़ेतीक आ ग्रोव़पुकीम ख्रेक्‍ताक्‍व। मिनु लीशो हुश कली चढ़ेतीक आ पुंम मोइक्‍तु।

गन्‍ती 19:3

मिनु गे मेको बी कली चढ़ेब एलाजर कली गेसे। मिनु मेकोमी मेको बी कली मुर आन बाक्‍तीक रे ङोन लाइश्‍शा, आ ङोंइती मेको कली क्‍योरपाइक्‍चा माल्‍ब।

गन्‍ती 19:7

मेको नोले चढ़ेबमी आ वा मुरशा, चिक्‍सीचा माल्‍ब। नोले मेको मुर आन बाक्‍तीके लेन्‍ने चाप्‍ब। तन्‍न मेको चढ़ेब नां मलाक्‍गा सम्‍म ग्रांग्रा दिशो बाक्‍ब। लेवी १६:२८