हिब्रू 12:7 - Sunuwar Bible

⁷ श्‍येत गेचा पुंइसीनीनु, परमप्रभु यावेमी शेंताक्‍की, दे मिम्‍तीने। आफोमी आल कली पशो खोदेंशो पा, परमप्रभु यावेमी इन कली पाइब। आफोमी शेंचा मपुंइसीब तौ बाक्‍बा ङा?

हिब्रू 12:7 ပူးပေါင်းရင်းမြစ်များ

२ सामुएल 7:14

गो मेको आ आफ दुम्‍नुङ। मिनु मेको आं तौ दुम्‍ब। मेकोम मरिम्‍शो पाप्‍तु हना, गो मेको कली मुर खोदेंशो पा कोक्‍केम तुप्‍नुङ। भजन संग्रह २:७; भजन संग्रह ८९:२७; लूका १:३२; हिब्रू १:५

१ राजा 1:6

मिनु मेको आ आफोम मेको कली “गे मारदे मोदेंशो पवी?” दे गेनायो महुइक्‍ता बाक्‍त। अदोनीयाह यो थम दारशो मुर का बाक्‍माक्‍त। मेको अब्‍सालोम क्‍येङा नोले जरमेशो बाक्‍माक्‍त।

हितोपदेस 13:24

सुमी आ तौ कली शेंशा मतुप्‍बा, मेकोमी आ तौ कली मदाक्‍ब। तन्‍न सुमी आ तौ कली दाक्‍बा, मेकोमी आ तौ कली शेंब।

हितोपदेस 19:18

आस बाक्‍म सम्‍म इ तौ कली शेंशा तुपो। तन्‍न मेको कली तुप्‍शा मसतो। ब्‍यवस्‍था २१:१८-२१

हितोपदेस 22:15

वोंइश आल आन थुंमी मरिम्‍शो पतीक यो बाक्‍ब। तन्‍न शेंशा इच्‍का तुप्‍शोनु, आ मरिम्‍शो पतीके प्रोंइब। हितोपदेस १३:२४; हितोपदेस २३:१३-१४; हितोपदेस २९:१७

हितोपदेस 29:15

वोंइश आल आन कली तुप्‍शा, हुइश्‍शोनु, जोक्‍ब तुइक्‍ब दुम्‍नीम। मारेइ मशेंशो वोंइश आलम चहिं आ आम कली मुने तोक्‍ब। हितोपदेस २२:१५; १राजा १:६

हितोपदेस 29:17

इ तौ कली रिम्‍शो पा शेंदो। मिनु मेकोमी इ थुं नाइक्‍पाइश्‍शा इ कली ग्‍येरपाइक्‍ब। हितोपदेस २३:१३

प्रेरित 14:22

मेको सांफा सहर ङा थमा सुइक्‍ब आन कली “मार दुम्‍त हना यो, थमा सुइक्‍चा मप्रोनीन। इन खोइल थेक्‍शा बाक्‍कीने। ख्रीस्‍त आ नेंमी शुश श्‍येत जचा पुंइसीशा ला परमप्रभु यावे आ राज्‍य ओव़चा ताइनय, दे रुपीने” दे आन थुं बारपदसे बाक्‍त। रोमी ५:३-५; १थिस्‍सलोनिकी ३:३

१ कोरिन्‍थी 11:32

तन्‍न प्रभुमी आंइ कली नाक्‍शा सजाइ गेब। मेको शेंचा कली बाक्‍ब। मोपा रागी ङा मुर नु काथा बाक्‍शा, जाम्‍शा मलाइनीकी। हितोपदेस ३:११-१२

ब्‍यवस्‍था 8:5

मिनु मुरपुकीमी दोदेंशो पा आन तौ आन कली शेंचा, दे सजाइ गेनीमी, मोदेंशो पा परमप्रभु यावे, इन परमप्रभुमी इन कली शेंचा, दे सजाइ गेप्‍तु। मेको तुइक्‍चा माल्‍नीनी। यसैया २८:२६; येरमीया ३०:११; येरमीया ४६:२८

१ सामुएल 2:29

मारदे गे आं देंशो चढ़ेशो नु जचा थोव़क चढ़ेशो नेल्‍ल आइक्‍च मिम्‍ती? मिनु आं क्‍येङा गे इ तौ आस कली ठेयब सेल्‍नेवे। आं मुर, इस्राएली आन चढ़ेशो रे गे नेल्‍ल क्‍येङा रिम्‍शो मारदे आंम कली वोंइसीशा, इ तौ आस कली ठेयब सेल्‍नेवे?” देंमाक्‍त।

१ सामुएल 2:34

मिनु इ तौ निक्‍शी होफ्‍नी नु फिनेहास काबुमीन बेक्‍नीस। मेको आं देंशो लोव़ थमा बाक्‍ब, देंशो चिन्‍ड का बाक्‍ब। १सामुएल ४:११

१ सामुएल 3:13

मारदे हना गो मेको कली ‘गो इ खिं ङा मुर आन कली गेना हना यो सजाइ गेनुङ। मारदे हना एलीमी आ तौ निक्‍शीमी मरिम्‍शो पशो तुइश्‍शा यो, मेको आस कली मतेक्‍ग। १सामुएल २:२७-३६