हिब्रू 12:6 - Sunuwar Bible

⁶ परमप्रभुमी सु कली दाक्‍बा, मेको कली सजाइ गेब। सु कली आ तौ मिम्‍बा, मेको कली तुप्‍ब” दे ब्रेक्‍शो बाक्‍ब। हितोपदेस ३:११-१२; प्रकाश ३:१९

हिब्रू 12:6 ပူးပေါင်းရင်းမြစ်များ

२ सामुएल 7:14

गो मेको आ आफ दुम्‍नुङ। मिनु मेको आं तौ दुम्‍ब। मेकोम मरिम्‍शो पाप्‍तु हना, गो मेको कली मुर खोदेंशो पा कोक्‍केम तुप्‍नुङ। भजन संग्रह २:७; भजन संग्रह ८९:२७; लूका १:३२; हिब्रू १:५

भजन संग्रह 119:71

गे आं कली श्‍येत जपाइक्‍तीनी, मेको रिम्‍शो बाक्‍त। मोपा इन फुल्‍लुम मुशा ब्रेक्‍शो लोव़ शेंसाक्‍यी।

भजन संग्रह 119:75

परमप्रभु यावे, इन निसाफ पतीके ठीक बाक्‍नीम। गो मेको तुइक्‍नुङ। गे आं कली इन दाक्‍शा मप्रोंइतीकेमी श्‍येत गेतीनी।

भजन संग्रह 94:12

परमप्रभु यावे, गे सु सु कली सजाइ गेशा, शेंदीनी, मेको ग्‍येरसीशो मुर दुम्‍नीम। मारदे हना मेको आन कली इन अरेशो लोव़ शेंनीनी। अय्‍युब ५:१७

हितोपदेस 13:24

सुमी आ तौ कली शेंशा मतुप्‍बा, मेकोमी आ तौ कली मदाक्‍ब। तन्‍न सुमी आ तौ कली दाक्‍बा, मेकोमी आ तौ कली शेंब।

हितोपदेस 3:11

आं तौ, परमप्रभु यावेमी इ कली देंशो रिम्‍शो पावो। आ हुइश्‍शो नेंशा, मरिम्‍शो मसुतो। हिब्रू १२:५-६; अय्‍युब ५:१७-१९

हितोपदेस 3:12

मारदे हना परमप्रभु यावेमी आ दाक्‍शो मुर आन कली ला हुइक्‍ब। मेकोमी रिम्‍शो आफोमी आ दाक्‍शो तौ कली खोदेंशो पा सजाइ गेब। १कोरिन्‍थी ११:३२; प्रकाश ३:१९

यसैया 27:9

मोपतीके मेको रे पा याकूब आ मुर आन दोस क्‍याम्‍सीब। मेको आन पाप पशो आ पर्बम मो पचा पुंइसीशो बाक्‍तेक्‍म। मेकोमी चढ़ेतीके ङा फुल्‍लु खरी खोदेंशो पा फस सेल्‍ब। मिनु मूर्ति पाइश्‍शो थाम नु धूप चोशा चढ़ेतीक काइ मलीपाइक्‍ब। लेवी २६:३०

येरमीया 10:24

परमप्रभु यावे, आं कली रिम्‍शो सेल्‍यीनी। तन्‍न ठीक निसाफ पतीकेम ला रिम्‍शो सेल्‍यीनी। इन गाइक्‍तीकेम ममाइ। मो दुम्‍त हना, गे आं कली साइक्‍नीनी। येरमीया ३०:११; येरमीया ४६:२८; भजन संग्रह ६:२; हबकुक १:१२

बिलाप 3:39

मारदे मुरुमी आंम पाप आन पर्बम सजाइ तामेनु, गन गन पाइनीमी?

ब्‍यवस्‍था 8:5

मिनु मुरपुकीमी दोदेंशो पा आन तौ आन कली शेंचा, दे सजाइ गेनीमी, मोदेंशो पा परमप्रभु यावे, इन परमप्रभुमी इन कली शेंचा, दे सजाइ गेप्‍तु। मेको तुइक्‍चा माल्‍नीनी। यसैया २८:२६; येरमीया ३०:११; येरमीया ४६:२८

याकूब 1:12

सु इन दातेमी आ थमा सुइक्‍तीके ठीक बाक्‍म कों, मबाक्‍म देय थुं थाम्‍चा पुंइसीशा फाल्‍ने चाप्‍बा, मेको मुर ग्‍येरसेक्‍ल। मेको थुं थाम्‍तीके ठीक दुम्‍त हना, मेको मुरुमी ब्रोंइतीक सिरपेच ताइब। परमप्रभु यावेमी “सुम आं कली दाक्‍बा, मेकोमी ब्रोंइतीक सिरपेच ताइब” दे लोव़ पशो बाक्‍ब। २तिमोथी ४:८

याकूब 5:11

नेनीने, मेको परमप्रभु यावे कली मप्रोंइब आन पर्बम “ग्‍येरशो मुर दुम्‍तेक्‍म” दे लोव़ पाइनीकी। अय्‍युब माइश्‍शो मुर का श्‍येत जशा यो, परमप्रभु यावे कली काइ मप्रोंइथु, बाक्‍शो बाक्‍त। गेपुकी मेको आ कथा नेंतीनी। परमप्रभु यावेमी मारदे अय्‍युब कली मेको शुश श्‍येत जचा गेवा, तुइक्‍ताक्‍नी। परमप्रभु यावेमी गिश लेम्‍शा शिशी पाइबा, मेको ताइतीनी। इं कली आ लेम्‍शो नु आ शिशी कोंइताक्‍व। अय्‍युब १:२१; अय्‍युब ४२:१०-१६

प्रकाश 3:19

गो आं दाक्‍शो मुर आन कली आन मरिम्‍शो पतीके कोंइनुङ। नोले गो मेको आन कली श्‍येत गेशा, आल खोदेंशो पा शेंनुङ। इन थुं गो आं गे लेत्‍तीन। इन थमा सुइक्‍तीके बारपतीन। हितोपदेस ३:१२; १कोरिन्‍थी ११:३२; हिब्रू १२:६

रूथ 1:3

मिनु नाओमी आ वोंइश एलीमेलेक बेक्‍शा, नाओमी नु आ तौ निक्‍शी प्रोंइचा पुंइसमा बाक्‍त। ब्‍यवस्‍था ७:३; ब्‍यवस्‍था २३:४; नेहेम्‍याह १३:२३