हिब्रू 12:23 - Sunuwar Bible

²³ आन नें स्‍वर्गम ब्रेक्‍चा पुंइसीशा, इन क्‍येङा ङोंइती जाक्‍दीश्‍शा, पाप रे ब्रोंइशा ग्‍येरशा बाक्‍चा ताइबपुकी बाक्‍नीम। परमप्रभु यावेमी मुर नेल्‍ल आन कली निसाफ पाइब आ नेक्‍था बाक्‍नीम। लूका १०:२०

हिब्रू 12:23 ပူးပေါင်းရင်းမြစ်များ

उत्पत्ती 18:25

ममाइ, गे मोदेंशो पा मक्‍याम्‍नीनी। गे ठीक पाइब नु मरिम्‍शो पाइब आन कली खाल का ङा पा मसाइक्‍नीनी। थमान, ठीक पाइब नु मरिम्‍शो मुर आन कली खाल का ङा मपाइनीनी। गे रागी रागी ङा निसाफ पाइब बाक्‍शा, ठीक निसाफ पाइनीनी” देंमाक्‍त। भजन संग्रह ८२:१; भजन संग्रह ९४:२

भजन संग्रह 111:1

परमप्रभु यावे कली ठेयब सेलीन। गो रिम्‍शो थुं पाइश्‍शो मुर आन दातेमी आं थुं नेल्‍लेमी “परमप्रभु, गे रिम्‍शो पाइब बाक्‍नीनी” दे ग्रुम्‍तीकेम देंनुङ।

भजन संग्रह 69:28

ब्रोंइतीक किताब रे मेको आन नें क्‍याम्‍सेक्‍ल। ठीक पाइब आन नें ब्रेक्‍शो किताबमी मेको आन नें मबाक्‍ल। प्रस्‍थान ३२:३२-३३; दानीएल १२:१; लूका १०:२०; फिलिप्‍पी ४:३

भजन संग्रह 89:27

गो मेको कली आं ङोंइती जरमेशो तौ सेल्‍नुङ। रागी ङा पिप नेल्‍ल आन पिप सेल्‍नुङ।

भजन संग्रह 89:7

आंम मुर आन बुक्‍तीकेमी परमप्रभु कली मान पा हिंनीम। मेको आ एर ओंथ बाक्‍ब नेल्‍ल आन क्‍येङा मेको शुश ठेयब नु मान पा हिंचा माल्‍शो बाक्‍ब।

भजन संग्रह 94:2

रागी कली निसाफ पाइब, बोक्‍कीन। मिनु ठेयब लेश्‍शो आन कली आन पशो ङा क्‍येक्‍क लेत्‍तीन। उत्‍पत्ती १८:२५

भजन संग्रह 96:13

परमप्रभु यावे आ ङोंइती कुम्‍सो पाइनीम। मारदे हना परमप्रभु यावे जाक्‍ब। मेको रागी कली निसाफ पथ जाक्‍ब। मेकोमी रागी नेल्‍ल कली ठीक पतीकेमी निसाफ पाइब। मिनु जात जात ङा मुर आन कली थमा पा आन कुल मकोव़थु निसाफ पाइब। भजन संग्रह ८२:८; प्रेरित १७:३

भजन संग्रह 98:9

मारदे हना परमप्रभु यावे रागी कली निसाफ पथ जाक्‍ब। मेकोमी ठीक पा जात जात ङा मुर आन कुल मकोव़थु निसाफ पाइब।

प्रस्‍थान 13:2

“इस्राएलीपुकी, इन ङोंइती जरमेशो तौ नु इन बी ब्‍यफ, क्‍यारश भेडा आन ङोंइती जरमेशो बोहोर बोका योव़शा गेयीनी। मारदे हना मेको आं के बाक्‍नीम, दे मुर आन कली देंचा माल्‍ब” देंत। प्रस्‍थान १३:१२,१३; प्रस्‍थान २२:२८

प्रस्‍थान 32:32

मो हना यो गे मेको आन पाप क्‍याम्‍दीन, दे पुंइनुङ। मक्‍याम्‍ताक्‍नी हना, इन ब्रेक्‍शो किताब रे आं नें क्‍याम्‍दीने” दें‍त। भजन संग्रह ६९:२९; लूका १०:२०; रोमी ९:३

प्रस्‍थान 4:22

मिनु गे मेको कली ‘परमप्रभु यावेमी इन कली मार लोव़ पाप्‍तु देंशा हना, इस्राएल आं ङोंइती जरमेशो तौ बाक्‍ब। ब्‍यवस्‍था ३२:६

उपदेसक 12:7

खप रे बोक्‍शो फुरक खपीमीन लेत्‍चा क्‍येङा ङोंइती नु सोक्‍त गेब परमप्रभु आ बाक्‍तीकेम सोक्‍त लेत्‍चा क्‍येङा ङोंइती परमप्रभु कली मिम्‍तो। उपदेसक ३:२०; उत्‍पत्ती ३:१९

येरमीया 31:9

मेकोपुकी ङाक्‍ना ङाक्‍न जाक्‍नीम। गो मेको आन कली शिशी पा लेश्‍शा चाक्‍नुङमी। गो मेको आन कली खोला आ नेक्‍था गाक्‍पाइक्‍नुङमी। दाइल मपांइसीचा ङा पित्‍थ लांम खुल्‍नुङमी। मारदे हना गो इस्राएल आ आफ दुम्‍शो बाक्‍नुङ। मिनु एफ्राइम आं ङोंइती जरमेशो तौ बाक्‍ब।

लूका 10:20

वोलम इन देंशो टीनीम, दे तुइक्‍नीनी। मेको आ पर्बम मग्‍येरसीन। तन्‍न ‘परमप्रभु यावे आ मुर दुम्‍शा, इं नें परमप्रभु यावे नु ब्रोंइचा ताइब आन किताबम ब्रेक्‍साक्‍व’ दे तुइश्‍शा थाम्‍पा ग्‍येरसीने” दे माइक्‍मी बाक्‍त। प्रस्‍थान ३२:३२; यसैया ४:३; फिलिप्‍पी ४:३; प्रकाश ३:५

यूहन्‍ना 5:27

मिनु आ तौ कली निसाफ पतीक अधिकार गेप्‍तु। मारदे हना आ तौ रागीमी जरमेसीशो बाक्‍ब। दानीएल ७:१३-१४

प्रेरित 20:28

गे आंम कली कोव़ङीने। परमप्रभु यावे आ सोक्‍तीमी इन कली थमा सुइक्‍ब आन कली कोव़ब सेल्‍तु। गे परमप्रभु यावे आ मुर आन कली मुर आन कली कोव़ब रिम्‍शो गोठला दुमीन। मारदे हना मेकोपुकी आ तौ आ हुशेम ग्‍याप्‍शो बाक्‍नीमी। १तिमोथी ४:१६; १पत्रुस ५:२-४

१ कोरिन्‍थी 13:12

मुल गोपुकीमी ब्राब्रा पा ताइतय। मेना रिम्‍शो पा ताइनय। मुल गो इच्‍का ला रुप्‍नुङ। मेना नेल्‍ल रिम्‍शो पा रुप्‍नुङ। परमप्रभु यावेमी आं कली तुइश्‍शो बुद पा, गो मेना नेल्‍ल तुइक्‍नुङ। गन्‍ती १२:८; २कोरिन्‍थी ५:७; १कोरिन्‍थी ८:३

१ कोरिन्‍थी 15:49

दोपा गो खप के सेल्‍शो मुर खोदेंशो बाक्‍नया, मोपा गो स्‍वर्ग ङा मुर खोदेंशो यो दुम्‍नय। उत्‍पत्ती ५:३

१ कोरिन्‍थी 15:54

मिनु जाम्‍शा लाइब रां, गेना हना यो लीब रां दुम्‍चा माल्‍ब। बेक्‍ब रां, गेनायो मबेक्‍चा ङा रां दुम्‍चा माल्‍ब। मेना मेको ब्रेक्‍शो लोव़ थमा दुम्‍ब “ब्रोंइतीक सक्तिमी बेक्‍चा कली ग्रात।

२ कोरिन्‍थी 5:8

गो ठेयब थुं पाइश्‍शो बाक्‍नीकी। गो रां रे ङोन दुम्‍शा, प्रभु नु बाक्‍चा दाक्‍नीकी। फिलिप्‍पी १:२३

एफिसी 1:22

मिनु गेमी मारेइ मारेइ आन कली येसु ख्रीस्‍त आ खोइलीमी दिम्‍पाइक्‍तीनी। थमा सुइक्‍बपुकी रां का खोदेंशो सेल्‍शा, येसु ख्रीस्‍त कली मेको रां आ पिया सेल्‍तीनी। भजन संग्रह ८:७; मत्ती २८:१८; एफिसी ४:१५

ब्‍यवस्‍था 21:17

मेकोमी आ मदाक्‍शो मीश आ तौ “ङोंइती जरमेशो तौ बाक्‍ब” दे आ शोंप ङा भाग निक्‍शी गेचा माल्‍ब। मारदे हना मेको आ ङोंइती ङा सक्तिम थिशो बाक्‍ब। ङोंइती जरमेशो तौ आ अधिकार मेको केन बाक्‍ब। उत्‍पत्ती ४९:३

फिलिप्‍पी 4:3

मिनु गो नु गेय पाइब वारच, इ कली “मेको मीश मुर निक्‍शी आस कली वारच पावो” देंती। मारदे हना मेको निक्‍शीमी गो नु काथ काथा ग्‍येरपाइक्‍ब लोव़ शेंतीक गेय पाम्‍ताक्‍से। क्‍लेमेन्‍त नु अर्को वारच आन कली यो वारच पाम्‍ताक्‍से। मेको नेल्‍ल आन नें ब्रोंइतीक किताबमी ब्रेक्‍शो बाक्‍ब। लूका १०:२०

कलस्‍सी 1:12

इं आफ, परमप्रभु यावे कली “गे रिम्‍शो पाइब बाक्‍नीनी” देनीन। मारदे हना इन कली थमा सुइक्‍ब आन छेङछेङमी बाक्‍चा गेप्‍तु। एफिसी १:११; १पत्रुस १:४

कलस्‍सी 1:24

मुल गो इन पर्बम श्‍येत जाता हना यो, ग्‍येरसाक्‍यी। मारदे हना आं रांमी ख्रीस्‍त आ लीशो श्‍येत थुम्‍पाइक्‍नुङ। ख्रीस्‍त आ लीशो श्‍येत थमा सुइक्‍ब आन पर्बम बाक्‍ब। मेकोपुकी ख्रीस्‍त आ रां बाक्‍नीम। एफिसी ३:१३; २तिमोथी २:१०

१ तिमोथी 3:5

मारदे हना आंम खिं ङा मुर आन कली रिम्‍शो कोव़ने मचाप्‍ब बाक्‍त हना, दोपा परमप्रभु यावे आ खिं ङा मुर आन कली कोव़ने चाप्‍बा ङा?

हिब्रू 11:4

काइन नु हाबील निम्‍फामी परमप्रभु यावे कली भेटी चढ़ेम्‍सेनु, काइन क्‍येङा हाबील आ चढ़ेशो रिम्‍शो बाक्‍माक्‍त। मारदे हना हाबीलमी परमप्रभु यावे कली थमा सुइक्‍बाक्‍माक्‍त। मिनु हाबील आ चढ़ेशो ताक्‍शा, परमप्रभु यावेमी “हाबीलमी थमा सुइक्‍ती। मोपतीके ठीक दुम्‍पाइक्‍ता” दे कोंइताक्‍व। हाबील बेक्‍शा लशा, मिश बर्स दुम्‍शा यो आ थमा सुइश्‍शो आ पर्बम चहिं मुल सम्‍म लोव़ पना पन बाक्‍नय। उत्‍पत्ती ४:३-४

हिब्रू 11:40

मारदे हना परमप्रभु यावेमी इं पर्बम शुश रिम्‍शो मिम्‍शो बाक्‍मा बाक्‍त। मिनु मेकोपुकी यो गोपुकी नु रिम्‍शो दुम्‍मल। मेको नक लां रे पा पाको मसेल। मेको आन कली नु इं कली काथा वोइश्‍शो बाक्‍ब, दे रुब्‍य।

हिब्रू 2:12

मेकोमी “गो आं लोक्‍ब आन कली इन नें तुइक्‍पाइक्‍नुङमी। थमा सुइक्‍ब आन दातेमी इन कली ठेयब सेल्‍शा कुम्‍सो पाइनुङ” देंत। भजन संग्रह २२:२२

हिब्रू 9:27

दोपा मुर खेयप का बेक्‍चा माल्‍नीमी नु मेको बेक्‍शा, निसाफ पचा पुंइसीनीम। उत्‍पत्ती ३:१९

याकूब 1:18

परमप्रभु यावेमी इं कली आ थमा लोव़ पतीकेमी नक जरमेशो मुर सेल्‍तु। मोदेंशो पा ङोंइती सिश्‍शो फल खोदेंशो पा आ मुर दुम्‍तय। यूहन्‍ना १:१३; १पत्रुस १:१:२३

१ पत्रुस 2:23

मुरपुकीमी मेको कली शुक्‍शी लोव़ पाम्‍तेक्‍म हना यो, मेको आन कली लोव़ मलेत्‍त। मिनु श्‍येत जशा यो, मुर आन कली हिंच मकोंइद। तन्‍न ठीक पा निसाफ पाइब कली जिम्‍मा गेंसाक्‍व।

प्रकाश 13:8

मिनु सु सु आन नें क्‍योरशो पाठा आ ब्रोंइतीक किताबमी मब्रेक्‍शो बाक्‍मे, मेकोपुकीमी मेको जन्‍तु कली खुम्‍की पा सेउ पाइनीम। मेको किताब रागी सेल्‍चा क्‍येङा ङोंइती रे बाक्‍त।

प्रकाश 14:4

मिनु मेको मुरपुकी रागी ङा पाप रे ङोन बाक्‍शो बाक्‍तेक्‍म। मिनु मेकोपुकी पाठा तेक तेक लमे, मेक मेक लाइबाक्‍तेक्‍म। मेकोपुकी रागी ङा मुर आन दाते रे ग्रुंइशा, परमप्रभु यावे नु पाठा आस ङोंइती ङा योव़सीशो मुर बाक्‍तेक्‍म। १कोरिन्‍थी ७:१,८

प्रकाश 20:15

सु सु आन नें ब्रोंइतीक किताबमी मब्रेक्‍शो बाक्‍मे, मेको हुरुर पा ब्रशो मीमी हुम्‍चा पुंइसाक्‍म।

प्रकाश 6:11

मिनु परमप्रभु यावे आ स्‍वर्ग ङा गेय पाइबमी मेको आन कली बुश वा का का फेक्‍चा कली गेप्‍तु। मिनु मेकोमी मेको आन कली “इच्‍का रिम्‍दीन, अर्को इन खोदेंशो पा येसु आ गेय पाइब नु अर्को थमा सुइक्‍ब लोक्‍ब इन बुदी साइक्‍चा पुंइसीमा सम्‍म रिम्‍दीन” देंत।

प्रकाश 6:9

मिनु पाठामी मेको लीशो छाप सां रे का प्राक्‍गानु, गो चढ़ेतीके आगाम शुश मुर आन कली ताता। मेकोपुकी परमप्रभु यावे आ लोव़ टिचा कली नु अर्को आन कली येसु ख्रीस्‍त परमप्रभु यावे आ तौ बाक्‍ब, दे शेंचा आ पर्बम साइक्‍चा पुंइसीशो मुर बाक्‍तेक्‍म।