हिब्रू 12:14 - Sunuwar Bible

¹⁴ मुर नेल्‍ल नु दुशा गारशा बाक्‍कीने। पाप रे ङोन बाक्‍शा, रिम्‍शो थुं पशा गेय पा कोंइदीने। मो पाइतीनी हना, प्रभु नु काथा बाक्‍चा ताइनीनी। रोमी १२:१८; २तिमोथी २:२२

हिब्रू 12:14 ပူးပေါင်းရင်းမြစ်များ

२ कोरिन्‍थी 7:1

आं दाक्‍शोपुकी, गो नेल्‍लेमी परमप्रभु यावे आ गेशो लोव़ तुइश्‍शो बाक्‍नय। मोपतीके इं रां थुं नेल्‍ल मरिम्‍शो पतीक रे ङोन बाक्‍नय। मिनु इं परमप्रभु यावे कली ला मान पा हिंशा ठेयब सेल्‍नय।

१ थिस्‍सलोनिकी 4:7

परमप्रभु यावेमी इं कली ग्रांग्रा दिचा ङा गेय पचा कली मयोव़ङ। पाप रे ङोन बाक्‍चा कली योव़तु।

१ पत्रुस 3:11

मरिम्‍शो पचा प्रोंइशा, ठीक गेय ला पने।

रोमी 12:18

चाप्‍बी सम्‍म मुर आन कली जिचा मतोने। मुर नेल्‍ल नु दुशा गारशा बाक्‍कीन। मर्कूस ९:५०; हिब्रू १२:१४

रोमी 14:19

मोपतीके दुशा गारशा नु थमा सुइक्‍तीक थुं बारपाइक्‍मुशा बाक्‍य। रोमी १२:१८; रोमी १५:२

हितोपदेस 16:7

परमप्रभु यावेमी मुर आन पशो तशा ग्‍येरसाक्‍व हना, मेको कली आ जोरी सत्रु नु यो गारपाइश्‍शा वोइक्‍ब। उत्‍पत्ती ३१:२४; उत्‍पत्ती ३३:४

१ थिस्‍सलोनिकी 3:13

मोपा प्रभु येसु आ मुर नु जाक्‍ची ना इन थमा सुइक्‍तीक थुं बारपाइश्‍शा, दोस गेचा मपुंइसीब, इं आफ परमप्रभु यावे आ ङोंइती रिम्‍शो सेलल। १कोरिन्‍थी १:८; फिलिप्‍पी १:१०

रोमी 6:22

मुल गेपुकी मरिम्‍शो पचा रे प्रोंइचा पुंइसीशा, गे परमप्रभु यावे आ वाइल दुम्‍तीनी। मुल इन रिम्‍शो पतीके रे गे परमप्रभु यावे आ मुर दुम्‍शा, गेना हना यो मेको नु ब्रोंइशा बाक्‍चा ताइनीनी।

भजन संग्रह 34:14

मरिम्‍शो पतीके रे लेश्‍शा, रिम्‍शो पने। थुं नाइश्‍शा बाक्‍तीके माल्‍शा बाक्‍कीन।

३ यूहन्‍ना 1:11

आं दाक्‍शो थमा सुइक्‍ब लोक्‍ब, मरिम्‍शो मुर आन तस मखोतो। तन्‍न रिम्‍शो मुर आन तस खोतो। सु रिम्‍शो गेय पाइबा, मेको परमप्रभु यावे आ मुर बाक्‍ब। सु चहिं मरिम्‍शो पाइबा, मेको परमप्रभु यावे कली मतुइक्‍ब बाक्‍ब।

एफिसी 5:5

तेल्‍लेम पाइब, ग्रांग्रा दिचा ङा गेय पाइब नु शिंम पाइबपुकी ख्रीस्‍त नु परमप्रभु यावे आ राज्‍यमी ओव़चा मताइनीम, दे रिम्‍शो पा तुइक्‍चा माल्‍नीनी। मेको नेल्‍ल मूर्ति पूजा पचा खोदेंशो बाक्‍ब। १कोरिन्‍थी ६:९-१०; प्रकाश २१:८; प्रकाश २२:१५

यसैया 51:1

परमप्रभु यावे कली माल्‍ब नु ठीक पचा दाक्‍ब आन कली “आं लोव़ नेनीन। तेको सेरथे फुल्‍लु रे मुचा पुंइसीशो बाक्‍नी नु तेको खप रे दो‍शा ग्रुंइचा पुंइसीनी, मेको कली कोव़ङीन। यसैया ४८:१; ब्‍यवस्‍था ३३:२८

हिब्रू 12:10

इं आफपुकीमी इं कली आन मिम्‍स पा नाक्‍ती का निक्‍शी सम्‍म शेंताक्‍म। स्‍वर्ग ङा आफोमी चहिं इं कली रिम्‍शो थुं पाइश्‍शो सेल्‍चा दाक्‍ब। पाप रे ङोन बाक्‍शो आ खोदेंशो दुम्‍शो तचा दाक्‍ब। मोपतीके इं कली शेंब।

१ तिमोथी 6:11

मोपतीके गे परमप्रभु यावे आ मुर दुम्‍शा, मेको नेल्‍ल रे ङोन बाक्‍को। ठीक पतीके, परमप्रभु यावे कली मिम्‍शा दाक्‍चा, थमा सुइक्‍चा, मुर आन कली दाक्‍चा, थमा सुइक्‍चा मप्रोंइचा नु ब्रेम्‍शो दुम्‍चा ला मिम्‍तो। २तिमोथी ३:१७; २तिमोथी २:२२

हितोपदेस 15:1

ब्रोव़शो पा लोव़ लेश्‍शोनु, गाइक्‍तीके तेक्‍ब। तन्‍न हुइश्‍शा पशो लोव़मी मुर आन कली गाइक्‍पाइक्‍ब। हितोपदेस २५:१५; १राजा १२:१३-१६

१ पत्रुस 3:13

गे ठीक गेय ला पाइतीनी हना, सुम इन कली श्‍येत गेबा ङा?

मर्कूस 9:50

हिक्‍सी ङाम्‍ताक्‍व हना, ब्रोव़ब। हिक्‍सी आ ङाम्‍तीक जाम्‍त हना, मारम ङाम्‍पाइक्‍चा ङा? हिक्‍सी ङाम्‍शो दुमीन। मिनु दुशा बाक्‍कीन” दे शेंदीमी बाक्‍त। मत्ती ५:१३; लूका १४:१४; कलस्‍सी ४:६

भजन संग्रह 120:6

गो थुं नाइश्‍शा बाक्‍चा काइ मदाक्‍ब आन दातेमी शुश बाक्‍ती।

२ पत्रुस 3:11

मोदेंशो दुम्‍मेनु, नेल्‍ल मीम ग्रोइश्‍शा, मारेइ मलीब। मोपतीके गेपुकी परमप्रभु यावे कली थमा सुइश्‍शा, आ देंशो लोव़ टिशा, पाप रे ङोन बाक्‍शा, परमप्रभु आ नेक्‍था बाक्‍चा माल्‍नीनी।

१ कोरिन्‍थी 1:10

आं लोक्‍बपुकी, इं प्रभु येसु ख्रीस्‍त आ नेंमी, इन कली अर्ती गेनन्‍नी। लोव़ का, शोव़ का नु थुं का दुम्‍शा बाक्‍चा मप्रोनीन। १कोरिन्‍थी ११:१८; रोमी १५:५; फिलिप्‍पी २:२

हितोपदेस 17:14

दोपा प्रोंइशो ब्‍वाक्‍कु बोल पा शाइक्‍बा, मोपा जिचा पोक्‍तीक बाक्‍ब। मोपतीके जिचा ठेयब दुम्‍चा क्‍येङा ङोंइती मेको कली तेक्‍कीन।

लूका 1:75

आ मुर दुम्‍शा, ब्रोंइका सम्‍म ठीक गेय पा बाक्‍ने चाप्‍यल’ दे परमप्रभु यावे आ लोव़ पाइबमी देंमा बाक्‍त। तीतस २:१२-१४

२ तिमोथी 2:22

ठिटी ठिटा आन दला दाक्‍स रे ङोन बाक्‍को। रिम्‍शो थुंमी प्रभु कली लोव़ पाइबपुकी नु गारशा, ठीक पचा, थमा सुइक्‍चा, दाक्‍चा नु थुं नाइक्‍चा ला मिम्‍तो। १तिमोथी ४:१२; १तिमोथी ६:११; हिब्रू १२:१४

१ थिस्‍सलोनिकी 5:15

मुरुमी इन कली मरिम्‍शो पाम्‍तेक्‍म हना, गेपुकी मेको आन कली मरिम्‍शो मपने। रिम्‍शो पमुचा माल्‍नीनी। अरु आन कली यो रिम्‍शो पने। हितोपदेस २०:२२; रोमी १२:१७,२१; १पत्रुस ३:९

भजन संग्रह 133:1

लोक्‍बपुकी गारशा बाक्‍चा शुश रिम्‍शो बाक्‍ब। उत्‍पत्ती १३:८

भजन संग्रह 94:15

ठीक मुर लेंशा ठीक पतीके ताइनीम। ब्रेम्‍शो थुं पाइश्‍शो मुर ठीक लां खोइक्‍नीम।

भजन संग्रह 38:20

मुरपुकीमी आं रिम्‍शो पशो आ पा ङा आं कली मरिम्‍शो पाइ‍नीम। मारदे हना गो रिम्‍शो पाइब बाक्‍ती हना यो, आं कली खेदा पाइनीम।

अय्‍युब 19:26

मिनु आं कुशुल राक्‍शा खतम दुम नोले, गो आं रांमी परमप्रभु कली ताइनुङ। भजन संग्रह १७:१५; भजन संग्रह ७३:२४

अय्‍युब 33:26

मिनु मेकोमी प्रार्थना पवानु, परमप्रभुमी नेंब। मेको परमप्रभु आ ङोंइती बाक्‍शा, ग्‍येरसीशा कुम्‍सो पाइब। परमप्रभुम मेको आ ठीक पतीक लेंशा ङोंइती ङा खोदेंशो सेल्‍ब।

उत्पत्ती 32:30

मिनु याकूबमी “गो परमप्रभु आ कुल तशा यो मबेक्‍ङ” दे मेको बाक्‍तीके आ नें पेनीएल वोदा बाक्‍त। प्रस्‍थान ३३:२०

२ पत्रुस 3:18

तन्‍न इं प्रभु, इं कली पाप रे प्रोंइब येसु ख्रीस्‍त आ शिशी नु मेको कली तुइक्‍तीकेम बारना बारन लल। मेको कली मुल नु गेना हना यो ठेयब सेल्‍य। आमेन।

फिलिप्‍पी 3:12

मुल सम्‍म गो मेको नेल्‍ल मतङ। मिनु ठीक मदुम्‍ङ। तन्‍न मेको आं के दुम्‍ल, दे शुश गेय पाइनुङ। मारदे हना ख्रीस्‍त येसुम आं कली आ मुर सेल्‍ती। कलस्‍सी १:२९; १तिमोथी ६:१२; प्रेरित ९:३-६

२ कोरिन्‍थी 6:17

मोपतीके प्रभुमी “मेको आन दाते रे ग्रूशा, पिने। मेको आन दाते रे ब्राङीने। ग्रांग्रा दिशो मारेइ मथिने। मिनु गो इन कली ब्राइनुङ। प्रकाश १८:४

१ कोरिन्‍थी 13:12

मुल गोपुकीमी ब्राब्रा पा ताइतय। मेना रिम्‍शो पा ताइनय। मुल गो इच्‍का ला रुप्‍नुङ। मेना नेल्‍ल रिम्‍शो पा रुप्‍नुङ। परमप्रभु यावेमी आं कली तुइश्‍शो बुद पा, गो मेना नेल्‍ल तुइक्‍नुङ। गन्‍ती १२:८; २कोरिन्‍थी ५:७; १कोरिन्‍थी ८:३

गलाती 3:21

अरेशो लोव़ नु परमप्रभु यावेमी गेशो लोव़ मगारचा ङा लोव़ नसी ङा? ममाइ। ब्रोंइचा गेचा कली अरेशो लोव़ का गेशो हना, थमा पा ठीक पतीके अरेशो लोव़ रे पा दुम वा। रोमी ८:२-४

हिब्रू 9:28

मोपा ख्रीस्‍त शुश मुर आन पाप क्‍याम्‍चा कली खेयप का आ हुश चढ़ेप्‍तु। मिनु लेंशा जाक्‍ब। पाप क्‍याम्‍थ चहिं मजाक्‍ब। तन्‍न मेको कली थमा सुइश्‍शा रिम्‍शा बाक्‍ब आन कली श्‍येत रे प्रोंइचा कली जाक्‍ब। हिब्रू १०:११,१२,१४

न्‍यायाधीस 11:14

मिनु येफ्‍तामी लेंशा मुर सोइश्‍शा अम्‍मोनी आन पिप कली