हिब्रू 12:13 - Sunuwar Bible

¹³ लां ब्रेम्‍शो सेल्‍शा, रिम्‍शो पा थेक्‍शा गाक्‍कीन। सुइ दशा, खोइली खाइश्‍शा, आन पोक्‍च मबुइक्‍ल। रिम्‍शो पा गाक्‍शा, आन दशो सामल। हितोपदेस ४:२६-२७

हिब्रू 12:13 ပူးပေါင်းရင်းမြစ်များ

यसैया 35:3

इन मारेइ पने मचाप्‍ब गुइ बोल्‍यो सेलीन। इन ख्रिंख्रि पाइब पोक्‍च बोल्‍यो सेलीन। हिब्रू १२:१२

यसैया 35:6

खोइल मदुक्‍ब मुर किश्‍श खोदेंशो पा प्रेक्‍नीम। मब्‍वाक्‍बपुकीम ग्‍येरसीशा कुम्‍सो पाइनीम। मारदे हना मुर मबाक्‍तीकेम ब्‍वाक्‍कु बुक्‍नीम। गोरशो रागीमी खोला यीनीम।

यसैया 42:16

मिनु मिक्‍च मताइब आन कली आन मतुइश्‍शो लांमी खुल्‍नुङमी। आन मतुइश्‍शो गाक्‍तीक लांमी गाक्‍पाइक्‍नुङमी। मेको आन ङोंइती बाक्‍शो छिङछिङ कली छेङछेङ सेल्‍नुङ। मिनु फुल्‍लु बाक्‍तीक कली दिंम सेल्‍नुङ। एको मप्रोंइथु पाइनुङ। यसैया ४०:४

यसैया 58:12

मिनु गे इन साइ ङा ब्रेश्‍शो खिंपुकी लेंशा सेल्‍नीनी। साइ ङोंइती ङा सेल्‍शो जग लेंशा वोइक्‍नीनी। मिनु इन कली गारो सेल्‍ब, खिं सेल्‍ब नु लां लेंशा सेल्‍ब, दे नें वोइक्‍नीम। यसैया ६१:४

येरमीया 18:15

तन्‍न आं मुरपुकीम आं कली प्रेंताक्‍म। मेकोपुकीमी शोर गाक्‍शो मूर्ति आन कली चोशा चढ़ेम्‍तेक्‍म। मेको माइत लांम दाइल पपांइसाक्‍म। मिनु मेकोपुकी मेको माइत ठेयब लां प्रोंइ‍शा, आइक्‍च लां मेर गाक्‍तेक्‍म।

लूका 3:5

बेंसी नेल्‍ल प्रिंचा पुंइसीनीम। डांडा नेल्‍ल दिंम सेल्‍चा पुंइसीनीम। हिरशो लां नेल्‍ले सोव़जो सेल्‍चा पुंइसीनीम। मरिम्‍शो लां नेल्‍ले रिम्‍शो सेल्‍चा पुंइसीनीम।

गलाती 2:14

मिनु मेको आन मोदेंशो पशो चहिं ख्रीस्‍त आ लोव़ नु मगारब देंती। मोपतीके मेको आन कली खुप्‍शा, केफास कली “गे यहूदी नवे। तन्‍न इं यहूदी बुद पा आन पतीके पचा प्रोंइशा, अर्को रागी ङा मुर खोदेंशो दुम्‍ते। मोपतीके अर्को रागी ङा मुर आन कली इं यहूदी रिती थिती पपाइक्‍चा दुम्‍बा?

गलाती 6:1

आं लोक्‍बपुकी, सुमी आ थुंमी मिम्‍शा, दला दाक्‍स पा प्रभु आ देंशो मटिथु मरिम्‍शो दुम्‍मे, गे मेको कली परमप्रभु यावे आ सोक्‍तीमी ब्रीशो थुं पाइश्‍शोपुकीमी, ठेयब मलेत्‍थु, रिम्‍शो लोव़ पा, आ थुं परमप्रभु यावे गे लेप्‍पतीने। मो पनीनु, थुं थाम्‍चा मपुंइसेक्‍ल, दे होस पा बाक्‍कीन। मत्ती १८:१५; याकूब ५:१९

याकूब 5:16

मोपतीके रोइ सापाइक्‍चा कली इन पशो पाप शोव़मुशा, प्रभु नु लोव़ पमुने। ठीक थमा सुइक्‍ब आन पुंइशो लोव़मी ठेयब गेय पाइब। प्रेरित १२:५

१ पत्रुस 2:24

मेको इं पाप क्‍याम्‍चा कली शीमी क्‍येप्‍शा कांटी थोक्‍शा साइक्‍चा पुंइसाक्‍व। इं पाप पतीक थुं साइक्‍चा नु इं ठीक पतीक थुं प्रोंइचा, दे साइक्‍चा पुंइसाक्‍व। मोपा मेको आ कांटी थोक्‍शो गारपुकीमी गे साशा ठीक दुम्‍तीनी। १यूहन्‍ना ३:५; गलाती ३:१३; रोमी ६:८,११