हिब्रू 12:11 - Sunuwar Bible

¹¹ मोदेंशो पा शेंचा पुंइसीयानु, मग्‍येरनय। श्‍येत जाइनय। श्‍येत फाल्‍ने चाप्‍बपुकी ठीक दुम्‍नीम, आन थुं नाइक्‍चा ताइनीम, दे रुब्‍य। २कोरिन्‍थी ४:१७-१८

हिब्रू 12:11 ပူးပေါင်းရင်းမြစ်များ

उत्पत्ती 21:11

अब्राहामम आ लोव़ नेंशा, थुं मनुमाक्‍त। मारदे हना इश्‍माएल यो आ तौ बाक्‍माक्‍त।

भजन संग्रह 118:18

परमप्रभु यावेमी आं कली शुश सजाइ गेती। तन्‍न बेक्‍चा मगेयी। २कोरिन्‍थी ६:९

भजन संग्रह 119:165

इन अरेशो लोव़ दाक्‍बपुकी थुं नाइश्‍शा बाक्‍चा ताइनीम। मेको आन कली मारेइ श्‍येत मदुम्‍ब।

भजन संग्रह 89:32

गो मेको आन पाप आ पर्बम कोक्‍केमी सजाइ गेनुङमी। गो मेको आन ठीक मपशो आ पर्बम तुप्‍शा सजाइ गेनुङमी।

हितोपदेस 15:10

नोले शोंइसीशो मुर हिंचा ङा सजाइ ताइनीम। तन्‍न हुइश्‍शो काइ मदाक्‍ब मुर बेक्‍चा माल्‍ब।

हितोपदेस 19:18

आस बाक्‍म सम्‍म इ तौ कली शेंशा तुपो। तन्‍न मेको कली तुप्‍शा मसतो। ब्‍यवस्‍था २१:१८-२१

यसैया 19:22

परमप्रभु यावेमी इजीप्‍त ङा मुर आन कली तुप्‍ब। मिनु सापाइक्‍ब। मिनु मेकोपुकी परमप्रभु यावे आ नोले खोइक्‍नीम। मिनु मेको आन पुंइशो लोव़ नेंशा। मेको आन कली सापाइक्‍ब।

यसैया 32:17

ठीक पतीकेम थुं नाइक्‍चा गे‍ब। ठीक पतीके आ सित्‍तीके सिक्‍सी पा बाक्‍चा नु गेना हना यो थमा सुइक्‍चा बाक्‍ब।

रोमी 14:17

परमप्रभु यावे आ राज्‍य जचा तूचा आ पर्बम ममाइ। परमप्रभु यावे आ सोक्‍त रे पा थमा सुइक्‍बपुकीमी रिम्‍शो गेय पशा, दुशा ग्‍येरशा बाक्‍चा आ पर्बम बाक्‍ब। १कोरिन्‍थी ८:८; हिब्रू १३:९

२ कोरिन्‍थी 4:17

मारदे हना मुल जशो श्‍येत इच्‍का ला बाक्‍ब। नोले मेकोमी इं कली मरुप्‍चा ङा ठेयब छेङछेङमी बाक्‍चा गेब। रोमी ८:१७-१८; १पत्रुस १:६

२ तिमोथी 4:8

मुल रे ठीक पतीके ङा सिरपेच गुप्‍चा दे आं कली वोइश्‍शो बाक्‍त। प्रभु ठीक निसाफ पाइब बाक्‍ब। मेकोमी आं कली आ नाक्‍तीम सिरपेच गेब। आं कली ला ममाइ, सु सुमी आ जाक्‍शो दाक्‍नीमी, मेको आन कली यो गेब। २तिमोथी २:५; १पत्रुस ५:४; याकूब १:१२; प्रकाश २:१०; मत्ती २५:२१

हिब्रू 12:10

इं आफपुकीमी इं कली आन मिम्‍स पा नाक्‍ती का निक्‍शी सम्‍म शेंताक्‍म। स्‍वर्ग ङा आफोमी चहिं इं कली रिम्‍शो थुं पाइश्‍शो सेल्‍चा दाक्‍ब। पाप रे ङोन बाक्‍शो आ खोदेंशो दुम्‍शो तचा दाक्‍ब। मोपतीके इं कली शेंब।

हिब्रू 5:14

पाको दुम्‍शो आन कली चहिं खमे गेंसीब। मेकोपुकीमी परमप्रभु यावे आ गेय पना पन मार रिम्‍शो बाक्‍मे, मार मरिम्‍शो मेको तुइक्‍नीम।

१ पत्रुस 1:6

गे मेको तुइश्‍शा, ग्‍येरनीनी। मुल इच्‍का नाक्‍त सम्‍म थुं थाम्‍चा कली मार मार श्‍येत जाइनीनी। १पत्रुस ५:१०; २कोरिन्‍थी ४:१७

२ पत्रुस 2:14

मेकोपुकीमी मुर आन मीश तशा वाल्‍नीम। पाप पचा गेनायो “मोक्‍ल” मदेंनीम। सक्ति मपाइश्‍शो थमा सुइक्‍ब आन कली लेम्‍शा, आंम दूली लां खोइक्‍पाइक्‍नीमी। मेकोपुकी शीम बाक्‍नीम। मिनु सराप रशो मुर बाक्‍नीम।