हिब्रू 11:4 - Sunuwar Bible

⁴ काइन नु हाबील निम्‍फामी परमप्रभु यावे कली भेटी चढ़ेम्‍सेनु, काइन क्‍येङा हाबील आ चढ़ेशो रिम्‍शो बाक्‍माक्‍त। मारदे हना हाबीलमी परमप्रभु यावे कली थमा सुइक्‍बाक्‍माक्‍त। मिनु हाबील आ चढ़ेशो ताक्‍शा, परमप्रभु यावेमी “हाबीलमी थमा सुइक्‍ती। मोपतीके ठीक दुम्‍पाइक्‍ता” दे कोंइताक्‍व। हाबील बेक्‍शा लशा, मिश बर्स दुम्‍शा यो आ थमा सुइश्‍शो आ पर्बम चहिं मुल सम्‍म लोव़ पना पन बाक्‍नय। उत्‍पत्ती ४:३-४

हिब्रू 11:4 ပူးပေါင်းရင်းမြစ်များ

उत्पत्ती 4:10

मिनु मेकोमी “नेनो, मार पवी? इ लोक्‍ब आ हुशेमी आं कली खप रे ब्रेश्‍शो नेंता। भजन संग्रह ९:१३; मत्ती २३:३५; हिब्रू १२:२४

उत्पत्ती 4:15

मिनु परमप्रभु यावेमी “ममाइ, सुइमी इ कली साइक्‍तेमी हना, इ तशो सराप मेको कली ७ खेयप रचा माल्‍ब” देंमाक्‍त। मिनु परमप्रभु यावेमी “काइन कली सुइमी मसदमेक्‍ल” दे आ रांम चिनु वोदा बाक्‍त। इजीकीएल ९:६; प्रकाश ७:३-४

उत्पत्ती 4:25

मिनु आदम लेंशा आ मीश नु इप्‍‍शा, तौ का थि‍माक्‍त। मेको कली सेथ नें वोदा बाक्‍त। हव्‍वामी “परमप्रभुमी हाबील आ पा ङा अर्को तौ का गेती। मारदे हना काइनमी हाबील कली साइक्‍तु” देंमाक्‍त।

उत्पत्ती 4:8

मिनु काइनमी आ लोक्‍ब हाबील कली “रूमी लस” देंमाक्‍त। मिनु रूमी बाक्‍सानु, काइनमी हाबील कली सदा बाक्‍त। १यूहन्‍ना ३:१२,१५

१ राजा 18:38

मिनु इर रे परमप्रभु यावे आ मी यिशा चोशा चढ़ेतीके, चोशा चढ़ेतीक ङा शी, फुल्‍लु नु खप नेल्‍ल नेक्‍गा बाक्‍त। मिनु मेको कुला ङा ब्‍वाक्‍कु यो सोव़माक्‍त। लेवी ९:२४

अय्‍युब 8:10

मेको किकी पिपीम इन कली मशेंनीमी? इन कली लोव़ मपाइनीमी? इन कली आन रुप्‍शो लोव़ मशेंनीमी?

हितोपदेस 15:8

परमप्रभु यावे आ अरेशो मटीब आन चढ़ेशो तशा, परमप्रभु यावे ग्रांग्रा दी‍ब। तन्‍न रिम्‍शो थुं पाइश्‍शो मुर आन पुंइशो नेंशा ग्‍येरसीब। हितोपदेस २१:२७; यसैया १:११,१५; हितोपदेस २८:९; लूका १८:९-१४

हितोपदेस 21:27

परमप्रभु यावे आ अरेशो मटीब आन चढ़ेशो ग्रांग्रा दि‍शो बाक्‍ब। मेकोमी मरिम्‍शो मिम्‍शा चढ़ेशो शुश ग्रांग्रा बाक्‍ब। हितोपदेस १५:८

लेवी 9:24

मिनु परमप्रभु यावे आ ङोंइती रे मी ग्रूशा, चढ़ेतीकेम बाक्‍शो चोशा चढ़ेतीक नु मेक बाक्‍शो बोंसो नेक्‍तु। मिनु मुरपुकीमी मेको तशा, ठेयब सेंदा पा ग्‍येरसीशा, खुम्‍की पा बाप्‍तेक्‍म। न्‍यायाधीस ६:२१; १राजा १८:३८; १इतिहास २१:२६; २इतिहास ७:१

मत्ती 23:35

मेको मोपा खेदा पा साइश्‍शो पाप नेल्‍ल इन कली राइब। साइ नेसी रिम्‍शो पाइब हाबील साइश्‍शो रे बेरेक्‍याह आ तौ जकरिया साइश्‍शो सम्‍म ङा आन हुशेमी लां मताइनीनी। जकरिया कली परमप्रभु यावे आ खिंमी चढ़ेतीके आ ङोंइती साइश्‍शो बाक्‍मा बाक्‍त। उत्‍पत्ती ४:८; २इतिहास २४:२०-२१

लूका 11:51

ङोंइती साइश्‍शो हाबील बाक्‍त। नेल्‍ल क्‍येङा नोले साइश्‍शो जकरिया बाक्‍त। मेको कली परमप्रभु यावे कली चढ़ेतीक नु आ खिं आस दातेम साइश्‍शो बाक्‍त। मेको नेल्‍ल आन कली मोपा साइक्‍तीके सिनाक्‍ती मुलाक्‍ती ङा मुर दोस गेने पुंइसीशा सजाइ ताइनीम।

तीतस 1:16

मिनु मेकोपुकीमी “गो परमप्रभु यावे कली तुइक्‍नुङ” देंखु पाइनीमी। तन्‍न आन पतीकेमी मतुइक्‍ब बाक्‍नीम, दे तुंइसीब। मोपा मेकोपुकी ग्रांग्रा दिचा ङा मुर बाक्‍नीम। मिनु मटीब दुम्‍शा, रिम्‍शो गेय यो पने मचाप्‍नीम। २तिमोथी ३:५

हिब्रू 11:2

मोपा थमा सुइश्‍शोमी इं किकी पिपीपुकी ठीक दुम्‍मा बाक्‍त।

हिब्रू 12:1

साइ थमा सुइक्‍बपुकी शुश बाक्‍मा बाक्‍त। मेकोपुकीमी इं कली कोव़ना कोव़न बाक्‍नीम। मोपतीके दोरब मुर खोदेंशो पा, इं कली तेक्‍ब नु खोल्‍ने चाप्‍बपुकी तिल्‍शा, पापमी इं खोइली फ्रेंचा मगेथु, दोरय। १कोरिन्‍थी ९:२४

हिब्रू 12:24

नक कबल खाप्‍ब येसु बाक्‍ब। मिनु येसु आ जारशो हुश यो बाक्‍ब। मेको हुश हाबील आ हुश खोदेंशो ममाइ। हाबील आ हुशेमी “आं कली साइक्‍ब सजाइ गेचा पुंइसमल” देंब। येसु आ हुशेम चहिं “मेको आन पाप नेल्‍ल क्‍याम्‍शा, सजाइ जचा रे प्रोंइतामी” देंब। हिब्रू ९:१५; उत्‍पत्ती ४:१०

हिब्रू 5:1

ठेयब चढ़ेबपुकी मुर आन दाते रे योव़चा पुंइसीशो बाक्‍नीम। परमप्रभु यावे नु मुर आन कली गारपाइक्‍चा, दे मेकोपुकीमी मुर आन पाप क्‍याम्‍चा कली परमप्रभु यावे कली भेटी नु मार मार चढ़ेनीम।

हिब्रू 9:22

थमा पा परमप्रभु यावे आ अरेशो लोव़ ब्रेक्‍शो खोदेंशो पा मारेइ मारेइ चोव़खो सेल्‍चा कली हुश ब्रुइक्‍चा माल्‍दा बाक्‍त। हुश मजारथु, पाप मक्‍याम्‍सीब, दे रुप्‍नय। लेवी १७:११

२ पत्रुस 2:8

मारदे हना मेको ठीक पाइबमी नाक्‍त किंत किंत आन ग्रांग्रा दिचा ङा गेय तशा नु नेंशा, आ ठीक मिम्‍तीक थुं शुश खाइश्‍शो बाक्‍त।

यहूदा 1:11

मेको आन पर्बम आबी। काइन खोदेंशो दुम्‍शो बाक्‍तेक्‍म। बालाम बुदी परमप्रभु यावे कली मटिथु, क्‍येट आ पर्बम दूली गेय पाइनीम। मिनु कोराह माइश्‍शो मुर खोदेंशो पा जाम्‍शा लाइनीम। उत्‍पत्ती ४:८; गन्‍ती ३१:१६; गन्‍ती १६:-