हिब्रू 11:29 - Sunuwar Bible

²⁹ मिनु थमा सुइश्‍शोमी लल समुन्‍द्रम सोव़शो लां दुम्‍माक्‍त। मिनु खोइल का यो मजित्‍थु शोक्‍समा बाक्‍त। मेको आन नोले खोइश्‍शा खेदा पाइब इजीप्‍त ङा मुरपुकी चहिं समुन्‍द्रमी ग्रुम्‍शा बेक्‍मा बाक्‍त।

हिब्रू 11:29 ပူးပေါင်းရင်းမြစ်များ

नेहेम्‍याह 9:11

मेको आन ङोंइती समुन्‍द्र कली चेश्‍शा लां का सेल्‍तीनी। मेकोपुकी सोव़शो खपीम गाक्‍शा, समुन्‍द्र शोक्‍साक्‍म। मेको खेदा पाइब आन कली चहिं ब्‍वाक्‍कुम ख्रुम्‍तीनी। फुल्‍लु ब्‍वारशा, ब्‍वाक्‍कुम ताइश्‍शो खोदेंशो पा ख्रुम्‍तीनी। प्रस्‍थान १४:२१; प्रस्‍थान १५:५,१०

भजन संग्रह 66:6

मेकोमी समुन्‍द्रम सोव़शो लां सेल्‍तु। मुरपुकी सोव़शो लांम गाक्‍शा, खोला शोक्‍साक्‍म। मेकेर गो मेको आ पर्बम ग्‍येरसाक्‍क। प्रस्‍थान १४:२१-२२; यहोसु ३:१६-१७

भजन संग्रह 78:13

मेकोमी समुन्‍द्र कली फ्राशा, लां सेल्‍तु। मिनु मेको लां रे पा मेको आन कली आइक्‍ची हांबु शोक्‍ताक्‍मी। मेकोमी ब्‍वाक्‍कु कली गारो खोदेंशो पा एर ओंथ राप्‍पाइक्‍तु। प्रस्‍थान १४:२१-२२

प्रस्‍थान 14:13

मिनु मोसामी मुर आन कली “महिनीन। मुलाक्‍ती परमप्रभु यावेमी दोपा इन कली इजीप्‍त ङा मुर रे प्रोंइबा, कोव़शा बाक्‍कीन। मुलाक्‍ती तशो इजीप्‍त ङा मुर आन कली गे लेंशा गेनायो मताइनीनी।

प्रस्‍थान 14:22

मिनु इस्राएलीपुकी समुन्‍द्र ङा सोव़शो लां लाम्‍तेक्‍म। समुन्‍द्र ङा ब्‍वाक्‍कु चहिं आन ग्‍युरा नु पेरा गे गारो खोदेंशो पा बाक्‍त। यहोसु ४:२३; २राजा २:८; यसैया ११:१५-१६; १कोरिन्‍थी १०:१; हिब्रू ११:२९

प्रस्‍थान 14:27

मिनु मोसामी आ गुइ समुन्‍द्र तार दिंदानु, नां सोव़ची ना समुन्‍द्र ङोंइती ङा खोदेंशो दुम्‍त। मिनु इजीप्‍त ङा लडाइ पाइब लेश्‍शा प्रोक्‍ने मचबेम। मोपा परमप्रभु यावेमी इजीप्‍त ङा लडाइ पाइब आन कली समुन्‍द्रमी ख्रुम्‍तु।

यहोसु 2:10

गे इजीप्‍त रागी रे ग्रूशा पिनीनु, परमप्रभु यावेमी इन ङोंइती लल समुन्‍द्र सोव़पाइक्‍तु। मिनु यर्दन आइक्‍ची हांबु ङा एमोरी आन पिप सीहोन नु ओग आस कली साइश्‍शा खतम सेल्‍शो लोव़ गोपुकीमी नेंतक। प्रस्‍थान १४:२१; गन्‍ती २१:२१-२६