हिब्रू 11:27 - Sunuwar Bible

²⁷ “मतांइसीब परमप्रभु यावे कली मिक्‍चीम तशो खोदेंब पा आं नेक्‍थान ताइनुङ” दे थमा सुइश्‍शा, पिपी गाइश्‍शो तशा यो महिंथु, इस्राएली आन कली इजीप्‍त रे ग्रुंइशा लाइक्‍मी बाक्‍त।

हिब्रू 11:27 ပူးပေါင်းရင်းမြစ်များ

भजन संग्रह 16:8

गो परमप्रभु यावे कली गेना हना यो आं ङोंइती वोइक्‍ता। मोपा मेको आं ग्‍युरा गे बाक्‍मेनु, गो महिम्‍सीनुङ। प्रेरित २:२५-२८

प्रस्‍थान 11:8

मिनु नोले इन गेय पाइब नेल्‍लेमी आं ङोंइती खुम्‍की पा बाप्‍शा, आं कली ‘गे नु इन नोले खोइक्‍ब मुरपुकी एक रे लने’ देंनीम। मिनु गो लाइनुङ” दे मोसामी फाराओ कली देंत। मिनु मोसा फाराओ आ बाक्‍तीके रे शुश गाइश्‍शा चुरशा गाक्‍त।

प्रस्‍थान 12:11

मेको श्‍ये किप्‍शुर किप्‍शा, जुत्ता लिक्‍शा, गुइमी कोक्‍के ग्‍याइश्‍शा, रीब पा ब्‍वचा माल्‍नीनी। मारदे हना मेको परमप्रभु यावे आ पास्‍सा चाड बाक्‍ब। ब्‍यवस्‍था १६:३; यसैया ५२:१२

प्रस्‍थान 12:50

मिनु परमप्रभु यावेमी मोसा नु हारून आस कली दोदेंशो देंमे, मोदेंशो इस्राएली नेल्‍लेमी पाम्‍तेक्‍म।

प्रस्‍थान 4:19

मिनु मोसा मिदयान रागीम बाक्‍मेनु, परमप्रभु यावेमी “लेंशा इजीप्‍त रागी लावो। मारदे हना इ कली साइक्‍चा माल्‍बपुकी बेक्‍तेक्‍मे” दे लोव़ पाप्‍तु।

मत्ती 10:22

आं नें आ पर्बम नेल्‍लेमी इन कली मदाक्‍नीम। तन्‍न सु सुमी चहिं नोले सम्‍म फाल्‍शा बाक्‍नीमी, मेकोपुकी परमप्रभु यावे नु ब्रोंइशा बाक्‍चा ताइनीमी। २तिमोथी २:१२; मत्ती २४:९-१३

मत्ती 24:13

सु सु चहिं नेल्‍ल क्‍येङा नोले सम्‍म थमा सुइक्‍चा मप्रोंइथु बाक्‍नीमी, मेकोपुकी श्‍येत जचा रे ब्रोंइशा, गेना हना यो परमप्रभु यावे नु बाक्‍चा ताइनीम। मत्ती १०:२२; प्रकाश १३:१०

मर्कूस 13:13

आं नें आ पर्बम सुइम इन कली मदाक्‍नीम। सु सु चहिं नेल्‍ल क्‍येङा नोले सम्‍म थमा सुइक्‍चा मप्रोंइथु बाक्‍नीमी, मेकोपुकी श्‍येत जचा रे ब्रोंइशा, गेना हना यो परमप्रभु यावे नु बाक्‍चा ताइनीम। यूहन्‍ना १५:१८,२१

मर्कूस 4:17

तन्‍न शाक्‍श थोक्‍चा मतथु, शुश मलीनीम। लोव़ आ पर्बम श्‍येत गेचा पुंइसाक्‍म हना, थु प्रोंइशा गाक्‍नीम।

प्रेरित 2:25

मिनु पिप दाऊदमी येसु आ पर्बम ‘प्रभु गेना हना यो आं ग्‍युरा गे बाक्‍ब, दे तुइश्‍शा महिंनुङ। भजन संग्रह १६:८-११

१ कोरिन्‍थी 13:7

दाक्‍तीकेमी मारेइ मारेइ सुम्‍ब, मारेइ मारेइ थमा सुइक्‍ब, मारेइ मारेइ आस पाइब नु नेल्‍ल फाल्‍ने चाप्‍ब। हितोपदेस १०:११; मत्ती १८:२१-२२; रोमी १५:१

२ कोरिन्‍थी 4:18

मारदे हना गो मिक्‍चीमी तशो थोव़क ममाइ। तन्‍न मिक्‍चीम मतशो थोव़क ला कोव़नीकी। तशो थोव़क जाम्‍शा लाइनीम। मतशो थोव़क चहिं मजाम्‍थु, गेना हना यो लीनीम। हिब्रू ११:१

कलस्‍सी 1:15

सुइमी तने मचाप्‍शो परमप्रभु यावे खोदेंशो येसु ख्रीस्‍त रागी सेल्‍चा ङोंइती रेन बाक्‍त। हिब्रू १:३; प्रकाश ३:१४

१ तिमोथी 1:17

गेना हना यो मबेक्‍थु बाक्‍ब पिप कली सुइमी तने मचाप्‍नीम। मेको कांइचीक परमप्रभु, परमप्रभु यावे बाक्‍ब। गेना हना यो मान ताक्‍चा नु छेङछेङ मेको केन बाक्‍ब। आमेन।

१ तिमोथी 6:16

मेको ला गेनायो मबेक्‍ब। सुइ आन कोव़ने मचाप्‍चा ङा पा छेङछेङमी बाक्‍ब। सुइमी मेको कली गेनायो मताम। तने यो मचाप्‍नीमी। मेको मान तशा नेल्‍ल क्‍येङा सक्ति पाइश्‍शो बाक्‍ब। आमेन। प्रस्‍थान ३३:२०; यूहन्‍ना १:१८

हिब्रू 10:32

साइ इन थुंमी छेङछेङ दुम्‍शा, थमा सुइक्‍ब दुम्‍नीनु, मार दुम्‍मे, मेको मुल यो मिम्‍तीने। मार दुम्‍त देंशा हना, शुश श्‍येत जाइतीनी हना यो, फाल्‍शा बाक्‍तीनी। हिब्रू ६:४

हिब्रू 11:1

थमा सुइक्‍चा चहिं मार बाक्‍ब देंशा हना, आस पशो थमा दुम्‍शो तांइसीब नु इं मिक्‍चीम मतशो थोव़की बाक्‍नीम, दे मिम्‍चा बाक्‍ब। मिनु बाक्‍नीमी यो। मेको मोदेंशो मिम्‍चा कली थमा सुइक्‍चा देंसीब। २कोरिन्‍थी ५:७

हिब्रू 11:13

अब्राहाम नु आ खिं ङा मुरपुकीमी परमप्रभु यावेमी गेशो लोव़ थमा सुइश्‍शा बेक्‍मा बाक्‍त। मेको लोव़ गाप्‍शो मतथु, ङोन रे तशा मजाक्‍दीत्‍थु, बेक्‍मा बाक्‍त। मेकोपुकीमी “इं रागी मजाक्‍दीत्‍थु, अर्को आन रागीम बाक्‍तय” देंशो बाक्‍मा बाक्‍त। उत्‍पत्ती २३:४; उत्‍पत्ती ४७:९; १इतिहास २९:१५

हिब्रू 6:15

मिनु अब्राहाममी शुश बर्स सम्‍म रिम्‍शा बाक्‍शा, परमप्रभु यावे आ देंशो नेल्‍ल लोव़ गाप्‍शो ताप्‍तु।

याकूब 5:11

नेनीने, मेको परमप्रभु यावे कली मप्रोंइब आन पर्बम “ग्‍येरशो मुर दुम्‍तेक्‍म” दे लोव़ पाइनीकी। अय्‍युब माइश्‍शो मुर का श्‍येत जशा यो, परमप्रभु यावे कली काइ मप्रोंइथु, बाक्‍शो बाक्‍त। गेपुकी मेको आ कथा नेंतीनी। परमप्रभु यावेमी मारदे अय्‍युब कली मेको शुश श्‍येत जचा गेवा, तुइक्‍ताक्‍नी। परमप्रभु यावेमी गिश लेम्‍शा शिशी पाइबा, मेको ताइतीनी। इं कली आ लेम्‍शो नु आ शिशी कोंइताक्‍व। अय्‍युब १:२१; अय्‍युब ४२:१०-१६

१ पत्रुस 1:8

गे मेको कली मताइतीनी हना यो, दाक्‍नीनी। मेको कली मुल सम्‍म मतथु यो, थमा सुइक्‍तीनी। गे गिश ग्‍येरना ग्‍येरन बाक्‍शो बाक्‍नीनी, देंने मचाप्‍नीनी। यूहन्‍ना २०:२९; २कोरिन्‍थी ५:७