हिब्रू 10:39 - Sunuwar Bible

³⁹ तन्‍न नोले शोंइ‍सीशा खतम दुम्‍चा पुंइसीब मदुम्‍नय। गेना हना यो परमप्रभु यावे नु बाक्‍चा ताइनय, दे थमा सुइश्‍शा बाक्‍नय। १थिस्‍सलोनिकी ३:३

हिब्रू 10:39 ပူးပေါင်းရင်းမြစ်များ

भजन संग्रह 44:18

गो नोले मशोंइसक। इन लां रे ग्‍येत्‍थ लुक्‍च मपक।

हितोपदेस 1:32

मारदे हना मारेइ मजोक्‍ब आन मटितीके साइक्‍चा पुंइसीनीम। मूर्ख आन मारेइ ममिम्‍तीके खतम दुम्‍नीम।

हितोपदेस 14:14

दूली पाइब आन दूली पशो ङा ताइनीम। मिनु रिम्‍शो पाइबमी आन रिम्‍शो पशो ङा ताइनीम।

मर्कूस 16:16

सुमी थमा सुइश्‍शा, ब्‍वाक्‍कुमी ख्रुम्‍शा ग्रुंइचा पुंइसीबा, मेको ब्रोंइचा ताइब। सुमी चहिं थमा मसुइक्‍बा, मेको सजाइ गेचा पुंइसीब। प्रेरित २:३८; प्रेरित १६:३१-३३

लूका 11:26

मिनु ङोंइती क्‍येङा मेको मुर शुश मरिम्‍शो दुम्‍ब” दे शेंदीमी बाक्‍त। यूहन्‍ना ५:१४

यूहन्‍ना 17:12

गो आं कली गेशो मुरपुकी नु बाक्‍ङानु, इन नें ङा सक्तिमी रिम्‍शो कोव़शा वोइक्‍तामी। सुइ मजाम्‍म। इन ब्रेक्‍पाइश्‍शो लोव़ थमा दुम्‍चा, दे का चहिं जाम्‍शा, नरक लाइब दुम्‍त। यूहन्‍ना ६:३९; भजन संग्रह ४१:१०

यूहन्‍ना 20:31

मिनु मेको ब्रेक्‍शो छक लाक्‍चा ङा गेयपुकी मारदे ब्रेक्‍शो बाक्‍नीम देंशा हना, गेपुकीमी “येसु ख्रीस्‍त, परमप्रभु यावे आ तौ बाक्‍ब” दे थमा सुइक्‍ने चापीन। मिनु थमा सुइश्‍शा, आ नेंमी गेना हना यो ब्रोंइशा बाक्‍चा ताइनीनी, दे ब्रेक्‍शो बाक्‍ब। १यूहन्‍ना ५:१३

यूहन्‍ना 5:24

नोफा दाइश्‍शा नेनीन, सुमी आं लोव़ नेंबा नु आं कली सोइक्‍ब आं आफ परमप्रभु यावे कली थमा सुइक्‍बा, मेको गेना हना यो ब्रोंइशा बाक्‍चा ताइब। सजाइ मताइब। मारदे हना बेक्‍शो रे गेना हना यो ब्रोंइशा बाक्‍चा ताइब। यूहन्‍ना ३:१६-१८

यूहन्‍ना 6:40

मिनु सु सुमी परमप्रभु यावे आ तौ, दे आं कली तुइक्‍नीमी नु थमा सुइक्‍नीम। मेको आन कली नोले ङा नाक्‍तीमी सेंपाइश्‍शा, गेना हना यो ब्रोंइशा बाक्‍चा गेनुङमी। आं आफ आ दाक्‍शो गेय मेकोन बाक्‍त” दे यहूदी आन कली शेंताक्‍व। यूहन्‍ना ५:२९; यूहन्‍ना ११:२४

१ थिस्‍सलोनिकी 5:9

मारदे हना परमप्रभु यावे इं पर्बम मगाइक्‍ब। प्रभु येसु ख्रीस्‍त आ पतीके पाप रे ब्रोंइब सेल्‍तु।

२ थिस्‍सलोनिकी 2:3

इन कली दूली शेंतीके शेंब आन कली थमा मसुतीन। मारदे हना प्रभु येसु ख्रीस्‍त आ नाक्‍त जाक्‍चा क्‍येङा ङोंइती परमप्रभु यावे कली मटिथु नेल्‍ल क्‍येङा मरिम्‍शो पाइब का ग्रूब। मेको कली जाम्‍शा लाइब आ तौ यो देंनीम। १तिमोथी ४:१; १यूहन्‍ना २:१८

१ तिमोथी 6:9

तन्‍न सु सु शुश क्‍येट थीब दुम्‍चा दाक्‍नीमी, मेको आन थुं थाम्‍चा पुंइसीशा, ग्‍याइलीम रेश्‍शो खोदेंशो पा, निप्‍स मपाइश्‍‍शो नु श्‍येत जाइब दुम्‍नीम। आंम कली खतम सेल्‍सीशो बाक्‍नीम। हितोपदेस २८:२२; मत्ती १३:२२

हिब्रू 10:26

मिनु मुल मार देंनुङ देंशा हना, ख्रीस्‍तम सेल्‍शो नक लां तुइश्‍शा यो मेको लां मखोइक्‍नुङ देंतय हना, मोदेंशो चहिं नेल्‍ल क्‍येङा ठेयब पाप बाक्‍ब। मेको पाप चहिं मारेइ चढ़ेशोमी मक्‍याम्‍सीथु लीशा बाक्‍ब। हिब्रू ६:४-८; गन्‍ती १५:३०

हिब्रू 10:38

आं ठीक पाइब मुरपुकीमी आं कली थमा सुइश्‍शा, ब्रोंइशा बाक्‍नीम। नोले शोंइ‍साक्‍म हना, मेको आन कली तशा मग्‍येरनुङ” दे ब्रेक्‍शो बाक्‍ब। हबकुक २:३-४; रोमी १:१७

हिब्रू 11:1

थमा सुइक्‍चा चहिं मार बाक्‍ब देंशा हना, आस पशो थमा दुम्‍शो तांइसीब नु इं मिक्‍चीम मतशो थोव़की बाक्‍नीम, दे मिम्‍चा बाक्‍ब। मिनु बाक्‍नीमी यो। मेको मोदेंशो मिम्‍चा कली थमा सुइक्‍चा देंसीब। २कोरिन्‍थी ५:७

१ पत्रुस 1:5

परमप्रभु यावे आ सक्तिमी इं कली कोव़ब। गो पाप रे ब्रोंइशो मुर बाक्‍नय, दे थमा सुइक्‍नय। मेको नेल्‍ल नोले ङा नाक्‍तीमी कोंइब। यूहन्‍ना १०:२८

२ पत्रुस 3:7

मुल सम्‍म बाक्‍ब सरीङ नु रागी कली “बाक्‍ल” दे परमप्रभु यावेमी खाल का ङा लोव़ पशा, वोदा बाक्‍त। परमप्रभु यावेमी रागी नु मटीब मुर नेल्‍ल आन कली मीम क्रोइक्‍चा, दे निसाफ पची नाक्‍त सम्‍म कली वोइश्‍शो बाक्‍त।

१ यूहन्‍ना 5:16

मिनु सुमी आ लोक्‍ब मबेक्‍चा ङा सजाइ तचा ङा पा मरिम्‍शो पशो ताइबा, मिनु आ लोक्‍ब आ पर्बम पुंइबा, मेको मुर आ पुंइशो परमप्रभु यावेमी गेब। मेको थमा सुइक्‍ब लोक्‍ब गेना हना यो ब्रोंइशा बाक्‍चा ताइब। तन्‍न बेक्‍चा ङा मरिम्‍शो पतीक यो बाक्‍बा, मोदेंशो मरिम्‍शो पाइब कली पुंइचा ममाल्‍ब, दे इन कली देंनुङ। मर्कूस ३:२८-३०

१ यूहन्‍ना 5:5

सु सुमी ग्रानीम देंशा हना “येसु परमप्रभु यावे आ तौ बाक्‍ब” दे थमा सुइक्‍बमी ग्रानीम। १यूहन्‍ना ४:४

प्रकाश 17:11

मिनु मेको ङोंइती बाक्‍शो नु मुल मबाक्‍शो जन्‍तु चहिं मेको अर्को ७ ओटा पिप आन नोले जाक्‍शो बाक्‍ब। मिनु नोले जाक्‍शो यो, मेको ७ ओटा रे जाक्‍ब। मिनु मेको नरक लाइब।

प्रकाश 17:8

इ तशो जन्‍तु ङोंइती बाक्‍त, मुल चहिं मबा। तन्‍न नोले पुं मपाइश्‍शो ढोडोङगा रे कुशा खतम दुम्‍ब। रागी सेल्‍चा रे ङा ब्रोंइतीक किताबमी आन नें मब्रेक्‍शो मुरपुकी चहिं मेको जन्‍तु तशा छक लाक्‍नीम। मारदे हना मेको जन्‍तु ङोंइती बाक्‍त, मुल मबा, नोले जाक्‍ब।

१ सामुएल 15:11

“गो बित्‍‍चीम ला सावल कली पिप सेलु बाक्‍त। मारदे हना मेकोमी आं नोले खोइक्‍चा प्रोंइतु। मिनु आं देंशो मटीव” देंमाक्‍त। मिनु सामुएल गाइश्‍शा नाक्‍दो रे परमप्रभु यावे कली पुंइना पुंइन बाक्‍माक्‍त। उत्‍पत्ती ६:६