हिब्रू 10:36 - Sunuwar Bible

³⁶ गे फाल्‍तीक सक्ति माल्‍नीनी। परमप्रभु यावे आ दाक्‍शो गेय पना पन बाक्‍कीन। मिनु आ गेनुङ देंशो थोव़क ताइनीनी। लूका २१:१९; याकूब ५:७

हिब्रू 10:36 ပူးပေါင်းရင်းမြစ်များ

हिब्रू 12:1

साइ थमा सुइक्‍बपुकी शुश बाक्‍मा बाक्‍त। मेकोपुकीमी इं कली कोव़ना कोव़न बाक्‍नीम। मोपतीके दोरब मुर खोदेंशो पा, इं कली तेक्‍ब नु खोल्‍ने चाप्‍बपुकी तिल्‍शा, पापमी इं खोइली फ्रेंचा मगेथु, दोरय। १कोरिन्‍थी ९:२४

भजन संग्रह 37:7

परमप्रभु यावे आ ङोंइती सिक्‍सी पा बाक्‍शा, मेकोमी पाइब, दे रिम्‍दीन। आन द‍ला दाक्‍स पाइब नु मरिम्‍शो मिम्‍शा पाइब आन पर्बम मचुरीने।

१ कोरिन्‍थी 13:7

दाक्‍तीकेमी मारेइ मारेइ सुम्‍ब, मारेइ मारेइ थमा सुइक्‍ब, मारेइ मारेइ आस पाइब नु नेल्‍ल फाल्‍ने चाप्‍ब। हितोपदेस १०:११; मत्ती १८:२१-२२; रोमी १५:१

लूका 21:19

मोपतीके थमा सुइक्‍चा मप्रोनीन। मिनु ला गे ब्रोंइचा ताइनीनी। हिब्रू १०:३६

हिब्रू 6:15

मिनु अब्राहाममी शुश बर्स सम्‍म रिम्‍शा बाक्‍शा, परमप्रभु यावे आ देंशो नेल्‍ल लोव़ गाप्‍शो ताप्‍तु।

रोमी 2:7

सुमी परमप्रभु यावे आ राज्‍य माल्‍शा, रिम्‍शो गेय पना पन बाक्‍नीमी नु गेना हना यो ब्रोंइचा माल्‍नीमी, मेको गेना हना यो परमप्रभु यावे नु बाक्‍चा ताइनीम।

प्रकाश 14:12

मेना रागीमी परमप्रभु यावे आ योव़शो थमा सुइक्‍बपुकीमी श्‍येत फाल्‍चा माल्‍नीम। मारदे हना मेकोपुकीमी परमप्रभु यावे आ अरेशो लोव़ पाइनीम। मिनु येसु कली थमा सुइक्‍नीम। प्रकाश १३:१०

१ यूहन्‍ना 2:17

मिनु रागी नु रागी ङा मुर आन दाक्‍शो नेल्‍ल जाम्‍ब। सु चहिं परमप्रभु यावे आ देंशो पाइबा, मेको मुर गेना हना यो ब्रोंइशा बाक्‍ब।

गलाती 6:9

रिम्‍शो गेय पचा मदने। मोपा ला गो रुप्‍ची ना रुप्‍ने चाप्‍नीकी। २थिस्‍सलोनिकी ३:१३

मत्ती 10:22

आं नें आ पर्बम नेल्‍लेमी इन कली मदाक्‍नीम। तन्‍न सु सुमी चहिं नोले सम्‍म फाल्‍शा बाक्‍नीमी, मेकोपुकी परमप्रभु यावे नु ब्रोंइशा बाक्‍चा ताइनीमी। २तिमोथी २:१२; मत्ती २४:९-१३

कलस्‍सी 1:11

इन छेङछेङ ङा सक्ति खोदेंशो पा मेको आन कली सक्ति पाइश्‍शो, बोल्‍यो सेलीन। मिनु सक्ति पाइश्‍शो बोल्‍यो दुम्‍शा, मारेइ मारेइ फाल्‍ने चाप्‍नीम” दे प्रार्थना पाइतस्‍कु।

रोमी 8:25

तन्‍न गो इं मतशो मदुम सम्‍म “गेना दुम्‍बा?” दे लां कोव़शा फाल्‍शा रिम्‍ब मुर बाक्‍‍नय। गलाती ५:५

हिब्रू 9:15

मोपतीके मेको नक कबल ङा गारपाइक्‍ब बाक्‍ब। मोपा ब्रेश्‍शोपुकी आन गेना हना यो लीब शोंप तामेक्‍ल। मारदे हना ख्रीस्‍त बेक्‍त। मिनु मेको आन ङोंइती ङा कबलम पशो पाप यो क्‍याम्‍साक्‍व। हिब्रू १२:२४; १तिमोथी २:५

कलस्‍सी 3:24

गे प्रभु आ गुइ रे इनाम ताइब बाक्‍नीनी, दे तुइक्‍नीनी। मेकोन मिम्‍ना मिम्‍न गेय पने। गेपुकी प्रभु ख्रीस्‍त कली गेय पाइब बाक्‍नीनी।

हिब्रू 13:21

परमप्रभु यावेमी येसु ख्रीस्‍त रे पा इन थुं रिम्‍शो सेलल, आ दाक्‍शो गेय पपदल, आ कली ग्‍येरपाइक्‍ब सेलल। येसु ख्रीस्‍त कली गेना हना यो ठेयब सेल्‍य। आमेन। आमेन आ अर्थ “गो यो मेकोन मिम्‍नुङ” बाक्‍ब।

हिब्रू 6:12

मचाप्‍नुङ देंब मदुमीने। “आ देंशो जाक्‍दीप्‍ब” दे आ थोक्‍शा पशो लोव़ थमा सुइक्‍ब खोदेंशो पने। मेकोपुकीमी फाल्‍शा, थमा सुइश्‍शा, परमप्रभु यावे आ देंशो जाक्‍दीश्‍शो ताइनीम।

एफिसी 6:6

होव़पमी इन कली गेय पशो कोव़तेक्‍म हना यो, मकोव़तेक्‍म हना यो, ठीक पा गेय पने। गेपुकीमी मुर कली ग्‍येरपाइक्‍चा ममाइ, ख्रीस्‍त आ वाइलीम वाइल दुम्‍शा, इन थुं नेल्‍लेमी परमप्रभु यावे आ दाक्‍शो पने।

रोमी 12:2

परमप्रभु यावे कली मटीब आन पशो खोदेंशो मपने। तन्‍न परमप्रभु यावे कली इन थुं कली फाइक्‍चा गेन। मो पाइतीनी हना, परमप्रभु यावे आ मिम्‍‍शो मार में, रिम्‍शो मार में, आ दाक्‍शो मार में नु नेल्‍लेम ठीक दुम्‍शो तुइक्‍नीनी। एफिसी ४:२३; एफिसी ५:१०,१७

मत्ती 24:13

सु सु चहिं नेल्‍ल क्‍येङा नोले सम्‍म थमा सुइक्‍चा मप्रोंइथु बाक्‍नीमी, मेकोपुकी श्‍येत जचा रे ब्रोंइशा, गेना हना यो परमप्रभु यावे नु बाक्‍चा ताइनीम। मत्ती १०:२२; प्रकाश १३:१०

प्रकाश 13:10

सु जेल्‍खानमी लचा योव़सीशो बाक्‍मे, मेको जेल्‍खानमी लचा माल्‍ब। तन्‍न सुमी तरवारमी साइक्‍बा, मेको तरवारमी साइक्‍चा पुंइसीब। मिनु परमप्रभु यावे आ योव़शो मुरपुकीमी श्‍येत फाल्‍शो “परमप्रभु यावेमी तुइक्‍ब” दे थमा सुइश्‍शा बाक्‍चा माल्‍नीम। उत्‍पत्ती ९:६; मत्ती २६:५२; प्रकाश १४:१२

१ पत्रुस 1:9

इन थमा सुइक्‍तीकेमी पाप रे ब्रोंइचा ताइनीनी।

हिब्रू 6:17

मोपतीके परमप्रभु यावेमी “आं गेशो लोव़ गेनायो मफाइक्‍नुङ” दे आ गेशो लोव़ ताइब आन कली रुप्‍पाइक्‍चा, दे कसम जशा, आ लोव़ थोक्‍ता बाक्‍त।

कलस्‍सी 4:12

ख्रीस्‍त येसु आ गेय पाइब इन मुर इपाफ्रासमी इन कली “रिम्‍शो बाक्‍कीन” देंत। मेकोमी इन कली मिम्‍शा, परमप्रभु यावे कली “कलस्‍सी आन कली रुप्‍तीक थुं गेशा, इन दाक्‍शो नेल्‍ल तुइक्‍तमेक्‍ल” दे पुंइना पुंइन बाक्‍ब। कलस्‍सी १:७; फिलेमोन २३

प्रेरित 13:22

मिनु परमप्रभु यावेमी सावल नु आ खिं ङा मुर आन कली पिप दुम्‍चा रे तिल्‍शा, दाऊद कली पिप सेला बाक्‍त। दाऊद आ पर्बम परमप्रभु यावेमी ‘येस्‍से आ तौ दाऊद आं मिम्‍शो खोदेंशो पा आं यो मिम्‍ब। मिनु गो नु गारब। आं दाक्‍शो पाइब, दे तुइक्‍नुङ’ देंशो बाक्‍त। १सामुएल १३:१४

यूहन्‍ना 7:17

सु मुरुमी परमप्रभु यावे आ दाक्‍शो पाइबा, मेकोमी आं शेंतीके लोव़ परमप्रभु यावे के बाक्‍बा कों, आंम के बाक्‍बा, दे तुइक्‍ब।

लूका 8:15

रिम्‍शो खपीम जुक्‍शो देंशो मुरपुकीमी परमप्रभु यावे आ लोव़ नेंशा, आन रिम्‍शो थुंमी वोइश्‍शा, मिम्‍शा बाक्‍मानु, मेको लोव़ आन थुंमी सिप्‍ब। प्रेरित १६:१४

मत्ती 21:31

आस आफ आ दाक्‍शो सुमी पवा? जेठामी पवा, दे कान्‍छामी पवा?” दे माइक्‍मीनु “जेठामी पवा बाक्‍त” देंतेक्‍म। मिनु येसुमी मेको आन कली “नोफा दाइश्‍शा नेनीने, इन क्‍येङा ङोंइती तिरो पोक्‍ब नु तेल्‍लेम पाइबपुकी परमप्रभु यावे आ राज्‍य ओव़चा ताइनीम। लूका १८:९-१४

मत्ती 12:50

मारदे हना स्‍वर्गम बाक्‍ब आं आफ आ दाक्‍शो पाइबपुकीन आं ममा नु लोक्‍बपुकी नम” देंत। रोमी ८:२९

मत्ती 7:21

आं कली प्रभु, प्रभु देंशा ला स्‍वर्ग ङा राज्‍य ओव़चा मताइनीम। स्‍वर्गमी बाक्‍ब आं आफ आ दाक्‍शो पाइबपुकी ला ओव़चा ताइनीम। रोमी २:१३; याकूब १:२२

भजन संग्रह 40:1

गो परमप्रभु यावे कली रिम्‍स ङा रिम्‍स बाक्‍ती। मेकोमी आं गे कोव़शा, आं वाइ ब्रेश्‍शा, पुंइशो लोव़ नेंतु।

१ थिस्‍सलोनिकी 1:3

गोपुकी इं आफ परमप्रभु यावे आ ङोंइती इन थमा सुइक्‍तीके ङा गेय, दाक्‍चा ङा गेय नु इं प्रभु येसु ख्रीस्‍त कली आस पतीके मिम्‍ना मिम्‍न बाक्‍नीकी। १कोरिन्‍थी १३:१३

प्रेरित 13:36

दाऊदमी मेको लोव़ ब्रेक्‍शो बाक्‍त हना यो, आंम पर्बम ममाइ। मारदे हना दाऊदमी परमप्रभु यावेमी गेशो सासन पने थुम्‍शा बेक्‍शा, आ किकी पिपी आन कली थिम्‍तीकेमी थिम्‍चा पुंइसीशा राक्‍शा ल‍माक्‍त।

मर्कूस 3:35

परमप्रभु यावे आ दाक्‍शो पाइबपुकी आं लोक्‍ब नु आं ममा नम” देंमाक्‍त।

रोमी 12:12

आस पा ग्‍येरसीशा बाक्‍कीन। श्‍येत जनीनु, फाल्‍शा बाक्‍कीन। प्रार्थना पना पन बाक्‍कीन। लूका १८:१-८; कलस्‍सी ४:२; १थिस्‍सलोनिकी ५:१७

हिब्रू 11:39

मेको नेल्‍ले थमा सुइश्‍शा, परमप्रभु यावे आ ङोंइती ठीक दुम्‍मा बाक्‍त। परमप्रभु यावे आ गेशो लोव़ चहिं गाप्‍शो मतामे बाक्‍त। हिब्रू ११:४-५