हिब्रू 10:3 - Sunuwar Bible

³ तन्‍न मेको चढ़ेशोमी बर्स बर्समी पाप मिम्‍पाइक्‍ब, गेनायो मप्रेंसीब। लेवी १६:३४

हिब्रू 10:3 ပူးပေါင်းရင်းမြစ်များ

१ राजा 17:18

मिनु मेको मीश मुरुम एलीया कली “परमप्रभु आ मुर, गे नु गो इस दातेम मार मरिम्‍शो दुम्‍शो बाक्‍बा? मार, गे आं पाप कोंइशा, आं तौ कली साइक्‍थ जाक्‍नी?” देंमाक्‍त।

प्रस्‍थान 30:10

बर्सम खेयप का हारूनमी चढ़ेतीक आ ग्रोव़म हुश ख्रेक्‍शा पाप क्‍याम्‍तीक गेय पचा माल्‍ब। मेको हुश पाप आ पर्बम चढ़ेशो बस्‍तु आ हुश बाक्‍चा माल्‍ब। मेको गेना हना यो बर्समी खेयप का इन चच युइ आन पाला सम्‍म मेको पाप क्‍याम्‍तीक गेय चढ़ेतीके आ हुशेमी पचा माल्‍ब। मेको परमप्रभु यावे आ ङोंइती नेल्‍ल क्‍येङा चोव़खो सेल्‍तीके बाक्‍ब” दे परमप्रभु यावेमी मोसा कली दें‍त। लेवी १६:१८

लेवी 16:34

मिनु बर्सम खेयप का इस्राएली नेल्‍ल आन कली पाप क्‍याम्‍तीक गेय पचा माल्‍ब। मेको इन कली गेना हना यो पतीक बाक्‍त। बर्सम खेयप का इस्राएली नेल्‍ल आन पाप आ पर्बम माफ पुंइचा माल्‍ब’ दे हारून कली देनो” देंत। मिनु परमप्रभु यावेमी मोसा कली दोदेंशो पा अरेवा, मोदेंशो पा पाप्‍तु। प्रस्‍थान ३०:१०; हिब्रू १०:३

मत्ती 26:28

एको आं हुश बाक्‍ब। आं हुशेमी परमप्रभु यावे आ नक कबल खाप्‍ता। आं हुश जारशोमी शुश मुर आन पाप क्‍याम्‍सीब। प्रस्‍थान २४:८; येरमीया ३१:३१; हिब्रू ९:१५-१६

यूहन्‍ना 2:17

मिनु परमप्रभु यावे आ लोव़मी “इन खिं कली थमा पा दाक्‍नुङ। मेको दाक्‍तीक मी खोदेंशो पा आं थुंम चोइब” दे ब्रेक्‍शो बाक्‍ब, दे आ शेंसीबपुकीमी फ्रुक्‍तेक्‍म। भजन संग्रह ६९:९

हिब्रू 9:7

थम चोव़खो कोठामी चहिं बर्समी खेयप का नेल्‍ल क्‍येङा ठेयब चढ़ेबमी हुश लाइश्‍शा चढ़ेथ ओव़बाक्‍माक्‍त। आ पशो नु अरु आन पशो पाप क्‍याम्‍चा कली मेको हुश चढ़ेबाक्‍माक्‍त। प्रस्‍थान ३०:३०; लेवी १६:२१४,१५