हिब्रू 10:27 - Sunuwar Bible27 नक लां मखोइक्ब आन कली मारेइ आस मलीब। परमप्रभु यावे कली मटीबपुकी मीम खतम सेल्चा पुंइसीनीम। नक लां मखोइक्बपुकी यो मोपा खतम दुम्नीम। အခန်းကိုကြည့်ပါ။ |
हिब्रू 10:27
41 ပူးပေါင်းရင်းမြစ်များ
परमप्रभु यावे आ पर्बम ख्रोइक्तीक चिनु ख्रोंइसीन। तन्न इन थुंम ख्रोइक्तीक चिनु ख्रोंइसीन। गे यहूदा ङा मुरपुकी नु यरूसलेममी बाक्ब वोंइशमुरपुकी, मो मपाइतीनी हना, इन मरिम्शो पतीके आं गाइक्चा मी खोदेंशो पा ब्रशा ग्रूब। मिनु सुइम काप्ने मचाप्चा ङा पा मेकोमी जेप्ब” देंत। येरमीया ९:२५; ब्यवस्था १०:१६; रोमी २:२९; कलस्सी २:११; येरमीया ६:७,१०
परमप्रभु यावेमी “मोपतीके लोव़ पचा कली गो मजाक्ङा सम्म आं कली रिम्शा बाक्कीन। गो रागी रागी ङा मुर आन कली खुप्नुङ। गो राज्य राज्य ङा मुर आन कली ग्रुम्पाइक्नुङ। मेको आन तारी आं गाइश्शो मोइक्नुङ। मारदे हना आं मी खोदेंशो पा गाइश्शोमी रागी रागी नेल्ल ग्रोइश्शा खतम दुम्नीम। योएल ४:२; भजन संग्रह ७९:६
गे रागी रागी ङा मुरपुकी, ग्येरसीशो मेको आ मुर बाक्नीनी। मिनु नेल्लेमी परमप्रभु कली मान पने। मारदे हना मेकोमी आ गेय पाइब आन हुश आ क्येक्क लेप्ब। आ मुर आन कली मरिम्शो पाइब आन कली क्येक्क लेप्ब। मिनु मेको आन कली काइ मदाक्ब आन कली क्येक्क लेप्ब। मिनु मेकोमी आ मुर आन रागी कली लेंशा रिम्शो सेल्ब” दे मोसामी कुम्सो पाप्तु। रोमी १५:१०; ब्यवस्था २१:८; गन्ती ३५:३३-३४
मुरुमी मुर आन कली पाप पाप्तु हना, परमप्रभुम निसाफ पाइब। तन्न मुरुमी परमप्रभु यावे कली पाप पाप्तु हना, सुम गारपाइक्ने चाप्बा ङा” देंमाक्त। मेको लोव़ नेल्ल नेंताक्स हना यो, मेको निक्शीमी आस आफ आ लोव़ मटिम्से बाक्त। मारदे हना परमप्रभु यावेम मेको निक्शी आस कली साइक्चा माल्शो बाक्माक्त। अय्युब १६:२०-२१
ကြော်ငြာတွေ