हिब्रू 10:26 - Sunuwar Bible

²⁶ मिनु मुल मार देंनुङ देंशा हना, ख्रीस्‍तम सेल्‍शो नक लां तुइश्‍शा यो मेको लां मखोइक्‍नुङ देंतय हना, मोदेंशो चहिं नेल्‍ल क्‍येङा ठेयब पाप बाक्‍ब। मेको पाप चहिं मारेइ चढ़ेशोमी मक्‍याम्‍सीथु लीशा बाक्‍ब। हिब्रू ६:४-८; गन्‍ती १५:३०

हिब्रू 10:26 ပူးပေါင်းရင်းမြစ်များ

लेवी 4:13

इस्राएल ङा मुर नेल्‍लेमी मतुइक्‍थु पाप पशो बाक्‍तेक्‍म हना, परमप्रभु यावेमी मपचा दे शेंशो मारेइ पशो बाक्‍तेक्‍म हना, मेको पाप मेको मुर आन दातेमी ख्रुइश्‍शो बाक्‍त हना यो, मेकोपुकी दोस ताइब दुम्‍नीम। गन्‍ती १५:२२-२६

लेवी 4:2

“गे इस्राएली आन कली ‘परमप्रभु यावेमी मपचा, दे शेंशो सुइ मुरुमी मतुइक्‍थु पाप पाप्‍तु हना,

लूका 12:47

मिनु होव़प आ देंशो रुप्‍शा यो मतुइश्‍शो खोदेंशो पा मेको आ देंशो मटीब गेय पाइब शुश तुप्चा पुंइसीब। याकूब ४:१७

यूहन्‍ना 13:17

गेपुकी आं देंशो लोव़ तुइश्‍शा पाइतीनी हना, गे आसीक रशा ग्‍येरसीशो मुर दुम्‍नीनी” दे येसुमी देंत। मत्ती ७:२४

यूहन्‍ना 9:41

येसुमी “गेपुकी मिक्‍च मताइब नकी देंतीनी हना, पाप मरनी वा। तन्‍न गोपुकी मिक्‍च ताइब नकी देंनीनी। मोपतीके पाप राइनीनी” दे माइक्‍तीमी। यूहन्‍ना १५:२२

ब्‍यवस्‍था 17:12

सुइम ठेयब लेश्‍शा, परमप्रभु यावे, इन परमप्रभु आ गेय पचा कली वोइश्‍शो चढ़ेब, निसाफ पाइब आन लोव़ मटिप्‍तु हना, मेको साइक्‍चा पुंइसीब। मिनु मोपा गेपुकीमी इस्राएली, इन दाते रे मरिम्‍शो नेल्‍ल ग्रुंइचा माल्‍नीनी।

२ थिस्‍सलोनिकी 2:10

जाम्‍शा लाइब आन कली जोल शेंब। मारदे हना मेकोपुकीमी थमा शेंतीक नेंचा मदाक्‍तेम। मिनु पाप रे ब्रोंइतीक ताक्‍चा मदाक्‍तेम।

१ तिमोथी 1:13

ङोंइती गो मेको कली शुक्‍शी पाइब, श्‍येत गेब नु शुश मरिम्‍शो पाइब बाक्‍ती। तन्‍न मतुइक्‍ब नु थमा मसुइक्‍ब बाक्‍तीके परमप्रभु यावे आ शिशी ताता।

१ तिमोथी 2:4

परमप्रभु यावेमी नेल्‍ल मुर आन कली मरिम्‍शो गेय रे प्रोंइश्‍शा, थमा लोव़ तुइक्‍पाइक्‍चा दाक्‍ब। इजीकीएल १८:२३; रोमी ११:३२; २पत्रुस ३:९

याकूब 4:17

सु रिम्‍शो गेय पस जोक्‍बा तुइक्‍बा, तन्‍न मपाइबा, मेको कली मरिम्‍शो दुम्‍ब। लूका १२:४७

१ यूहन्‍ना 5:16

मिनु सुमी आ लोक्‍ब मबेक्‍चा ङा सजाइ तचा ङा पा मरिम्‍शो पशो ताइबा, मिनु आ लोक्‍ब आ पर्बम पुंइबा, मेको मुर आ पुंइशो परमप्रभु यावेमी गेब। मेको थमा सुइक्‍ब लोक्‍ब गेना हना यो ब्रोंइशा बाक्‍चा ताइब। तन्‍न बेक्‍चा ङा मरिम्‍शो पतीक यो बाक्‍बा, मोदेंशो मरिम्‍शो पाइब कली पुंइचा ममाल्‍ब, दे इन कली देंनुङ। मर्कूस ३:२८-३०

१ सामुएल 2:25

मुरुमी मुर आन कली पाप पाप्‍तु हना, परमप्रभुम निसाफ पाइब। तन्‍न मुरुमी परमप्रभु यावे कली पाप पाप्‍तु हना, सुम गारपाइक्‍ने चाप्‍बा ङा” देंमाक्‍त। मेको लोव़ नेल्‍ल नेंताक्‍स हना यो, मेको निक्‍शीमी आस आफ आ लोव़ मटिम्‍से बाक्‍त। मारदे हना परमप्रभु यावेम मेको निक्‍शी आस कली साइक्‍चा माल्‍शो बाक्‍माक्‍त। अय्‍युब १६:२०-२१