21 मिनु परमप्रभु यावे आ खिं ङा ठेयब चढ़ेब दुम्त।
गे पत्रुस नवे, एको सेरथे फुल्लु तारी आं खिं सेल्नुङ। नरकमी मेको कली ग्राने मचाप्ब। यूहन्ना १:४२; एफिसी २:२०
गो नोले दुम्ती हना, परमप्रभु यावे आ खिं ङा मुरपुकी दोपा बाक्चा माल्नीमी, मेको तुइक्तमेक्ल। मेकोपुकी ब्रोंइचा गेब परमप्रभु यावे आ ग्रुम्तीक खिं ङा मुर बाक्नीम। मेको थमा लोव़ ङा थाम नु बोल्यो हिरशो गारो खोदेंशो बाक्नीम। एफिसी २:१९-२२
मोपतीके मेको आ लोक्ब खोदेंशो दुम्चा माल्ताक्व। मोपा परमप्रभु यावे आ गेय पा मुर आन पाप क्याम्चा कली शिशी पाइब नु गेनायो आ दाक्चा मप्रोंइब ठेयब चढ़ेब दुम्त। फिलिप्पी २:७
मोपतीके परमप्रभु यावे आ मुर, आं लोक्बपुकी, गे यो स्वर्ग रे ब्रेत्चा पुंइसीशो बाक्नीनी। सोइश्शो, दे नें वोइक्चा पुंइसीशो नु इं थमा सुइक्तीक ङा नेल्ल क्येङा ठेयब चढ़ेब येसु कली मिम्तीने। हिब्रू ४:१४
येसु मेल्कीसेदेक आ खाल ङा ठेयब चढ़ेब नु इं कली लां कोंइब दुम्शा, नेल्ल क्येङा ङोंइती मेकेर ओव़दीश्शो बाक्ब। हिब्रू ५:६
इं ठेयब चढ़ेब दोदेंशो माल्शो बाक्त देंशा हना, पाप रे ङोन बाक्शो, दोस मताइब, रिम्शो थुं पाइश्शो, पापी रे दिल्शा बाक्शो, स्वर्गमी नेल्ल क्येङा ठेयब सेल्चा पुंइसीशो माल्शो बाक्त।
मुल सम्म पशो लोव़मी नेल्ल क्येङा तुइक्चा माल्शो लोव़ मार बाक्ब देंशा हना, इं के ठेयब चढ़ेब स्वर्गम बाक्ब। मेको नेल्ल क्येङा ठेयब मान पाइक्चा पुंइसीब आ ठेयब नित्तीके आ ग्युरा गे बाक्शो बाक्ब। हिब्रू ४:१४
