हिब्रू 10:20 - Sunuwar Bible

²⁰ मारदे हना आ रां चढ़ेशा, फारशो वा खाक्‍शा, नक ब्रोंइतीक लां सेल्‍तु। हिब्रू ९:८

हिब्रू 10:20 ပူးပေါင်းရင်းမြစ်များ

लेवी 16:15

मिनु मेकोमी मुर आन पाप आ पर्बम चढ़ेतीक बोका क्‍योरचा माल्‍ब। मिनु मेको आ हुश फारशो वा आ आगा ङा कोठा चाक्‍शा, ब्‍यफ आ हुश खोदेंशो पा, शिशी बाक्‍तीक तार नु आ ङोंइती ब्रुइक्‍चा माल्‍ब। हिब्रू ४:१६; हिब्रू ९:५

लेवी 16:2

मिनु परमप्रभु यावेमी मोसा कली “इ लोक्‍ब हारून कली ‘इ दाक्‍शो खोदेंशो पा, गेना हना यो फारशो वा आ आगा बाक्‍शो चोव़खो कोठामी कबल पशो सन्‍दोस तार बाक्‍शो शिशी पतीके आ ङोंइती मजाक्‍को। मटीतीनी हना, गे बेक्‍नेवे। मारदे हना गो शिशी बाक्‍तीकेम गोस्‍स आगाम बाक्‍शा जाक्‍नुङ। प्रस्‍थान २६:३३-३४

लेवी 21:23

तन्‍न मेको फारशो वा नु चढ़ेतीक आ नेक्‍था जाक्‍चा मदुम्‍ब। मारदे हना मेको दूली मुर जाक्‍शा, आं बाक्‍तीक ताम्‍बु ग्रांग्रा दिशो मसेलल। गो परमप्रभु यावे नङ। गो मेको आन कली मेको आं के सेल्‍नुङ’ दे शेंदो” दे परमप्रभु यावेमी मोसा कली देंत।

मत्ती 27:51

मिनु बेक्‍म चोटी मार दुम्‍माक्‍त देंशा हना, परमप्रभु यावे आ खिं ङा आगा ङा कोठामी बारेशो वा इर रे उइ सम्‍म उइक्‍थ पा जेर गाक्‍माक्‍त। ख्रिनु कुशा, प्रस्‍थान २६:३१-३३; २इतिहास ३:१४

मर्कूस 15:38

मिनु बेक्‍म नोले मार दुम्‍माक्‍त देंशा हना, परमप्रभु यावे आ खिं आगा ङा कोठामी बारेशो वा इर रे उइ सम्‍म उइक्‍थ पा जेर गाक्‍माक्‍त।

लूका 23:45

मारदे हना नां आ छेङछेङ जाम्‍माक्‍त। मिनु परमप्रभु यावे आ खिं आगा ङा कोठामी फारशो वा उइक्‍थ पा जेरर गाक्‍माक्‍त। प्रस्‍थान २६:३१-३३; २इतिहास ३:१४

यूहन्‍ना 10:7

येसुमी लेंशा मेको आन कली “नोफा दाइश्‍शा नेनीन, गो भेडा गोठ ङा लाप्‍चो नङ।

यूहन्‍ना 10:9

गो लाप्‍चो नङ। सु सु मेको लाप्‍चो रे ओव़नीमी, मेकोपुकी श्‍येत रे ब्रोंइनीम। मिनु रिम्‍शो घांस बाक्‍तीकेमी लशा, जोचा ताइनीम। यूहन्‍ना १४:६

यूहन्‍ना 14:6

मिनु येसुमी “गो थमा नु ब्रोंइचा गेब लां नङ। सुइ आन पतीक गेना हना यो आं आफ नु बाक्‍चा मताइनीम। तन्‍न आं पतीके रे ला गेना हना यो परमप्रभु यावे नु बाक्‍चा ताइनीम। यूहन्‍ना १०:९; मत्ती ११:२७; रोमी ५:१-२; हिब्रू १०:२०

एफिसी 2:15

दोपा साम्‍तु देंशा हना, यहूदी आन कली अरेशो, शेंशो, फुल्‍लुम मुशा ब्रेक्‍शो लोव़ ङा गेय नेल्‍ल आ रां साइक्‍चा गेशा साम्‍तु। मिनु मेकोमी जात निक्‍शी के जात का सेल्‍शा, नक मुर सेल्‍तु। मोपा दुशा बाक्‍चा गेप्‍तु। कलस्‍सी २:१४

१ तिमोथी 3:16

इं परमप्रभु यावे कली थमा सुइक्‍तीके थम ख्रुइश्‍शो बाक्‍ब। मेको मार बाक्‍ब देंशा हना “मेको मुर दुम्‍शा, रागीमी जरमेसाक्‍व। परमप्रभु यावे आ सोक्‍तीमी ‘परमप्रभु यावे आ तौ बाक्‍ब’ दे सांकछी गेप्‍तु। परमप्रभु यावे आ स्‍वर्ग ङा गेय पाइबपुकीमी मेको कली ताम्‍तेक्‍म। आ नें मार बाक्‍बा, दे रागी रागी ङा मुर आन कली शेंताक्‍मे। रागी रागी ङा मुरपुकीम मेको कली थमा सुइक्‍तेक्‍म। मिनु मेको परमप्रभु यावे आ छेङछेङमी लाइक्‍चा पुंइसाक्‍व” देंशो बाक्‍ब। यूहन्‍ना १:१४; रोमी १:४; प्रेरित २८:२८; मर्कूस १६:१९; एफिसी १:२०-२१

हिब्रू 6:19

मेको आस चहिं इं थुं ग्‍येत्‍थ लुक्‍च पचा मगेब ग्‍याइक्‍तीके खोदेंशो बाक्‍ब। मेको आस नेल्‍ल क्‍येङा आगा ङा चोव़खो कोठा ङा फारतीक वा आगा बाक्‍ब। लेवी १६:२,१२

हिब्रू 9:3

फारतीक वा आ आगा नेल्‍ल क्‍येङा चोव़खो कोठा बाक्‍‍शो बाक्‍माक्‍त।

हिब्रू 9:8

ङोंइती ङा कोठा बाक्‍मेनु, मुरपुकी थम चोव़खो कोठामी ओव़चा मताइनीम, दे परमप्रभु यावे आ सोक्‍तीम रुप्‍पाइक्‍ब। हिब्रू १०:२०

१ पत्रुस 3:18

मारदे हना ख्रीस्‍त यो मुर नेल्‍ल आन पाप क्‍याम्‍चा कली साइक्‍चा पुंइसाक्‍व। ठीक पाइबमी ठीक मपाइब आन श्‍येत जाप्‍तु। मो पशा इं कली परमप्रभु यावे आ बाक्‍तीक चाक्‍दीप्‍ब। मोपतीके साइक्‍चा पुंइसीशा यो, सेंचा पुंइसाक्‍व।

१ यूहन्‍ना 4:2

परमप्रभु यावे आ सोक्‍त आ शेंतीके दोपा तुंइ‍सीब देंशा हना, सुमी “येसु ख्रीस्‍त परमप्रभु यावे आ सोइक्‍तीके रागीम जाक्‍त” देंबा, मेको मुर परमप्रभु यावे नु थुं का ङा बाक्‍ब।

२ यूहन्‍ना 1:7

मिनु मुल रागीमी शुश मुर आन कली मरिम्‍शो लां कोंइब जोल्‍फेपुकी जाक्‍तेक्‍म। मेको मुरपुकीमी “येसु ख्रीस्‍त मुर दुम्‍शा रागीमी मजरमेसे” दे शेंनीम। मेको मोदेंशो शेंब चहिं जोल्‍फे नु नेल्‍ल क्‍येङा मरिम्‍शो पाइब बाक्‍नीम। १यूहन्‍ना २:१८; १यूहन्‍ना ४:१-३