हिब्रू 10:11 - Sunuwar Bible

¹¹ नाक्‍त किंत किंत चढ़ेबपुकीमी ताम्‍बुमी गेय पा चढ़ेना चढ़ेन बाक्‍तेक्‍म हना यो पाप मक्‍याम्‍सीब। प्रस्‍थान २९:३८

हिब्रू 10:11 ပူးပေါင်းရင်းမြစ်များ

प्रस्‍थान 29:36

मिनु गे नाक्‍त किंत किंत बोहोर का पाप पशो आ पर्बम चढ़ेचा माल्‍नेवे। मेको पाप क्‍याम्‍तीक गेय पचा कली चढ़ेशो बाक्‍ब। मिनु चढ़ेतीक परमप्रभु के दुम्‍त, दे हुश ब्रुइश्‍शा, तेल लुक्‍चा माल्‍नेवे।

यसैया 1:11

परमप्रभु यावेमी “इन शुश चढ़ेशो आं कली शोर गाक्‍शो बाक्‍ब। गो चोशा चढ़ेशो सांड नु थुल्‍शो बस्‍तु भाव आन बोंसोमी रूती। गो ब्‍यफ, पाठा नु क्‍यारश आन हुश मदाक्‍नुङ। भजन संग्रह ४०:७-९; हितोपदेस १५:८; येरमीया ६:२०; आमोस ५:२२

इजीकीएल 45:4

मेको बाक्‍तीक चहिं परमप्रभु यावे के बाक्‍ब। मेको परमप्रभु यावे आ खिंम गेय पाइब नु परमप्रभु आ नेक्‍था जाक्‍ब आन खिं कली नु परमप्रभु यावे आ खिं कली दुम्‍ब।

दानीएल 11:31

मिनु मेको पिप आ सोइश्‍शो लडाइ पाइबपुकीमी परमप्रभु यावे आ खिं नु दरवार कली ग्रांग्रा दिशो सेल्‍नीम। मिनु मेकोपुकीमी नाक्‍त किंत किंत चोशा चढ़ेतीक गेय तेक्‍नीम। मिनु मेकेर ग्रांग्रा दिचा ङा मार मार थोव़क वोइक्‍नीम। दानीएल ९:२७

दानीएल 12:11

मिनु नाक्‍त किंत किंत ङा चोशा चढ़ेतीक चढ़ेचा नाइक्‍तमे नोले नु ग्रांग्रा दि‍शो थोव़क चढ़ेमे सम्‍म हजार का, सहे निक्‍शी ९० नाक्‍त दुम्‍नीम। दानीएल ९:२७

दानीएल 8:11

मेकोमी लडाइ पाइब आन नेल्‍ल क्‍येङा ठेयब कली यो ठेयब लेश्‍शो लोव़ पा, नाक्‍त किंत किंत ङा चोशा चढ़ेतीक रोइश्‍शा, परमप्रभु यावे आ बाक्‍तीके खिं प्रेश्‍शा गेप्‍तु। दानीएल ९:२७

दानीएल 9:21

प्रार्थना पना पन, गो आं ङोंइती आं कोंइतीकेमी तशो मुर गाब्रीएल बेरशा आं नेक्‍था जाक्‍त। मेना नाक्‍दो ङा चढ़ेची ना जाक्‍शो बाक्‍त। दानीएल ८:१६

दानीएल 9:27

मेकोमी हप्‍ता का सम्‍म शुश मुर नु कबल पाइब। मिनु आधा हप्‍तामी चढ़ेतीक नेल्‍ल तेक्‍ब। मिनु मेकोमी चढ़ेतीक आ पा ङा शुश ग्रांग्रा दिचा ङा गेय पाइब। मेको कली खतम सेल्‍तीक लोव़ मग्रूम सम्‍म मोदेंशो पाइ‍ब” देंत। दानीएल ८:११; दानीएल ११:३१; दानीएल १२:११; मत्ती २४:१५; यसैया १०:२२-२३

मीका 6:6

गो मार कुरशा परमप्रभु यावे आ ङोंइती जाक्‍ङा? मार चाक्‍शा, इर ङा परमप्रभु आ ङोंइती बाम्‍‍ङा? मार चोशा चढ़ेतीक चाक्‍शा, आ ङोंइती जाक्‍ङा? मेको आ ङोंइती बर्स का दुम्‍शो ब्‍यफ चाक्‍शा, जाक्‍ङा? भजन संग्रह ५०:८-१३; आमोस ५:२२

गन्‍ती 28:24

गे मोदेंशो चढ़ेतीके ७ नाक्‍त सम्‍म नाक्‍त किंत किंत जचा थोव़क कली चढ़ेचा माल्‍नीनी। मेको परमप्रभु यावे कली आ दाक्‍शो ब्रोव़शो रिना पाइश्‍शो मीम चोशा चढ़ेतीक बाक्‍ब। मेको नाक्‍त किंत किंत ङा चोशा चढ़ेतीके नु तूचा थोव़क चढ़ेतीके चढ़ेशा यो मेको चढ़ेचा माल्‍नीनी।

गन्‍ती 28:3

मिनु गे मेको आन कली ‘गे परमप्रभु यावे कली मीम चोशा चढ़ेतीके मार चढ़ेचा माल्‍नीनी देंशा हना, मारेइ मदुम्‍शो थम रिम्‍शो बर्स का गाप्‍शो पाठा निक्‍शी नाक्‍त किंत किंत चढ़ेचा माल्‍नीनी। प्रस्‍थान २९:३८-४२

गन्‍ती 29:6

मेको नेल्‍ले औंसी नाक्‍त ङा चोशा चढ़ेतीक नु मेको नु अन्‍न चढ़ेतीके, नाक्‍त किंत किंत ङा चोशा चढ़ेतीक नु मेको नु अन्‍न चढ़ेतीके, मेको नेल्‍ल नु तूचा थोव़क चढ़ेतीके यो चढ़ेचा माल्‍नीनी। मेको नेल्‍ले परमप्रभु यावेमी देंशो खोदेंशो पा आ दाक्‍शो ब्रोव़शो रिना पाइश्‍शो मीम चोशा चढ़ेतीक बाक्‍नीम।

हिब्रू 10:1

मेको साइ ङा परमप्रभु यावे आ अरेशो लोव़ जाक्‍चशो रिम्‍शो लोव़ आ वांकु ला बाक्‍ब। मेको ङोंइती ङा लोव़ थमा पा पाप क्‍याम्‍तीके मबा। मिनु मेको लोव़ टिशा बर्स बर्समी चढ़ेम्‍तेक्‍म हना यो, परमप्रभु यावे आ नेक्‍था जाक्‍ब मुर आन कली पाको सेल्‍‍ने मचाप्‍ब। हिब्रू ८:५

हिब्रू 10:4

मारदे हना ब्‍यफ नु बोका आन हुशेम पाप क्‍याम्‍ने मजाप्‍ब, दे तुइक्‍तय।

हिब्रू 5:1

ठेयब चढ़ेबपुकी मुर आन दाते रे योव़चा पुंइसीशो बाक्‍नीम। परमप्रभु यावे नु मुर आन कली गारपाइक्‍चा, दे मेकोपुकीमी मुर आन पाप क्‍याम्‍चा कली परमप्रभु यावे कली भेटी नु मार मार चढ़ेनीम।

हिब्रू 7:27

अरु चढ़ेबपुकीमी नाक्‍त किंत किंत ङोंइती आन पशो पाप, नोले मुर आन पशो पाप क्‍याम्‍चा कली चढ़ेशो खोदेंशो पा आं पचा ममाल्‍द। कालेमीन आ रां चढ़ेशा, मुर नेल्‍ल आन पाप क्‍याम्‍ने थुम्‍तु। लेवी ९:७; लेवी १६:६,१५

हिब्रू 8:2

मुरपुकीमी सेल्‍शो ममाइ, परमप्रभु यावेमी सेल्‍शो थमा ङा ताम्‍बुमी गेय पाइब दुम्‍शो बाक्‍ब।

हिब्रू 8:4

रागीम बाक्‍शो हना, ठेयब चढ़ेब दुम्‍ने मचाप्‍ब वा। मारदे हना परमप्रभु यावे आ अरेशो लोव़मी ब्रेक्‍शो खोदेंशो पा चढ़ेब शुश बाक्‍नीम।