हिब्रू 10:1 - Sunuwar Bible

¹ मेको साइ ङा परमप्रभु यावे आ अरेशो लोव़ जाक्‍चशो रिम्‍शो लोव़ आ वांकु ला बाक्‍ब। मेको ङोंइती ङा लोव़ थमा पा पाप क्‍याम्‍तीके मबा। मिनु मेको लोव़ टिशा बर्स बर्समी चढ़ेम्‍तेक्‍म हना यो, परमप्रभु यावे आ नेक्‍था जाक्‍ब मुर आन कली पाको सेल्‍‍ने मचाप्‍ब। हिब्रू ८:५

हिब्रू 10:1 ပူးပေါင်းရင်းမြစ်များ

लेवी 9:16

मेको नोले चोशा चढ़ेतीक चाक्‍शा, अरेशो खोदेंशो पा चढ़ेप्‍तु।

रोमी 8:3

परमप्रभु यावेमी अरेशो लोव़ टिने मचाप्‍नीम, दे तुइश्‍शा, आ तौ कली पापी बुद पा रागीम सोइक्‍ताक्‍व। मोपा मेको कली मुर आन पाप आ पर्बम सजाइ गेप्‍तु। प्रेरित १८:३८; प्रेरित १५:१०; हिब्रू २:१७

कलस्‍सी 2:17

मेको दुम्‍चा चिक्‍शो आ वांकु ला बाक्‍नीम। थमा सुइक्‍तीक रां चहिं ख्रीस्‍त के बाक्‍ब। हिब्रू ८:५; हिब्रू १०:१

हिब्रू 10:22

मोपतीके रिम्‍शो थुं पा, रिम्‍शो थमा सुइक्‍ब दुम्‍शा, पाप नेल्‍ल क्‍याम्‍चा पुंइसीशो तुइश्‍शा नु इं रां रिम्‍शो ब्‍वाक्‍कुम चिक्‍शा ग्‍येरशा परमप्रभु यावे आ नेक्‍था जाक्‍दीय्‍य। हिब्रू ४:१६; एफिसी ५:२६; १पत्रुस ३:२१

हिब्रू 7:11

लेवी आ खाल ङा चढ़ेबपुकीमी परमप्रभु यावे आ अरेशो लोव़ यो ताम्‍तेक्‍म। मेको आन पशोमी मुर आन कली पाको सेल्‍ने चाप्‍शो नम हना, हारून आ खाल ङा ममाइ मेल्‍कीसेदेक आ खाल ङा चढ़ेब का वोइक्‍चा ममाल वा।

हिब्रू 8:5

मेकोपुकीमी स्‍वर्ग ङा ताम्‍बु आ वांकुमी गेय पाइनीम। मोसामी ताम्‍बु सेल्‍चा गोवानु “डांडामी बाक्‍ङेनु, इ कली कोंइशो खोदेंशो सेलो” दे परमप्रभु यावे रे माइक्‍चा पुंइसे बाक्‍त। प्रस्‍थान २५:४०; कलस्‍सी २:१७

हिब्रू 9:11

रागी ङा ममाइ, मुर आन गुइमी सेल्‍शो क्‍येङा ठेयब नु रिम्‍शो स्‍वर्ग ङा ताम्‍बुमी ख्रीस्‍त ठेयब चढ़ेब दुम्‍शा, गेय पाइब।

हिब्रू 9:23

रागी ङा मोदेंशो थोव़क कली चोव़खो सेल्‍चा कली मोदेंशो माल्‍ताक्‍व हना, स्‍वर्गम बाक्‍शो कली चोव़खो सेल्‍चा कली मेको क्‍येङा रिम्‍शो चढ़ेचा माल्‍‍ताक्‍व।

हिब्रू 9:25

ख्रीस्‍तमी आंम कली शुश खेयप चढ़ेचा ममाल्‍द। नेल्‍ल क्‍येङा ठेयब चढ़ेब चहिं बर्स बर्सम आंम हुश ममाइ, मार मार आन हुश कुरशा मेको नेल्‍ल क्‍येङा चोव़खो कोठा ओव़चा माल्‍दा बाक्‍त।