हिब्रू 1:11 - Sunuwar Bible

¹¹ मो हना यो मेको नेल्‍ल मलीनीम। गे चहिं गेना हना यो बाक्‍नीनी। सेल्‍शोपुकी माइत वा खोदेंशो पा जेक्‍शा लाइनीम।

हिब्रू 1:11 ပူးပေါင်းရင်းမြစ်များ

भजन संग्रह 10:16

परमप्रभु यावे गेना हना यो पिप बाक्‍ब। रागी रागी ङा मुरपुकी आ राज्‍य रे दिल्‍शा, जाम्‍शा लाइनीम।

भजन संग्रह 102:26

मेको नेल्‍ल जाम्‍शा लाइनीम। तन्‍न गे गेना हना यो बाक्‍नीनी। मेको रागी नु सरीङ वा खोदेंशो पा माइत दुम्‍शा जेक्‍नीम। गे फेक्‍तीके वा फाइश्‍शो खोदेंशो पा, मेको आन कली फाइक्‍नीनी। मिनु मेकोपुकी जाम्‍शा लाइनीम। २पत्रुस ३:१०

भजन संग्रह 29:10

परमप्रभु यावे आ ठेयब नित्‍तीके ब्‍वाक्‍कु तारी बाक्‍ब। मेको आ ठेयब नित्‍तीकेम निश्‍शा, गेना हना यो सासन पाइब।

भजन संग्रह 90:2

मिनु पहाड दुम्‍चा क्‍येङा ङोंइती नु रागी सेल्‍चा क्‍येङा ङोंइती गे गेना हना यो बाक्‍ब परमप्रभु बाक्‍तीनी।

यसैया 34:4

सरीङ ङा मारेइ मारेइ जाम्‍नीम। सरीङ कागज खोदेंशो पा ओल्‍सीब। सोरुल अङगुर बोट आ सोव़शो सफा नु फोव़शी रवा आ सोव़शो गेडा खोदेंशो दुम्‍नीम। प्रकाश ६:१३-१४

यसैया 41:4

मेको सुमी पपाइश्‍शा पवा? सुम साइ ङोंइती रे पाला पाला ङा मुर आन कली ब्रेत्‍‍ता? गो परमप्रभु यावे, नेल्‍ल क्‍येङा ङोंइती ङा नु नेल्‍ल क्‍येङा नोले ङा नङ। यसैया ४४:६; यसैया ४८:१२; प्रकाश १८:१७

यसैया 44:6

मिनु परमप्रभु यावे, इस्राएली आन पिप नु मेको आन कली पाप रे प्रोंइब, मुर नेल्‍ल आन परमप्रभु यावेमी “गो नेल्‍ल क्‍येङा ङोंइती नु नेल्‍ल क्‍येङा नोले ङा नङ। गो आं ङा लाक्‍शा, अरु परमप्रभु मबाक्‍नीम। यसैया ४१:४; यसैया ४३:११; प्रकाश १:१७

यसैया 50:9

परमप्रभु, परमप्रभु यावेमी आं कली वारच पाइब। आं कली दोस गेब, सु बाक्‍नीमी? मेको नेल्‍ले फेक्‍शो वा खोदेंशो पा माइत दुम्‍नीम। मिनु तुम्‍बुम मेको कली नेक्‍‍नीम।

यसैया 51:6

मिनु सरीङ गे कोव़ङीन। खप गे कोव़ङीन। मारदे हना सरीङ कुन खोदेंशो पा जाम्‍ब। रागी वा खोदेंशो पा जेक्‍ब। रागीम बाक्‍ब मुर नेल्‍ल भुस्‍ना खोदेंशो पा बेक्‍नीम। आं पाप रे प्रोंइतीके चहिं गेना हना यो लीशा बाक्‍ब। आं ग्रातीके गेनायो मनुप्‍‍ब। भजन संग्रह १०२:२६-२७; मत्ती २४:३५

यसैया 51:8

मारदे हना तुम्‍बुम वा नेक्‍शो खोदेंशो पा, मेको आन कली नेक्‍नीम। बुस्‍सुम ऊन ख्रोइश्‍शो खोदेंशो पा ख्रोइक्‍नीम। आं ग्राचा चहिं गेना हना यो लीशा बाक्‍ब। आं पाप रे प्रोंइतीके पाला पाला नेल्‍ल आन कली लीब” देंत।

यसैया 65:17

मिनु गो नक सरीङ नु नक रागी सेल्‍नुङ। ङोंइती ङा नेल्‍ल प्रेंशा, लेंशा मारेइ ममिम्‍सीब। यसैया ६६:२२; २पत्रुस ३:१३; प्रकाश २१:१

मत्ती 24:35

सरीङ नु रागी नेल्‍ल जाम्‍शा लाइनीम, आं लोव़ चहिं गेना हना यो लीब। मत्ती ५:१८; यसैया ५१:६

मर्कूस 13:31

सरीङ नु रागी नेल्‍ल जाम्‍शा लाइनीम, आं लोव़ चहिं गेना हना यो मजाम्‍थु लीब।

लूका 21:33

सरीङ नु रागी नेल्‍ल जाम्‍शा लाइनीम। तन्‍न आं लोव़ चहिं गेनायो मजाम्‍ब।

हिब्रू 12:27

“मुल यो लेंशा काले हिम्‍नुङ” देंशो लोव़ रे मार रुम्‍सीब देंशा हना, हिम्‍सीबपुकी सेल्‍चा पुंइसीशो बाक्‍नीम। मिनु फाइक्‍चा पुंइसीनीम। महिम्‍सीबपुकी चहिं लीनीम, दे रुम्‍सीब।

हिब्रू 8:13

नक कबल आ पर्बम लोव़ पा ङोंइती ङा कबल कली माइत सेल्‍तु। मुल ङा मेरे ममाल्‍शो नु माइत दुम्‍शो नेल्‍ल जाम्‍शा लचशो बाक्‍ब। रोमी १०:४

प्रकाश 1:11

मेको सेंदामी आं कली “मार मार ताइनेवे, मेको नेल्‍ल कागजम ब्रेक्‍तो। मिनु ब्रेक्‍शा ङा मिन, एसीया ङा ७ ओटा सहर ङा येसु ख्रीस्‍त कली थमा सुइक्‍ब आन ग्रुम्‍तीके ङा मुर आन कली सोइक्‍तो। मेको ७ ओटा सहर चहिं एफिसस, स्‍मिरना पेरगामोम, थिआटीरा, सारडीस, फिलाडेल्‍फीया नु लाओडीसीया नम” देंत।

प्रकाश 2:8

मिनु येसु ख्रीस्‍तमी आं कली स्‍मिरना सहर ङा थमा सुइक्‍ब आन शेंब कली ब्रेक्‍पाइक्‍ती। मेकोमी “गो नेल्‍ल क्‍येङा ङोंइती नु नेल्‍ल क्‍येङा नोले नङ। गो बेक्‍शा यो ब्रोंइती” देंत। प्रकाश १:११; प्रकाश १:१८

प्रकाश 20:11

मिनु नोले गो ठेयब बुश नित्‍तीके का नु मेकेर निप्‍ब कली ताता। रागी नु स्‍वर्ग मेको कली तशा प्रोक्‍ताक्‍स। मिनु मेको आस कली बाक्‍तीके मबा। मत्ती २५:३१-४६; २पत्रुस ३:७,१०,१२

प्रकाश 21:1

नोले गो नक सरीङ नु नक रागी ताता। ङोंइती ङा सरीङ, ङोंइती ङा रागी नु समुन्‍द्र जाम्‍तेक्‍म। यसैया ६५:१७; २पत्रुस ३:१३