हाग्‍गै 2:4 - Sunuwar Bible

⁴ मिनु मुर नेल्‍ल आन परमप्रभु यावेमी “जेरूब-बाबेल, महिनो। यहो-सादाक आ तौ नेल्‍ल क्‍येङा ठेयब चढ़ेब यहोसु गे यो महिनो। मिनु मेकेर ङा मुर नेल्‍ल महिनीन। गेय पचा गोने। मारदे हना गो गेपुकी नु बाक्‍नुङ।

हाग्‍गै 2:4 ပူးပေါင်းရင်းမြစ်များ

२ सामुएल 5:10

मिनु दाऊद शुश ठेयब दुम्‍ना दुम्‍न लमाक्‍त। मारदे हना परमप्रभु यावे मुर नेल्‍ल आन परमप्रभु मेको नु बाक्‍माक्‍त। २सामुएल ३:३

१ इतिहास 22:13

परमप्रभु यावेमी मोसा कली आ फुल्‍लुम मुशा ब्रेक्‍शो लोव़ नु निसाफ पतीक लोव़ इस्राएली आन कली टिशा पचा कली गेशो बाक्‍त। गे मेको नेल्‍ल पाप्‍तीवी हना, इ गेय रिम्‍शो दुम्‍ब। गे बोल्‍यो नु महिंब दुमो। हिंशा इ थुं लुक्‍च लचा मगेवो। १राजा २:२-३

१ इतिहास 28:20

मिनु दाऊदमी आ तौ सोलोमन कली “बोल्‍यो नु महिंब दुम्‍शा, एको गेय पावो। महिनो, इ थुं ग्‍येत्‍थ लुक्‍च मपावो। मारदे हना परमप्रभु यावे, आं परमप्रभु गे नु बाक्‍ब। परमप्रभु यावेमी आ खिंमी गेय पचा कली मारेइ मारेइ सेल्‍ने मथुमा सम्‍म इ कली मप्रोंइथु वारच पाइब। १इतिहास २२:१३; ब्‍यवस्‍था ३१:६

एज्रा 10:18

मिनु अर्को जात ङा मीश ग्‍युंबे पाइबपुकीमी, चढ़ेबपुकीमी योसादाक आ तौ येशुआ आ चच युइ रे नु आ लोक्‍ब रे मासेयाह एलीएजर, यारीब नु गेदाल्‍याह बाक्‍तेक्‍म। एज्रा ३:२

एज्रा 5:2

मिनु शाल्‍तीएल आ तौ जेरूब-बाबेल नु योसादाक आ तौ येशुआमी यरूसलेममी परमप्रभु आ खिं लेंशा सेल्‍चा गोम्‍सेनु, परमप्रभु यावे आ लोव़ पाइबपुकीमी यो मेको आन कली वारच पाम्‍तेक्‍म।

प्रस्‍थान 3:12

मिनु परमप्रभुमी “गो थमा पा, गे नु बाक्‍नुङ। इ कली सोइक्‍ब गो नङ, दे चिन्‍ड का कोंइनन। मेको चिन्‍ड मार बाक्‍त देंशा हना, गे इस्राएल जात ङा मुर आन कली इजीप्‍त रागी रे ग्रुंइशा नोले एको परमप्रभु आ डांडामी आं कली ठेयब सेल्‍नीनी” दे माइक्‍तु। येरमीया १:८

हाग्‍गै 1:13

मिनु परमप्रभु यावे आ सोइश्‍शो लोव़ पाइब हाग्‍गैमी “परमप्रभु यावेमी मुर आन कली ‘गो गेपुकी नु बाक्‍नुङ’ देंशो बाक्‍ब” देंत। मलाकी २:७

जकरिया 4:6

मिनु मेकोमी आं कली “एको परमप्रभु यावेमी जेरूब-बाबेल कली पशो लोव़ बाक्‍ब। ‘बोलम ममाइ, सक्तिमी यो ममाइ, तन्‍न आं सोक्‍तीमी पाइनुङ’ दे मुर नेल्‍ल आन परमप्रभु यावेमी देंत।

जकरिया 8:9

मुर नेल्‍ल आन परमप्रभु यावेमी मार देंत देंशा हना “गेपुकी शुश गेय पने। ङोंइती गे आं लोव़ पाइबपुकीम लोव़ पशो नें‍तीनी। मेकोपुकी मुर नेल्‍ल आन परमप्रभु यावे आं खिं लेंशा सेल्‍ची ना ङा जग वोइक्‍ची ना बाक्‍तेक्‍म। यसैया ३५:३

मर्कूस 16:20

मिनु येसु कली थमा सुइक्‍बपुकी लशा, ग्‍येरपाइक्‍ब लोव़ तेइ तेइ नेंपाइक्‍ना पाइक्‍न गाक्‍‍मा बाक्‍त। प्रभु यो मेकोपुकी नु काथा बाक्‍शा, चिन्‍ड कोंइना कोंइन मेको आन लोव़ थमा बाक्‍ब दें‍बाक्‍माक्‍त। प्रेरित १४:३; हिब्रू २:४

प्रेरित 7:9

मिनु याकूब आ तौ आन लोक्‍ब योसेफ कली गेहे पा, मेको कली इजीप्‍त रागी ङा मुर आन कली लेयङमे बाक्‍त। तन्‍न परमप्रभु यावेमी मेको कली कोव़शो बाक्‍माक्‍त।

१ कोरिन्‍थी 16:13

होस पा बाक्‍कीने। पोक्‍च थेक्‍शा थमा सुइश्‍शा बाक्‍कीन। ठेयब थुं पा बाक्‍कीने। सक्ति पाइश्‍शो गेय पना पन बाक्‍कीन। एफिसी ६:१०

एफिसी 6:10

मिनु आं नोले ङा लोव़, प्रभु कली तुइश्‍शा सक्ति पाइश्‍शो मुर दुमीन। मोपा प्रभु आ सक्तिमी बोल्‍यो दुम्‍शा बाक्‍कीन। एफिसी ३:१६; १कोरिन्‍थी १६:१३; २तिमोथी २:१; १यूहन्‍ना २:१४

ब्‍यवस्‍था 31:23

मिनु परमप्रभु यावेमी नून आ तौ यहोसु कली अरेशा “बोल्‍यो नु महिंब दुमो। मारदे हना ‘मेको आन कली गेनुङ’ देंशो रागीम गे इस्राएली आन कली चाक्‍दीत्‍चा माल्‍नेवे। मिनु गो गे नु बाक्‍नुङ” देंत।

२ तिमोथी 2:1

आं तौ, गे ख्रीस्‍त येसुमी बाक्‍शो शिशी मिम्‍शा, बोल्‍यो दुम्‍शा बाक्‍को। एफिसी ६:१०

२ तिमोथी 4:17

तन्‍न प्रभु गो नु बाक्‍शा, अर्को रागी ङा मुर आन कली परमप्रभु यावे आ लोव़ नेल्‍ल शेंचा सक्ति गेती। मोपा आं कली गुप्‍स रे प्रोंइती। प्रेरित २३:११; प्रेरित २७:२३

यहोसु 1:6

गे बोल्‍यो नु महिंब दुमो। मिनु गो ङोंइती ‘इ किकी पिपी आन कली गेनुङ’ दे कसम जशो रागी, गे इस्राएली आन कली आंम के सेल्‍पाइक्‍चा माल्‍नेवे। ब्‍यवस्‍था ३:२८;

यहोसु 1:9

गो इ कली ‘बोल्‍यो नु महिंब दुमो’ देंती। इ थुं लुक्‍च मलल। गे गेनायो हिंशा ख्रिंख्रि मपावो। मारदे हना गे ते लते हना यो, गो, परमप्रभु यावे, इ परमप्रभु, गे नु बाक्‍नुङ” दे परमप्रभु यावेमी यहोसु कली देंत।

न्‍यायाधीस 2:18

गेना परमप्रभु यावेमी मेको आन कली निसाफ पाइब सोइक्‍ता, मेना परमप्रभु यावे मेको नु बाक्‍माक्‍त। मेको निसाफ पाइब मबेक्‍म सम्‍म आन जोरी सत्रु रे प्रोंइशा वोदा बाक्‍त। मारदे हना परमप्रभु यावेमी आन जोरी सत्रु रे श्‍येत जशो तशा शिशी पवा बाक्‍त।

१ सामुएल 16:18

मिनु मेको आ गेय पाइब आन दाते ङा काम “बेथलेहेम ङा येस्‍से आ तौ आन दातेमी, काम ताप्‍शो गो नेंशो बाक्‍नुङ। मेको बोल्‍यो मुर बाक्‍ब। मिनु रिम्‍शो लडाइ पाइब, निप्‍स खाप्‍शा ब्‍वाक्‍ब नु दारशो यो बाक्‍ब। परमप्रभु यावे मेको नु बाक्‍शो बाक्‍ब” देंमाक्‍त।