हाग्‍गै 2:16 - Sunuwar Bible

¹⁶ गे दोदेंशो बाक्‍नी? गे २० सेआह बाक्‍ब, दे मिम्‍ताक्‍नी हना, मेकेर १० सेआह ला बाक्‍ब। अङगुर ख्राक्‍शा, ५० गर रस ताप्‍नुङ, दे मिम्‍ताक्‍नी हना, २० गर ला दुम्‍ब। सेआह का ७ लिटर खोदेंशो बाक्‍ब। गर कली हिन यो देंनीम। हिन का ६,५ लिटर बाक्‍ब। हाग्‍गै १:१६

हाग्‍गै 2:16 ပူးပေါင်းရင်းမြစ်များ

यसैया 5:10

मिनु ५ बिगा अङगुर रूमी बाथ का अङगुर रस ग्रूब। मिनु होमेर का वांचेरम एफाह का अन्‍न ग्रूब” देंत। बाथ का २२ लिटर बाक्‍ब। होमेर का २२० लिटर बाक्‍ब। एफाह का २२ लिटर पुक्‍तीक का बाक्‍ब।

येरमीया 48:33

मोआब ङा फल फुल रू रे ग्‍येरतीक नु थुं नाइ‍श्‍शा बाक्‍तीके जाम्‍ने थुम्‍तु। गो अङगुर ख्राक्‍तीक तेक्‍ता। सुइमी ग्‍येरशा ग्रीशा, मख्राक्‍‍नीम। मेको आन वाइ ब्रेश्‍शो ग्‍येरशा वाइ ब्रेश्‍शो ममाइ।

हाग्‍गै 1:6

गे शुश शोक्‍तीनी, तन्‍न इच्‍का ला खुप्‍ताक्‍नी। गे जाइनीनी, तन्‍न मरूनीनी। गे तूनीनी, तन्‍न इन तूतू दाक्‍तीके मबेक्‍ब। गे फेक्‍नीनी, तन्‍न इन रां महोइब। गे शुश गेय पा क्‍येट चेम्‍नीनी, तन्‍न होइश्‍शो थैलीम कुर पा वोइक्‍नीनी” देंत। ब्‍यवस्‍था २८:३८

हाग्‍गै 2:15

मिनु परमप्रभुमी “गे मुलाक्‍त ङा मेरे मार दुम्‍बा, मेको रिम्‍शो पा मिम्‍तीन। परमप्रभु यावे आ खिं सेल्‍शोनु, फुल्‍लु तार फुल्‍लु वोइश्‍शा गारो प्रोव़चा क्‍येङा ङोंइती दोदेंशो बाक्‍मे, मेको मिम्‍तीन।

हाग्‍गै 2:17

गो इन कली नु इन रूम ख्रुम्‍शो मारेइ मारेइ खतम सेल्‍ता। मेको सोव़पाइक्‍ब रोइ, बुंखी ङाइक्‍तीक रोइ नु मुप्‍सीम खतम सेल्‍ता। मो हना यो गे आं गे मलेन्‍नी। हाग्‍गै १:११

मलाकी 2:2

गे इन नोफा मदाइक्‍ताक्‍नी नु आं नें कली मान पचा कली ममिम्‍ताक्‍नी हना, गो इन कली सराप पाइनन्‍नी। इन कली गेशो आसीक सराप दुम्‍ब। मारदे हना गे काइ मटीब बाक्‍नीनी। गो थमा पा इन आसीक कली सराप सेल्‍नुङ। ब्‍यवस्‍था २८:१५