हाग्‍गै 1:9 - Sunuwar Bible

⁹ गे शुश आस पाइतीनी, तन्‍न इच्‍का ला ताइतीनी। मिनु गे खिंमी मार चाक्‍नी, गो मेको कली मुइश्‍शा बेरपाइक्‍ता। गो मारदे मोदेंशो पाता देंशा हना, आं खिं ब्रेन्‍ने थुम्‍शो बाक्‍ब। गे चहिं आंम खिं कली ला मिम्‍नीनी।

हाग्‍गै 1:9 ပူးပေါင်းရင်းမြစ်များ

२ सामुएल 21:1

पिप दाऊद आ पालाम बर्स सां सम्‍म अन्‍काल दुम्‍स ङा दुम्‍स पवा बाक्‍त। मिनु दाऊदमी परमप्रभु यावे कली हिल्‍लो पवा बाक्‍त। मिनु परमप्रभु यावेमी “सावल नु आ खिं ङा मुर आन तार हुश आ दोस बाक्‍शो बाक्‍ब। मारदे हना मेकोम गिबोनी आन कली साइक्‍तु” देंमाक्‍त।

२ सामुएल 22:16

समुन्‍द्र आ पुं तांइसाक्‍व। रागी आ जग हुक्‍साक्‍व। मेको परमप्रभु यावे आ हुइश्‍शो नु आ सास रे मोदेंशो दुम्‍त।

२ राजा 19:7

गो मेको आ थुंम सोक्‍त का कुर पाइ‍नुङ। मिनु मेकोमी लोव़ का नेंब। मिनु मेको आ रागी लेश्‍शा लाइब। मेकेर गो मेको कली तरवारम साइक्‍पाइक्‍नुङ’ देंत, दे मतीन” दे माइक्‍मी बाक्‍त। २राजा १९:९; २राजा १९:३५-३७

अय्‍युब 10:2

गो परमप्रभु कली ‘आं कली सजाइ मगे‍यीनी’ देंनुङ। आं कली मारदे निसाफ पाइनीनी, मेको शेंदीनी।

हितोपदेस 11:24

का निक्‍शी मुरुम शुश गेनीम हना यो, आन शोंप मेको क्‍येङा बारब। का निक्‍शी चहिं आन गेचा माल्‍शो मगेथु, प्रुङग दुम्‍नीम। मत्ती २५:२९; २कोरिन्‍थी ९:६

हितोपदेस 27:20

बेक्‍शो मुर आन बाक्‍तीके नु जाम्‍शा लतीके गेनायो मरूशो खोदेंशो पा, मुर आ मिक्‍च यो गेनायो मरूब। उपदेसक १:८

उपदेसक 1:8

तेकोइ आइदी रे आइक्‍था सम्‍म रिम्‍शो मबाक्‍नीम। सुइमी देंशा देंने मचाप्‍नीम। कोव़शा मिक्‍च गेनायो मरूब। नेंशा नोफा गेनायो मदाइ‍ब। भजन संग्रह ९०:१०; हितोपदेस २७:२०

यसैया 40:7

घांस सोव़ब, मिनु आ फू हेम्‍ब। मारदे हना परमप्रभु यावेमी मेको आन कली मुइक्‍ब। मुर थमा पा घांस खोदेंशो बाक्‍नीम।

यसैया 5:10

मिनु ५ बिगा अङगुर रूमी बाथ का अङगुर रस ग्रूब। मिनु होमेर का वांचेरम एफाह का अन्‍न ग्रूब” देंत। बाथ का २२ लिटर बाक्‍ब। होमेर का २२० लिटर बाक्‍ब। एफाह का २२ लिटर पुक्‍तीक का बाक्‍ब।

येरमीया 12:13

मेकोपुकीमी चेरब शोक्‍नीम। मिनु चू सिप्‍पाइक्‍नीम। मेकोपुकीमी श्‍येत पा गेय पाइनीम, तन्‍न नेल्‍ल शोर गाक्‍ब। मोपतीके मेको आन ख्रुम्‍शा मुने दोक्‍शो आंमा फाल्‍मेक्‍ल। मारदे हना परमप्रभु यावे आ ठेयब पा गाइश्‍शो इन तार जुक्‍शो बाक्‍ब। होसे ८:७

इजीकीएल 21:31

गो आं गाइश्‍शो इन तार मोइक्‍नुङ। आं चुर‍शो मी मुइश्‍शो खोदेंशो पा गो इन तारी मोइक्‍नुङ। गो इन कली साइक्‍चा कली हुश ख्राक्‍श पोक्‍ब नु सांइ‍स जोक्‍ब आन गुइम जिम्‍मा गेनन्‍नी।

लेवी 19:25

तन्‍न ५ बर्सम गेपुकीम मेको फल फुल जने चाप्‍नीनी। मिनु मेको रवा इन कली शुश सिप्‍ब दुम्‍नीम। गो परमप्रभु यावे, इन परमप्रभु नङ।

हाग्‍गै 1:4

‘आं खिं ब्रेश्‍शा खतम दुम्‍शो बाक्‍ब। गे चहिं दारशो शी क्‍येप्‍शो खिंम बाक्‍चा रिम्‍शो दुम्‍बा ङा?’ देंशो बाक्‍ब” देंत। २सामुएल ७:२

हाग्‍गै 1:6

गे शुश शोक्‍तीनी, तन्‍न इच्‍का ला खुप्‍ताक्‍नी। गे जाइनीनी, तन्‍न मरूनीनी। गे तूनीनी, तन्‍न इन तूतू दाक्‍तीके मबेक्‍ब। गे फेक्‍नीनी, तन्‍न इन रां महोइब। गे शुश गेय पा क्‍येट चेम्‍नीनी, तन्‍न होइश्‍शो थैलीम कुर पा वोइक्‍नीनी” देंत। ब्‍यवस्‍था २८:३८

मलाकी 2:2

गे इन नोफा मदाइक्‍ताक्‍नी नु आं नें कली मान पचा कली ममिम्‍ताक्‍नी हना, गो इन कली सराप पाइनन्‍नी। इन कली गेशो आसीक सराप दुम्‍ब। मारदे हना गे काइ मटीब बाक्‍नीनी। गो थमा पा इन आसीक कली सराप सेल्‍नुङ। ब्‍यवस्‍था २८:१५

ब्‍यवस्‍था 28:38

गेपुकीमी शुश वांचेर शोक्‍नीनी, तन्‍न इच्‍का ला रुप्‍नीनी। मारदे हना मालेपुकीमी मेको नेल्‍ल नेक्‍नीम। मीका ६:१५

प्रकाश 2:4

तन्‍न गो इन कली लोव़ का पचा माल्‍नुङ। मार लोव़ पचा माल्‍नुङ देंशा हना, ङोंइती गे आं कली थमा पा दाक्‍ताक्‍नी। मुल चहिं ङोंइती ङा खोदेंशो पा दाक्‍चा प्रोंइतीनी।

प्रकाश 3:19

गो आं दाक्‍शो मुर आन कली आन मरिम्‍शो पतीके कोंइनुङ। नोले गो मेको आन कली श्‍येत गेशा, आल खोदेंशो पा शेंनुङ। इन थुं गो आं गे लेत्‍तीन। इन थमा सुइक्‍तीके बारपतीन। हितोपदेस ३:१२; १कोरिन्‍थी ११:३२; हिब्रू १२:६