हाग्गै 1:1 - Sunuwar Bible1 पिप दाराम सासन पशो बर्स निक्शी, ६ महिना ङा ङोंइती ङा नाक्त परमप्रभु यावेमी आ लोव़ पाइब हाग्गै कली लोव़ पाप्तु। मेको लोव़ यहूदा रागीम हुकुम पाइब जेरूब-बाबेल नु नेल्ल क्येङा ठेयब चढ़ेब यहोसु आस कली बाक्त। जेरूब-बाबेल शाल्तीएल आ तौ बाक्त। यहोसु चहिं यहो-सादाक आ तौ बाक्त। एज्रा ४:२४; एज्रा ५:१; एज्रा ५:२ အခန်းကိုကြည့်ပါ။ |
हाग्गै 1:1
41 ပူးပေါင်းရင်းမြစ်များ
मिनु मुरपुकी यरूसलेममी बाक्शो परमप्रभु आ खिं जाक्शो बर्स निक्शी नु महिना निक्शी दुम्माक्त। मिनु शाल्तीएल आ तौ जेरूब-बाबेल, योसादाक आ तौ येशुआ नु मेको आस लीशो लोक्ब, चढ़ेबपुकी, लेवीपुकी नु बेबीलोन रे लेश्शा यरूसलेम जाक्ब नेल्लेमी परमप्रभु आ खिं लेंशा सेल्चा गोम्तेक्म। मिनु परमप्रभु यावे आ खिं सेल्तीक गेय कोव़चा कली २० बर्स जाक्दीश्शो नु मेको क्येङा लाक्शो लेवी आन कली योव़शा वोइक्तीमी।
मिनु मेकोपुकीमी जेरूब-बाबेल, येशुआ नु खिं खिं ङा ठेयब मुर आन बाक्तीकेमी जाक्शा “गो आंइ कली यो गे नु गारशा, मेको खिं सेल्चा गेकी। गो यो गे इन खोदेंशो पा इन परमप्रभु कली ठेयब सेल्ना सेल्न बाक्नीकी। मिनु गो आंइ कली एक चाक्ब अस्सुर ङा पिप एसर-हददोन आ पाला रे गो यो इन परमप्रभु कली चढ़ेन चढ़ेन बाक्तक” देंतेक्म। येरमीया ४१:५; २राजा १७:२४-३३; २राजा १९:३७
मिनु यहूदी आन खाल्पापुकीमी सेल्ना सेल्न बाक्तेक्म। परमप्रभु यावे आ लोव़ पाइब हाग्गै नु इददो आ तौ जकरिया आस देंशो खोदेंशो पा रीब पा दुम्ना दुम्न लत। इस्राएली आन परमप्रभु आ देंशो खोदेंशो पा, पारसी रागी ङा पिप कोरेस आ हुकुम गेशो खोदेंशो पा, पिप दारा आ वारच पतीकेमी नु पिप आरता-सास्त आन ब्रेक्शा ग्रुंइशो हुकुम खोदेंशो पा मेकोपुकीमी मेको खिं लेंशा सेल्ने थुम्तेक्म।
मिनु परमप्रभु यावे आ अरेशो लोव़ नेंशा, मुर नेल्ल शुश ङाक्तेक्म। मोपतीके पिप आ वोइश्शो हुकुम पाइब, नेहेम्याह, परमप्रभु यावे आ लोव़ जोक्ब तुइक्ब चढ़ेब एज्रा नु मुर आन कली शेंब लेवीपुकीमी “मुलाक्ती परमप्रभु यावे, इन परमप्रभु आ ठेयब नाक्त बाक्ब। हिशेक मपने। मङाक्कीन” दे मुर आन कली माइक्तेक्म।
ကြော်ငြာတွေ