हबकुक 3:8 - Sunuwar Bible

⁸ परमप्रभु यावे, गे खोलापुकी नु गाइक्‍तीनी? गे ठेयब समुन्‍द्र आ पर्बम चुरनी? इन शारा नु बग्‍गी आन कली लां कोंइशा ग्रातीनी।

हबकुक 3:8 ပူးပေါင်းရင်းမြစ်များ

भजन संग्रह 104:3

गे इन बाक्‍तीक ङा थाम ब्‍वाक्‍कु तारी सेल्‍शो बाक्‍नीनी। गे गोस्‍स कली इन बग्‍गी सेल्‍शो बाक्‍नीनी। मिनु गे फश आ फ्रां तार ङोइश्‍शा गाक्‍ब बाक्‍नीनी। उत्‍पत्ती १:६-८; भजन संग्रह १८:१०-१२

भजन संग्रह 114:3

मोदेंशो दुम्‍शो तशा समुन्‍द्र प्रोक्‍त। यर्दन खोला दूली पा शाइक्‍त। प्रस्‍थान १४:२१-२२; यहोसु ३:१३,१६

भजन संग्रह 114:5

समुन्‍द्र, गे मारदे प्रोक्‍ङे? यर्दन खोला, मारदे दूली गे शांइसे? यहोसु ४:२३-२४

भजन संग्रह 18:10

मेको करूब का ङोइश्‍शा, फशेम बेरत। भजन संग्रह ९९:१

भजन संग्रह 45:4

इन मान ततीकेमी, थमा पतीके, ब्रेम्‍शो थुं दुम्‍तीके नु इन ठीक पतीकेमी गाक्‍शा, इन सक्तिमी छक लाक्‍चा ङा गेय कोंइदीन।

भजन संग्रह 68:17

परमप्रभु आ बग्‍गी हजार हजार क्‍येङा शुश बाक्‍नीम। मिनु परमप्रभु सीनै रे आ बाक्‍तीकेम जाक्‍शो बाक्‍ब।

भजन संग्रह 68:4

परमप्रभु कली कुम्‍सो पने। मेको आ नें आ पर्बम कुम्‍सो पने। गोस्‍स तार गाक्‍ब कली ठेयब सेल्‍तीक कुम्‍सो पने। मेको आ नें परम‍प्रभु यावे बाक्‍ब। गे मेको आ ङोंइती ग्‍येरशा सोम्‍शा बाक्‍कीन। यसैया ५७:१४

भजन संग्रह 77:16

परमप्रभु, समुन्‍द्र ङा ब्‍वाक्‍कु इन कली तशा हिंतेक्‍म। शुश लुक्‍च लशो समुन्‍द्र ख्रिंख्रि पाप्‍तु।

प्रस्‍थान 14:16

इ कोक्‍के लल समुन्‍द्र तार दिंदो। मो पवीनु, समुन्‍द्र ब्राशा, गाक्‍तीक लां दुम्‍ब। इस्राएलीपुकी हिलो मबाक्‍शो लांम गाक्‍ने चाप्‍नीम।

प्रस्‍थान 7:19

मिनु परमप्रभु यावेमी मोसा कली “गेमी हारून कली ‘इ कोक्‍के इजीप्‍त रागी ङा ब्‍वाक्‍कु हुश दुम्‍पाइक्‍चा कली ब्‍वाक्‍कु तारी दिंदो। नादी, खोला, कुवा नु इनार आन तारी दिंदो। मुर आन चाक्‍शो ठेका नु गरम बाक्‍शो ब्‍वाक्‍कु यो हुश दुम्‍ब’ दे हारून कली देनो” देंत। प्रकाश ११:६

प्रस्‍थान 7:20

मिनु परमप्रभु यावेमी मोसा नु हारून कली दोदेंशो देंमे, मोदेंशो पाम्‍ताक्‍स। मोसामी फाराओ नु आ गेय पाइब आन ङोंइती आ कोक्‍के खोला ङा ब्‍वाक्‍कु तार दिंशा तुबानु, हुश दुम्‍त।

यसैया 19:1

मिनु परमप्रभु यावेम इजीप्‍त आ पर्बम यसैया कली “कोव़ङीन, परमप्रभु यावे रीब पा बेरब गोस्‍सुम इजीप्‍त रागी जाक्‍ब। मेकेर ङा मूर्तिपुकी हिंशा ख्रिंख्रि पाइनीम। इजीप्‍त ङा मुर आन थुं लुक्‍च लाइब।

यसैया 50:2

गो जाक्‍ङानु, मारदे सुइ मबाक्‍मा? गो ब्रेङङानु, मारदे सुइमी लोव़ मलेत्‍ता? आं गुइ इन कली पाप रे प्रोंइने मचाप्‍चा ङा दुम्‍शो बाक्‍मे? इन कली प्रोंइने चाप्‍तीक सक्ति गो नु मबाक्‍बा? गो हुइक्‍तुनु, समुन्‍द्र सोव़ब। खोलापुकी ब्‍वाक्‍कु मबाक्‍शो गोरशो रागी सेल्‍नुङ। ब्‍वाक्‍कु मबाक्‍तीके ङांइपुकी बेक्‍शा, राक्‍शा, रिना पाइनीम। यसैया ५९:१; गन्‍ती ११:२३; प्रस्‍थान १४:२१

यसैया 66:15

परमप्रभु यावे मी नु जाक्‍ब। आ बग्‍गीपुकी फश गिवार खोदेंशो पा गाक्‍नीम। आ गाइश्‍शो चुरशोमी क्‍येक्‍क लेप्‍ब। आ हुइक्‍तीके हुरुर पा ब्रशो मी खोदेंशो बाक्‍ब। बजन संग्रह ५०:३; प्रकाश १९:११-१५

नहुम 1:4

मेकोमी ठेयब समुन्‍द्र कली हुइक्‍तानु, सोव़ब। मेकोमी खोला नेल्‍ल आन कली सोव़पाइक्‍ब। बाशान ङा बी ब्‍यफ योव़तीके नु कारमेल पहाड ङा मारेइ मारेइ सोल सुल बेक्‍नीम। लेबानोन ङा फू यो सोल सुल बेक्‍नीम।

हबकुक 3:15

गे ठेयब समुन्‍द्रमी आन शारा ओव़पाइश्‍शा, ठेयब ब्‍वाक्‍कु नेल्‍ल शाक्‍पाइक्‍तीनी। प्रस्‍थान १४:२६-२९

मर्कूस 4:39

मिनु येसु बोक्‍शा, फश गिवार कली हुइश्‍शा, समुन्‍द्र कली “ब्‍वालेइ पावो, मदुक्‍को” देंमेनु, फश गिवार ख्रा दिक्‍माक्‍त। मिनु सिक्‍सी दुम्‍माक्‍त।

प्रकाश 16:12

मिनु लेंशा अर्को परमप्रभु यावे आ स्‍वर्ग ङा गेय पाइबमी आ कुरशो डप्‍का युफ्रेटीस माइश्‍शो ठेयब खोलामी मोइक्‍तु। मिनु मेकोमी मोदानु, खोला ङा ब्‍वाक्‍कु सोव़त। मारदे सोव़त देंशा हना, नां दाप्‍तीके रे पीब पिप आन लां ठीक पचा कली सोव़त। यसैया ११:१५-१६

प्रकाश 19:11

मिनु नोले गो स्‍वर्ग रोक्‍सीशा, बुश शारा का ताता। मेको शारा तार ङोइक्‍ब का बाक्‍त। मेको शारा ङोइक्‍ब सु बाक्‍त देंशा हना, दीगो नु थमा पाइब माइश्‍शो बाक्‍त। मेको घूस मताक्‍थु ठीक पा निसाफ पाइब बाक्‍त। लडाइ पाइब यो बाक्‍त। मत्ती २४:३०; प्रकाश ३:३४; यसैया ११:४-५

प्रकाश 19:14

मिनु स्‍वर्ग ङा फौजपुकी बुश शारा ङोइश्‍शा, मेको आ नोले खोइश्‍शो बाक्‍तेक्‍म। मेको शारा ङोइक्‍बपुकी रिम्‍शो बुश सुती के वा फेक्‍शो बाक्‍तेक्‍म। प्रकाश १७:३४

प्रकाश 6:2

मिनु गो बुश शारा का ताता। मेको शारा ङोइक्‍बमी लिब्रा कुरशो बाक्‍त। मेको कली सिरपेच गेशो बाक्‍त। मिनु मेको ग्राना ग्रान गाक्‍त। जकरिया ६:१-८