हबकुक 3:7 - Sunuwar Bible

⁷ गो कुशन रागी ङा ताम्‍बुमी बाक्‍ब आन कली श्‍येत जशो ताता। मिदयान ङा ताम्‍बु आन सुम्‍तीके हिम्‍साक्‍म।

हबकुक 3:7 ပူးပေါင်းရင်းမြစ်များ

प्रस्‍थान 2:15

मिनु फाराओमी “मोसाम इजीप्‍त ङा मुर का साइक्‍तु” देंशो नेंशा, मोसा कली साइक्‍चा माल्‍तु। मोसा चहिं फाराओ आ बाक्‍तीक रे प्रोक्‍शा, मिदयान रागी जाक्‍दीश्‍शा, इनार तारी निश्‍शा बाक्‍‍त।

येरमीया 49:29

मेको आन ताम्‍बु, मेको आन क्‍यारश भेडा, मेको आन वासी नु आन मारेइ मारेइ लतीन। आन दल‍ओंठ रोइश्‍शा आंम के सेल्‍सीन। मिनु मुरपुकीम ‘एर ओंथ नेल्‍ल हिंचा ङा श्‍येत बाक्‍ब’ दे ग्रीचा माल्‍नीम। येरमीया २०:३

यहोसु 2:10

गे इजीप्‍त रागी रे ग्रूशा पिनीनु, परमप्रभु यावेमी इन ङोंइती लल समुन्‍द्र सोव़पाइक्‍तु। मिनु यर्दन आइक्‍ची हांबु ङा एमोरी आन पिप सीहोन नु ओग आस कली साइश्‍शा खतम सेल्‍शो लोव़ गोपुकीमी नेंतक। प्रस्‍थान १४:२१; गन्‍ती २१:२१-२६

यहोसु 9:24

मिनु मेकोपुकीमी यहोसु कली “परमप्रभु यावे, इ परमप्रभुमी आ गेय पाइब मोसा कली ‘रागी नेल्‍ल इन के दुम्‍ब। एको रागी ङा मुर नेल्‍ल सतीन’ दे अरेशो तुइश्‍शो नकी। मोपतीके गो इन कली तशा शुश हिंतीके, आंइ कली प्रोंइचा कली जोल पाइतक।

न्‍यायाधीस 8:12

मिनु जेबाह नु साल्‍मुन्‍ना चहिं मेक रे प्रोक्‍सा बाक्‍त। गिदोनमी मेको मिदयानी पिप आस कली खेदा पा ग्‍याइक्‍ता बाक्‍त। मोपतीके मेको आन लडाइ पाइब नेल्‍ले वाम ग्‍याम दुम्‍मा बाक्‍त।