हबकुक 3:6 - Sunuwar Bible

⁶ मेको गाक्‍‍शा नाइश्‍शा, रागी हिम्‍पाइक्‍तु। मेकोमी कोव़ङानु, रागी रागी ङा मुर आन कली ख्रिंख्रि पपाइक्‍तु। गेना हना यो बाक्‍ब डांडा ब्रेत्‍नीम। मेको गेना हना यो लीब पहाड नेल्‍ल यशो खोदेंशो पा दिंम दुम्‍तेक्‍म। मेकोमी साइ ङोंइती रे मोदेंशो पशो बाक्‍त। भजन संग्रह १०४:३२

हबकुक 3:6 ပူးပေါင်းရင်းမြစ်များ

उत्पत्ती 49:26

गेना हना यो बाक्‍ब डांडा ङा आसीक क्‍येङा इ आफ आ गेशो आसीक ठेयब बाक्‍ब। योसेफ आ लोक्‍ब खोदेंशो मदुम्‍थु, एको आसीक आ पिया तारी दुम्‍ल।

अय्‍युब 21:18

गिश खेयप फशेम बेरशो पराल खोदेंशो दुम्‍नीमी? मेकोपुकी गिश खेयप फश गिवारम बेरपाइश्‍शो भूस खोदेंशो दुम्‍नीमी? शुश खेयप मदुम्‍नीम। भजन संग्रह १:४

अय्‍युब 9:5

मेकोम डांडा आन कली आन मतुइक्‍थुन याक्‍ब। मिनु गाइश्‍शा, मेको आन कली लोक्‍ब।

भजन संग्रह 103:17

तन्‍न परमप्रभु यावे आ गेना हना यो दाक्‍तीक आ कली मान पा हिंब नु गेना हना यो लीब। मिनु आ ठीक पतीके आन तौ चच आन पाला सम्‍म लीब। लूका १:५०

भजन संग्रह 104:32

गे रागी कली कोव़नीनु, मेको ख्रिंख्रि पाइब। गे डांडा कली थिनीनु, कुन ग्रूब।

भजन संग्रह 35:5

मेकोपुकी फशेम योल्‍शो भूस खोदेंशो दुम्‍मल। मिनु परमप्रभु यावे आ स्‍वर्ग ङा गेय पाइबमी मेको आन कली खेदा पस ङा पस पवल।

भजन संग्रह 68:16

गे शुश डांडा पाइश्‍शो पहाड, मारदे गे परमप्रभु आ सासन पचा कली योव़शो डांडा गे कोव़शा, गेहे पाइनीनी? मेकेर परमप्रभु गेना हना यो बाक्‍ब। भजन संग्रह १३२:१३

भजन संग्रह 90:2

मिनु पहाड दुम्‍चा क्‍येङा ङोंइती नु रागी सेल्‍चा क्‍येङा ङोंइती गे गेना हना यो बाक्‍ब परमप्रभु बाक्‍तीनी।

भजन संग्रह 97:5

परमप्रभु यावे आ ङोंइती डांडा मयीन खोदेंशो पा याइनीम। रागी नेल्‍ल परमप्रभु यावे आ ङोंइती मोदेंशो दुम्‍ब। यहोसु ३:१३

प्रस्‍थान 15:14

जात जात ङा मुरपुकी इन लोव़ नेंशा शुश हिंतेक्‍म। पलिस्‍ती रागी ङा मुरपुकी हिंशा, ख्रिंख्रि पाम्‍तेक्‍म। यहोसु २:९-११

प्रस्‍थान 15:15

मुल एदोम रागी ङा ठेयब मुरपुकी हिंतेक्‍म। मोआब रागी ङा ठेयब मुरपुकी हिंशा ख्रिंख्रि पाम्‍तेक्‍म। कनान रागीम बाक्‍बपुकीम आन सक्ति साम्‍तेक्‍म।

प्रस्‍थान 15:17

गे इन मुर आन कली आन रागी ओंइनीनी। मिनु इन आंम बाक्‍तीक डांडाम बाक्‍पाइक्‍नीनी। परमप्रभु यावे, मेको इन बाक्‍तीके आंमा सेल्‍तीनी। इन आंम बाक्‍तीक खिं गे आंमा सेल्‍तीनी। भजन संग्रह ७८:५४

प्रस्‍थान 19:18

मिनु सीनै डांडा कुनै कुन दुम्‍‍त। मारदे हना परमप्रभु यावे मेकेर मीम तोंइसाक्‍व। मेको मार मार चोशो खोदेंशो पा ठेयब कुन ग्रू्‍त। मिनु डांडामी ठेयब ख्रिनु कु‍त। उत्‍पत्ती १५:१७

प्रस्‍थान 21:31

ब्‍यफोमी तमी तौ ख्रुप्‍तु हना, मेको मोदेंशोन पचा माल्‍ब।

यसैया 51:6

मिनु सरीङ गे कोव़ङीन। खप गे कोव़ङीन। मारदे हना सरीङ कुन खोदेंशो पा जाम्‍ब। रागी वा खोदेंशो पा जेक्‍ब। रागीम बाक्‍ब मुर नेल्‍ल भुस्‍ना खोदेंशो पा बेक्‍नीम। आं पाप रे प्रोंइतीके चहिं गेना हना यो लीशा बाक्‍ब। आं ग्रातीके गेनायो मनुप्‍‍ब। भजन संग्रह १०२:२६-२७; मत्ती २४:३५

यसैया 51:8

मारदे हना तुम्‍बुम वा नेक्‍शो खोदेंशो पा, मेको आन कली नेक्‍नीम। बुस्‍सुम ऊन ख्रोइश्‍शो खोदेंशो पा ख्रोइक्‍नीम। आं ग्राचा चहिं गेना हना यो लीशा बाक्‍ब। आं पाप रे प्रोंइतीके पाला पाला नेल्‍ल आन कली लीब” देंत।

मीका 5:8

याकूब आ लीशो मुर शुश आन दातेमी ब्‍वाकी ङा गुप्‍स खोदेंशो दुम्‍नीम। मेकोपुकी भेडा गोठम बाक्‍शो गुप्‍स आ चाइक्‍ब खोदेंशो दुम्‍नीम। गुप्‍स मेकेर लाम्‍तेक्‍म हना, साइश्‍शा ब्‍वाइनीम। मिनु सुइमी मेको आन कली प्रोंइने मचाप्‍नीम।

नहुम 1:5

मेको आ ङोंइती डांडा नेल्‍ल ख्रिंख्रि पाइनीम। मिनु पहाड दिंम दुम्‍नीम। रागी नु रागीम बाक्‍ब नेल्‍ल हिम्‍सीनीम। भजन संग्रह ९७:५

हबकुक 1:12

मिनु हबकुकमी “परमप्रभु यावे, आं परमप्रभु, गे का ला आं परमप्रभु बाक्‍नीनी। गो मबेक्‍नीकी। परमप्रभु यावे, गे मेको आन कली निसाफ पचा कली योव़तीनी। गे, आं सेरथे फुल्‍लु, गे मेको आन कली सजाइ गेचा कली वोइक्‍तीनी। येरमीया १०:२४

हबकुक 3:10

मिनु डांडापुकी इन कली तशा रोम्‍सीनीम। ठेयब रेउ यित। ठेयब समुन्‍द्र आ रेयके नेंसाक्‍व। भजन संग्रह ७७:१७

मत्ती 24:35

सरीङ नु रागी नेल्‍ल जाम्‍शा लाइनीम, आं लोव़ चहिं गेना हना यो लीब। मत्ती ५:१८; यसैया ५१:६

लूका 1:50

सु सुम मेको कली मान पा हिंनीमी, मेको आन कली शिशी पाइब। भजन संग्रह १०३:१३,१७

प्रेरित 17:26

ङोंइती मुर का सेल्‍शा, मेको मुर रे पा नेल्‍ल रागी ङा मुर सेल्‍तीमी। दोशो ब्रोंइचा, ते बाक्‍चा, मेको नेल्‍ल परमप्रभुमी पने थुम्‍शो बाक्‍ब। ब्‍यवस्‍था ३२:८

ब्‍यवस्‍था 32:8

नेल्‍ल क्‍येङा ठेयबमी रागी रागी ङा मुर आन कली आन रागी गेप्‍तु। मेकोमी मुर नेल्‍ल आन कली शुश खाल ङा सेल्‍तु। मेना इस्राएली आन थर ङा खिं खिं ङा मुर कोव़शा, आन सांद योक्‍शा गेप्‍तु। उत्‍पत्ती ११:८; प्रेरित १७:२६

ब्‍यवस्‍था 33:15

माइत पहाड ङा नेल्‍ल क्‍येङा रिम्‍शो अन्‍न नु गेना हना यो लीब डांडा ङा शुश बाली नाली तवल।

हिब्रू 13:8

साइ ङोंइती, मुल नु गेना हना यो येसु ख्रीस्‍त मफांइसीथु बाक्‍ब, दे तुइक्‍तीन। यसैया ४१:४; १कोरिन्‍थी ३:११; प्रकाश १:१७-१८; प्रकाश २२:१३

यहोसु 10:42

मिनु यहोसुमी मेको आन पिप आन कली नु आन रागी नेल्‍ल कली कालेम ग्रात। मारदे हना परमप्रभु यावे, इस्राएली आन परमप्रभुमी इस्राएली आन पा ङा लडाइ पाप्‍तु।

न्‍यायाधीस 5:5

मिनु सीनै डांडा ङा परमप्रभु यावे आ ङोंइती पहाडमी ख्रिनु कुत। परमप्रभु यावे, इस्राएली आन परमप्रभु आ ङोंइती डांडा ख्रिंख्रि पाप्‍तु। भजन संग्रह ६८:९