हबकुक 2:8 - Sunuwar Bible

⁸ मारदे हना गे रागी रागी ङा शुश मुर आन शोंप रोइक्‍ताक्‍नी। मुल चहिं इ साइक्‍तीक रे ब्रोंइशोपुकीमी इ के बाक्‍शो नेल्‍ल रोइक्‍नीम। गे मुर आन कली हुश ख्राक्‍श पोक्‍तीवी। गे रागी, सहरपुकी नु मेकेर बाक्‍ब मुर नेल्‍ल आन कली खतम सेल्‍तीवी” देंत। हबकुक २:१७

हबकुक 2:8 ပူးပေါင်းရင်းမြစ်များ

भजन संग्रह 137:8

बेबीलोन सहर, गे मुल खतम पोक्‍चा पुंइसीनेवे। गे मार पवी मेको आ क्‍येक्‍क लेप्‍ब ग्‍येरसीशो मुर बाक्‍ब।

हितोपदेस 22:23

मारदे हना परमप्रभु यावेमी मेको आन कली वारच पाइब। मेकोमी मेको रोइक्‍ब आन ब्रोंइतीक रोइक्‍ब।

यसैया 33:1

आबी, गे खतम पोक्‍ब, मुल सम्‍म गे खतम पोक्‍चा मपुंइसीशो बाक्‍नेवे। गे रोइक्‍ब बाक्‍नेवे। तन्‍न सुइमी मारेइ मरोइक्‍थु, गे खतम पोक्‍चा पुंइसीनेवे। मिनु इ रोइक्‍चा नुप्‍‍त हना, इ मारेइ मारेइ रोइक्‍चा पुंइसीनेवे। मत्ती ७:२

यसैया 33:4

मेकोपुकीमी सल्‍हा खोदेंशो पा शुश मारेइ मारेइ रोइक्‍नीम। दोपा सल्‍हा प्रेक्‍शा दोरनीमी, मोपा मुरपुकी प्रेक्‍शा रोइक्‍चा कली दोरनीम।

यसैया 47:6

गो आं मुर आन कली तशा गाइश्‍शा, मेको आन कली ‘आं मुर मनम’ खोदेंशो सेल्‍ता‍मी। मेना इ गुइमी गेता‍मी। मिनु गे मेको आन कली काइ शिशी मपदी। खूशो आन कली यो श्‍येत गेशा, हेल्‍शो जवा लाप्‍ताक्‍वी। जकरिया १:१५

येरमीया 27:7

मेको आंम इन रागी आ रिम्‍शो दुम्‍ची मजाक्‍म सम्‍म रागी रागी नेल्‍ल ङा मुरपुकीम मेको आ तौ नु मेको आ चच आन गेय पचा माल्‍नीम। मेको नोले शुश रागी नु ठेयब पिपपुकीमी मेको कली आन वाइल सेल्‍नीम।

येरमीया 30:16

मोपतीके गे इ कली दाक्‍ब नेल्‍ल दाक्‍चा पुंइसीनीम। इ जोरी सत्रु नेल्‍ल ग्‍याइश्‍शा लाइक्‍चा पुंइसीनीम। इ कली रोइक्‍बपुकी रोइक्‍चा पुंइसीनीम। इ कली खतम पोक्‍ब आन कली गो खतम पोक्‍नुङमी। यसैया ३३:१; इजीकीएल ३९:१०

येरमीया 50:14

गे लिब्रा आप्‍बपुकी, बेबीलोन आ एर ओंथ इन बाक्‍तीकेम राप्‍शा बाक्‍कीन। ब्रा कली का यो महेक्‍थु आप्‍पीन। मारदे हना मेकोमी परमप्रभु यावे कली पाप पाप्‍तु।

येरमीया 50:28

मिनु परमप्रभुमी “नेनीन, बेबीलोन रे प्रोक्‍ब मुर नु मेकेर बाक्‍ब अर्को रागी रे प्रोक्‍शो मुरुम सियोनम ‘परमप्रभु यावे, आंइ परमप्रभुमी क्‍येक्‍क लेप्‍ब। आ खिं आ पर्बम क्‍येक्‍क लेप्‍ब’ दे नेल्‍लेम नेंचा ङा पा शेंनीम।

येरमीया 50:37

मेको आ शारा, आ बग्‍गी नु मेको आन दातेम बाक्‍ब अर्को रागी ङा लडाइ पाइब आन कली साइक्‍चा कली तरवार जाक्‍त। मोपतीके मेकोपुकी मीश मुर खोदेंशो दुम्‍नीम। मेको आ शोंप नेल्‍ल आन कली तरवार जाक्‍त। मेको नेल्‍ल रोइक्‍तीक दुम्‍ब। येरमीया ५१:३०

येरमीया 51:13

गे शुश ब्‍वाक्‍कु आ नेक्‍था बाक्‍नेवे। इ शोंप शुश बाक्‍नीम। मुल इ नाक्‍ती जाक्‍त। इ ब्रोंइतीक नाक्‍त नुप्‍त। प्रकाश १७:१

येरमीया 51:24

गो इ ङोंइती बेबीलोन नु कल्‍दी रागीम बाक्‍ब मुर नेल्‍लेम सियोनम मरिम्‍शो पशो आ पर्बम क्‍येक्‍क लेत्‍नुङ” दे परमप्रभु यावेम देंत। येरमीया ५०:२९; अय्‍युब १:१७

येरमीया 51:44

गो बेबीलोन ङा बेल देवता कली सजाइ गेनुङ। मिनु आ दाक्‍शो थोव़क मेपाइक्‍नुङ। मुल रागी रागी ङा मुर मेकेर चोक्‍थ्री क्राक्‍थ्री पा मलाइक्‍नीम। बेबीलोन आ गारो ब्रेत्‍त। येरमीया ५०:२; यसैया ४६:१

येरमीया 51:48

मिनु नोले सरीङ, रागी नु मेकेर बाक्‍ब नेल्‍लेमी बेबीलोन ब्रुशो आ पर्बम ग्‍येरशा वाइ ब्रेत्‍नीम। मारदे हना मेको आन कली क्‍येक्‍क लेप्‍ब उत्तर रे जाक्‍नीम” दे परमप्रभु यावेम देंत। प्रकाश १८:२०

येरमीया 51:8

बेबीलोन याम कामी गोल्‍त। मिनु टुक्रा टुक्रा सेल्‍चा पुंइसाक्‍व। मेको आ पर्बम रोंका पने। मेको आ गारम ख्रेक्‍चा कली ख्रेक्‍तीक चाक्‍कीन। मो पशोनु, मेको साबा कों। यसैया २१:९

इजीकीएल 28:16

मिनु इ एर ओंथ नेल्‍ल ङा ग्‍याप्‍तीक लेयतीक आ पर्बम हुश ख्राक्‍श पोक्‍शा, पाप पाप्‍तीवी। मोपतीके गो इ कली ताइक्‍तीक थोव़क खोदेंशो पा आं डांडा रे ताइक्‍ताक्‍ङ। मिनु इ कली खाल पाइब करूबम इ कली मी ब्रशो फुल्‍लु आन दाते रे खेरते।

इजीकीएल 39:10

मेकोपुकीम रू रे शी खुप्‍चा ममाल्‍नीम। ब्‍वाकी ङा रवा तिम्‍चा ममाल्‍नीम। मारदे हना मेकोपुकीम मेको यामीन आन मी मुइक्‍नीम। मेकोपुकीम आन मार मार ग्रुंइशा लाइक्‍ब आन के मार मार ग्रुंइशा चाक्‍नीम। आन कली रोइक्‍ब आन कली रोइक्‍नीम” दे परमप्रभु, परमप्रभु यावेमी देंत। येरमीया ३०:१६

आमोस 3:10

मेकोपुकी ठीक गेय पस मजोक्‍नीम। हुश ख्राक्‍श पोक्‍शा नु मार मार रोइश्‍शा खुइ पशो आन बोल्‍यो दरवारम खेक्‍शा वोइक्‍नीम” दे परमप्रभु यावेमी देंत।

ओबदिया 1:15

परमप्रभु यावे आ निसाफ पतीक नाक्‍त रागी रागी ङा मुर नेल्‍ल आन नेक्‍था जाक्‍शो बाक्‍ब। गे दोदेंशो पशो नवे, इ कली मोदेंशोन पांइसीब। इ पशो गेय नेल्‍ल इ पियामीन मोंइसीब। योएल १:१५; येरमीया ५०:१५,२९

हबकुक 2:10

गेम शुश जात जात ङा मुर साइक्‍तीके, इ खिं ङा मुर आन कली मुने तोक्‍शा, साइक्‍चा पुंइसीनेवे।

हबकुक 2:17

गे लेबानोन ङा ठेयब रवा नेल्‍ल तिम्‍तीवी। मेकेर ङा ब्‍वाकी ङा जन्‍तु नेल्‍ल आन कली मरिम्‍शो पाप्‍तीवी। मेको इ मरिम्‍शो पतीके क्‍येक्‍क लेत्‍चा पुंइसीब दुम्‍नेवे। मारदे हना गे मुर आन कली हुश ख्राक्‍श पोक्‍तीवी। मिनु रागी, सहरपुकी नु मेकेर बाक्‍ब मुर नेल्‍ल आन कली खतम सेल्‍तीवी” देंत।

जकरिया 1:15

रिम्‍शो पा बाक्‍ब रागी रागी ङा मुर आन कली तशा शुश गाइश्‍शो बाक्‍नुङ। गो ङोंइती इच्‍का ला गाइक्‍‍ताक्‍ङ। मिनु मुरपुकीमी तेम्‍शा मरिम्‍शो पचा गोम्‍तेक्‍म’ देंत। येरमीया ४७:६

जकरिया 14:12

परमप्रभु यावेमी यरूसलेम कली लडाइ तोइब आन कली मार बेक्‍तीक रोइ पपाइक्‍ब देंशा हना, मुर गाक्‍ना गाक्‍ना आन श्‍ये राक्‍तीके, आन मिक्‍च आन बाक्‍तीकेम राक्‍तीके नु आन लें आन शोव़मी राक्‍तीके रोइ पपाइक्‍ब।

प्रकाश 6:10

मिनु मेकोपुकीमी ठेयब सेंदामी “परमप्रभु, गे का ला परमप्रभु नु थमा पा नेल्‍ल आन कली सासन पाइब बाक्‍नीनी। गेना आंइ कली साइक्‍ब आन कली निसाफ पाइनीनी? गेना रागीम बाक्‍ब आन कली क्‍येक्‍क लेत्‍नीनी?” देंतेक्‍म।