हबकुक 2:7 - Sunuwar Bible

⁷ मार, इ कली जेर गेबपुकी कालेमीन मबोक्‍नीमी ङा? मेकोपुकी सेंसीशा इ कली महिंपाइक्‍नीमी ङा? मेना गे श्‍येत जाइब दुम्‍नेवे।

हबकुक 2:7 ပူးပေါင်းရင်းမြစ်များ

हितोपदेस 29:1

शुश हुइक्‍चा पुंइसीशा यो, काइ मटीब दुम्‍तेक्‍म हना, मेको आन मतुइक्‍थु वारच पाइक्‍चा मपुंइसीथु, खतम दुम्‍नीम। हितोपदेस १५:१०

उपदेसक 10:8

बिक्‍तीक दोइब मुर मेको आंमान बिक्‍ने चाप्‍ब। मिनु गारो प्रेप्‍ब कली बुस्‍सुमी कोक्‍ने चाप्‍ब। हितोपदेस २६:२७

यसैया 11:13

एफ्राइम आ गेहे पतीके जाम्‍शा लाइब। यहूदा कली श्‍येत गेब साइक्‍चा पुंइसीनीम। मेना एफ्राइममी यहूदा कली गेहे मपाइब। मिनु यहूदामी यो एफ्राइम कली श्‍येत मगेब।

यसैया 41:25

गो उत्तर रे का कली ब्रेत्‍ताक्‍ङ। मिनु मेको जाक्‍त। नां दाप्‍तीके रे आं नेंमी लोव़ पाइब ब्रेत्‍ताक्‍ङ। मेकोम ठेयब मुर आन तारी खप दिम्‍शो खोदेंशो पा दिम्‍ब। खप के ग्‍योंब सेल्‍बम दोदेंशो पा खप नीबा, मोदेंशो पा मेको आन कली नीब।

यसैया 46:11

गो पूर्ब रे सिखार ग्‍यारब चिक्‍ब का ब्रेत्‍नुङ। मिनु ङोन रागी रे आं मिम्‍शो नेल्‍ल पाइब मुर का कली ब्रेत्‍नुङ। गो आं देंशो लोव़ खाप्‍नुङ। आं मिम्‍शो पाइनुङ। यसैया ४१:२

यसैया 47:11

तन्‍न मुल गे शुश श्‍येत जाइनेवे। इ मन्‍तर तन्‍तरमी तिक्‍ने मचाप्‍नेवे। गे शुश हिंचा ङा श्‍येत जाइनेवे। गे मेको तेक्‍ने मचाप्‍नेवे। मुल सम्‍म मतुइश्‍शो जाम्‍तीक नु नुप्‍तीक इ तारी जाक्‍ब।

येरमीया 51:11

इन ब्रा शेप्‍पीन। मिनु ब्रा कुरतीक प्रिंदीन। परमप्रभु यावेम मादी आन पिप कली लडाइ पपाइक्‍तु। मारदे हना मेकोमी बेबीलोन कली खतम सेल्‍चा कली मिम्‍ताक्‍व। मेको आ खिं आ पर्बम क्‍येक्‍क लेत्‍तीके बाक्‍ब। यसैया १३:१७; येरमीया ५०:२८

येरमीया 51:57

गो मेको आ सरकार ङा गेय पाइब, जोक्‍ब तुइक्‍ब, मेको आ हुकुम पाइब, नु आ लडाइ पाइब नेल्‍ल आन कली दुक्‍पाइक्‍नुङमी। मिनु मेकोपुकी गेना हना यो कली इप्‍नीम। लेंशा मबोक्‍नीम” दे पिपम देंत। मेको पिप आ नें मुर नेल्‍ल आन परमप्रभु यावे बाक्‍ब।

येरमीया 8:17

कोव़ङीन, गो इन दातेम बीस पाइश्‍शो बुस्‍सपुकी सोइक्‍नुङमी। मेको बुस्‍स आन कली मारेइ मन्‍तर तन्‍तर मराइब। मिनु मेकोपुकीमी इन कली कोक्‍नीम” दे परमप्रभु यावेम देंत।

१ थिस्‍सलोनिकी 5:3

मेना मुरुमी “दुशा बाक्‍नय, मारेइ मदुम्‍ब” देंतेक्‍म हना यो, आल कुरशो मीश मुर आल थिचा रोइ गेना पाइबा मतुइक्‍ब। मोदेंशो खोदेंशो पा मुरपुकी मब्रोंइचा ङा पा श्‍येत जाइनीम। येरमीया ६:१४; मत्ती २४:३९