हबकुक 2:16 - Sunuwar Bible

¹⁶ गे ठेयब दुम्‍चा क्‍येङा शुश मुने दोक्‍नेवे। मुल इ पालो जाक्‍त। गे यो तूशा, दुक्‍शा दाइल पांइसो। परमप्रभु यावेमी आ ग्‍युरा गुइ ङा कचौरा इ कली गे‍ब। मिनु इ ठेयब दुम्‍तीके मुने दोक्‍ब। येरमीया २५:१५,२६

हबकुक 2:16 ပူးပေါင်းရင်းမြစ်များ

भजन संग्रह 75:8

परमप्रभु यावे आ गुइमी बोटको का बाक्‍ब। मेकेर मार मार सुप्‍शो बोग्‍यो बोक्‍शो अङगुर शांबु बाक्‍ब। परमप्रभुमी मेको तूचा गेब। मिनु रागी रागी ङा आ अरेशो मटीबपुकीमी मेको तूचा माल्‍नीम। भजन संग्रह ६०:५; येरमीया २५:१५-१६

हितोपदेस 3:35

तुइक्‍ब मुरपुकी मान पाइक्‍चा पुंइसीनीम। तन्‍न मटीब मूर्खपुकी मुने दोक्‍नीम।

यसैया 20:4

मोपा अस्‍सुर ङा पिपमी इजीप्‍त रागी नु एथीयोपीया ङा मुर आन कली ग्‍याइश्‍शा लाइक्‍ब। ठिटा नु खूशो नेल्‍ल आन कली शिश्रा, जुत्ता मलिक्‍पाइक्‍‍थु नु देल्‍लो तपाइश्‍शा लाइश्‍शा, इजीप्‍त कली मुने तोक्‍ब।

यसैया 47:3

इ वा हुक्‍शा, इ शिश्रा रां कोंइचा माल्‍नेवे। इ मुने दोक्‍तीके तांइसीब। गो इ कली क्‍येक्‍क लेत्‍नुङ। गो सुइ कली मप्रोंइनुङमी। नहुम ३:५

यसैया 49:26

इ कली श्‍येत गेब आन कली आंम आन श्‍ये ब्‍वपाइक्‍नुङ। मेकोपुकी अङगुर शांबुम दुक्‍शो खोदेंशो पा आंम आन हुशेम दुक्‍नीम। मिनु मुर नेल्‍लेमी ‘गो इ कली श्‍येत रे प्रोंइब, इ परमप्रभु यावे नङ। गो इ कली पाप रे प्रोंइब, याकूब आ सक्ति पाइश्‍शो परमप्रभु नङ’ दे तुइक्‍नीम” देंत।

येरमीया 25:15

मिनु परमप्रभु यावे, इस्राएली आन परमप्रभुमी आं कली “आं गुइ रे आं गाइश्‍शोमी ब्रीशो अङगुर शांबु बाक्‍शो कचौरा ताक्‍को। मिनु इ कली सोइश्‍शो रागी रागी ङा मुर नेल्‍ल आन कली तूपाइक्‍मी। येरमीया ५१:७; यसैया ५१:१७; प्रकाश १४:१०

येरमीया 25:17

मोपतीके गो मेको कचौरा परमप्रभु यावे आ गुइ रे ताक्‍ता। मिनु गो परमप्रभु यावेमी सोइश्‍शो रागी नेल्‍ल नु मुर नेल्‍ल आन कली तूपाइक्‍तामी।

येरमीया 51:57

गो मेको आ सरकार ङा गेय पाइब, जोक्‍ब तुइक्‍ब, मेको आ हुकुम पाइब, नु आ लडाइ पाइब नेल्‍ल आन कली दुक्‍पाइक्‍नुङमी। मिनु मेकोपुकी गेना हना यो कली इप्‍नीम। लेंशा मबोक्‍नीम” दे पिपम देंत। मेको पिप आ नें मुर नेल्‍ल आन परमप्रभु यावे बाक्‍ब।

येरमीया 51:7

बेबीलोन परमप्रभु यावे आ गुइम सुन के कचौरा का बाक्‍त। मेकोमी रागी नेल्‍ल ङा मुर आन कली दुक्‍पाइक्‍तु। रागी रागी ङा मुरपुकीम मेको आ अङगुर शांबु तूतेक्‍म। मोपतीके मेको रागी ङा मुर निप्‍स ग्‍यशो दुम्‍तेक्‍म। प्रकाश १७:४; येरमीया २५:१५; प्रकाश १८:३

बिलाप 4:21

एदोम आ तमी ग्‍येरसो। गे ऊज रागीम बाक्‍नेवे। तन्‍न गे यो मेको श्‍येत ङा कचौरा तूचा माल्‍नेवे। गे दुक्‍नेवे। मिनु शिश्रा सेल्‍सीनेवे। येरमीया ३:६४; भजन संग्रह १३७:७; येरमीया २५:१५,२१

इजीकीएल 23:33

गे दुक्‍शो दुम्‍शा सुर्ता पतीकेमी ब्रीनेवे। मेको इ लोक्‍ब सामरीया आ कचौरा शुश हिंतीक नु मुर मबाक्‍तीक बाक्‍ब। यसैया ५१:१७

होसे 4:7

चढ़ेबपुकी दोशो बारमा, मोशोन आं कली मरिम्‍शो पाम्‍तेक्‍म। मेको आन ठेयब दुम्‍तीके ताइश्‍शा, मुने दोक्‍तीक गेय पाम्‍तेक्‍म।

होसे 7:5

आंइ पिप आ भोजम आ सासन पाइब अङगुर शांबु तूशा दुक्‍नीम। मिनु पिपमी शुक्‍शी पाइबपुकी नु गुइ गारपाइक्‍ब।

हबकुक 2:10

गेम शुश जात जात ङा मुर साइक्‍तीके, इ खिं ङा मुर आन कली मुने तोक्‍शा, साइक्‍चा पुंइसीनेवे।

हबकुक 2:15

“आबी आबी, गे इ नेक्‍था बाक्‍ब मुर आन कली मुने तोक्‍चा कली इ दुक्‍तीक थोव़क तुंइशा दुक्‍पाइक्‍नेवे।

फिलिप्‍पी 3:19

नोले मेकोपुकी जाम्‍शा लाइनीम। आन कोव़ज कली परमप्रभु यावे क्‍येङा ठेयब बाक्‍ब, दे मुने पचा ङा गेयमी आंम कली ठेयब सेल्‍सीशा, आन थुंमी रागी ङा माल्‍शो ला मिम्‍नीम। रोमी १६:१८

प्रकाश 18:6

मिनु गे इन कली गेशो श्‍येत मेको कली लेत्‍तीन। श्‍येत का ला ममाइ, निक्‍शी खेयप श्‍येत गेने। इन कली गेशो श्‍येत निक्‍शी खेयप गेचा ठीक दुम्‍ब। भजन संग्रह १३७:८; येरमीया ५०:१५,२९; २थिस्‍सलोनिकी १:६