हबकुक 1:9 - Sunuwar Bible

⁹ मेकोपुकी ङोंइती बारशा, हुश ख्राक्‍श पोक्‍‍चा कली जाक्‍नीम। मिनु मुर आन कली बाल्‍वा खोदेंशो हिक्‍ने मचाप्‍चा ङा पा शुश ग्‍याइश्‍शा, खुप्‍नीम।

हबकुक 1:9 ပူးပေါင်းရင်းမြစ်များ

उत्पत्ती 41:49

मिनु योसेफमी समुन्‍द्र ङा बाल्‍वा खोदेंशो पा अन्‍न उप्‍शा, शुश दुम्‍तीके पुक्‍चा यो प्रोना बाक्‍त। मारदे हना पुक्‍ने मचाप्‍चा ङा पा शुश बाक्‍माक्‍त।

२ राजा 12:17

मेना अराम ङा पिप हजाएल इर कुशा, गाथ कली लडाइ तोशा मेको आ के सेला बाक्‍त। मेको नोले हजाएल यरूसलेम नु लडाइ पचा कली मेक गे लमाक्‍त।

अय्‍युब 29:18

मेना गो आं खिंम श्‍येत मजथु बेक्‍नुङ, दे मिम्‍शो नङ। मिनु गो शुश बर्स ब्रोंइनुङ, दे मिम्‍शो नङ।

भजन संग्रह 139:18

गो मेको आन कली हिक्‍चा माल्‍शो नङ हना, मेको बाल्‍वा क्‍येङा यो शुश दुम वा। गो सेंसीङानु, गो गे नु बाक्‍शो बाक्‍नुङ। भजन संग्रह ६३:७

यसैया 27:8

ग्‍याइश्‍शा लाइक्‍चा पुंइसीशो रागी रे ग्रुंइशो मुर नु लडाइ पाइतीनी। परमप्रभुमी मेको आन कली मुइश्‍शा, पूर्ब ङा फश पवानु, ठेयब फश गिवारमी योल्‍पाइक्‍ब।

येरमीया 15:8

मेको आन वोंइश बेक्‍शो मीश मुरपुकी समुन्‍द्र ङा बाल्‍वा क्‍येङा शुश दुम्‍तेक्‍म। नाक्‍ती उइक्‍थ दुम्‍मेनु, तौ नु आन ममा आन पर्बम साइक्‍ब का चाक्‍नुङ। गो कालेम मेको आन तार सुर्ता पतीक नु ग्रीचोक पा हिंतीके चाक्‍नुङ।

येरमीया 25:9

गो उत्तर ङा जात नेल्‍ल नु आं गेय पाइब बेबीलोन ङा पिप नेबुकदरेसर कली ब्रेश्‍शा चाक्‍नुङमी। गो मेको आन कली एको रागी ङा मुर नु एर ओंथ ङा जात नेल्‍ल आन पर्बम चाक्‍नुङमी। मिनु गो मेको नेल्‍ल आन कली साइक्‍पाइक्‍नुङमी। गो मेको आन कली शुश हिंचा ङा, शुक्‍शी पाइक्‍चा पुंइसीब नु शिशी मताइब सेल्‍नुङमी। दानीएल ३:३१-३३

येरमीया 34:22

परमप्रभु यावेमी “गो मेको आन कली अरेनुङमी। मिनु गो मेको आन कली एको सहरमी लेश्‍शा चाक्‍नुङमी। मेकोपुकीमी एको सहर नु लडाइ पा ग्रानीम। मिनु एको कली क्रोइक्‍नीम। मिनु गो यहूदा ङा सहर कली मुर मबाक्‍शो सेल्‍नुङ” देंत। येरमीया ३७:८

येरमीया 4:11

परमप्रभुमी “मेना मार लोव़ पाइनीम देंशा हना ‘एको मुर नु यरूसलेम कली गोरशो रागी ङा डांडा रे होश फश आं प्रुङग मुर आन बाक्‍तीक जाक्‍ब। तन्‍न मेको फशेम क्राप्‍चा यो मदुम्‍ब, हारचा यो मदुम्‍ब।

येरमीया 4:7

गुप्‍स का आ पुक्‍खी रे ग्रूशा, जाक्‍शो बाक्‍ब। रागी रागी कली खतम पोक्‍ब का ग्रूब। मेको आ बाक्‍तीक रे ग्रूशा, इन रागी कली मुर मबाक्‍तीके सेल्‍ब। इन सहर ङा खिं नेल्‍ल ब्रेत्‍‍नीम। मेकेर मुर बाक्‍ने मचाप्‍नीम। येरमीया २:१५; येरमीया ५:६; येरमीया २५:३८; येरमीया ४९:१९; येरमीया ५०:४४

इजीकीएल 17:10

मेको कली याक्‍शा ला हना यो मेको ग्रेल्‍बा ङा? पूर्ब ङा फशेम आबानु मेको नेल्‍ल मसोव़बा ङा? रिम्‍शो खपीम ख्रुम्‍शो बाक्‍त हना यो, फशेम आबानु मेको मसोव़बा?’ दे मेको आन कली देंचा माल्‍नेवे” देंत।

इजीकीएल 19:12

तन्‍न मेको गाइश्‍शा चुरशा तुल्‍चा पुंइसाक्‍व। मिनु खपीम ताइक्‍चा पुंइसाक्‍व। मिनु पूर्ब ङा फशेम मेको कली सोव़पाइक्‍तु। मिनु मेको आ गेडा नेल्‍ल हेम्‍तेक्‍म। आ बोल्‍यो राशी सोव़शा, मेको कली मीम नेक्‍तु।

दानीएल 11:17

मेकोमी कबल पा ‘गो दक्‍खिन ङा पिप आ राज्‍य नेल्‍ल आंम के सेल्‍नुङमी’ दे मिम्‍ब। मिनु मेको कली खतम सेल्‍चा कली गारचा देखु पा, आ तमी कली ग्‍युंबे पा गेब। तन्‍न मेको आ मिम्‍शो खोदेंशो मदुम्‍ब।

होसे 1:10

इस्राएलीपुकी समुन्‍द्र ङा बाल्‍वा खोदेंशो पा शुश दुम्‍नीम। मिनु सुइमी मेको आन कली पुक्‍ने नु हिक्‍ने मचाप्‍नीम। ते मेको आन कली ‘गेपुकी आं मुर मननी’ देंशो बाक्‍मे मेकेर मेको आन कली ‘गेना हना यो ब्रोंइशा बाक्‍ब परमप्रभु आ मुर’ देंनीम। उत्‍पत्ती २२:१७; रोमी ९:२६

होसे 13:15

मेको आ लोक्‍ब आन दातेमी रिम्‍शो दुम्‍शा सोशा बोशा लत हना यो, गो मेको कली शिशी मपाइनुङ। परमप्रभु यावे रे पा पूर्ब ङा फश गोरशो रागी रे पा जाक्‍ब। मिनु आ ब्‍वाक्‍कु बुक्‍तीक सोव़ब। मेको आ इनार यो सोव़नीम। मोपा मेको आ शुश क्‍येट लाइब मारेइ मारेइ नेल्‍ल नुप्‍नीम।

हबकुक 1:17

मार, मेकोपुकीमी आन ग्‍याइलीम रेन्‍ना रेन्‍न, रागी रागी ङा मुर आन कली शिशी मपथु, खतम सेल्‍ना सेल्‍न बाक्‍चा गेनीनी?” दे हबकुकमी परमप्रभु कली देंत।

हबकुक 1:6

गो कल्‍दी ङा मुर आन कली पोक्‍‍नुङमी। मेको हिंचा ङा नु शिशी मपाइक्ब बाक्‍नीम। मेकोपुकीमी रागी नेल्‍ल कली ग्राशा, मुर आन खिं नु बाक्‍तीके रोइक्‍नीम।

रोमी 9:27

यसैयामी इस्राएली आन पर्बम “इस्राएल ङा मुरपुकी समुन्‍द्र ङा बाल्‍वा खोदेंशो पा शुश दुम्‍तेक्‍म हना यो, मेको आन लीशो का निक्‍शी ला ब्रोंइचा ताइनीम। रोमी ११:५

न्‍यायाधीस 7:12

मेको मिदयानी, अमालेकी नु पूर्ब ङा थर ङा मुर नेल्‍ल शुश सल्‍हा माले खोदेंशो पा दिंममी बाक्‍शो बाक्‍मा बाक्‍त। मेको आन दलओंठ ठेयब समुन्‍द्र ङा बाल्‍वा खोदेंशो हिक्‍ने मचाप्‍चा ङा पा शुश बाक्‍मा बाक्‍त।