हबकुक 1:4 - Sunuwar Bible

⁴ मिनु इन अरेशो मपाइनीम। ठीक पाइबपुकीमी ग्राने मचाप्‍नीम। इन अरेशो मटीबपुकीमी ठीक पाइब आन कली पुम्‍नीम। मिनु निसाफ पतीके दूली दुम्‍ब” देंती।

हबकुक 1:4 ပူးပေါင်းရင်းမြစ်များ

१ राजा 21:13

मिनु मेको नोले मेको मरिम्‍शो पाइब मुर निक्‍शी जाक्‍शा, मेको आ ङोंइती निस्‍ससा बाक्‍त। मिनु मेको निक्‍शीमी “नाबोथम परमप्रभु नु पिप कली सराप पशो बाक्‍ब” दे नेल्‍लेम नेंचा ङा पा दोस गेम्‍से बाक्‍त। मिनु मेकोपुकीम मेको कली लाङगा ग्रुंइशा फुल्‍लु आप्‍शा सदमे बाक्‍त।

अय्‍युब 21:7

परमप्रभु यावे आ अरेशो मटीब मुर मारदे ब्रोंइना ब्रोंइन बाक्‍नीमी? मारदे मेकोपुकी खूशो दुम्‍मानु यो बोल्‍यो नु सक्ति पाइश्‍शो दुम्‍नीमी? येरमीया १२:१

भजन संग्रह 11:3

जगन ब्रेत्‍त हना, ठीक पाइबम मार पने चाप्‍बा ङा?

भजन संग्रह 119:126

परमप्रभु यावे, इन गेय पची ना दुम्‍शो बाक्‍ब। मारदे हना मुरपुकीम इन अरेशो लोव़ मटीम।

भजन संग्रह 22:12

ठेयब सांढेपुकीमी पुम्‍ताक्‍यीमी। बाशान रागी ङा हिंचा ङा सांढेपुकीमी यो पुम्‍ताक्‍यीमी।

भजन संग्रह 22:16

कुचुमपुकीमी आं कली पुम्‍ताक्‍यीमी। काइ मरिम्‍शो पाइब आन हुल आं एर ओंथ बाक्‍नीम। आं गुइ खोइली ख्रित्‍ताक्‍यीमी। यूहन्‍ना २०:२५,२७

भजन संग्रह 59:2

आं कली मरिम्‍शो पाइब नु हुश ख्राक्‍श पोक्‍ब आन रे प्रोंइयीनी।

भजन संग्रह 59:4

गो मारेइ मरिम्‍शो मपथु, मेकोपुकीमी आं कली साइक्‍चा चिक्‍शो बाक्‍नीम। आं श्‍येत जशो कोव़ङीन। मिनु वारच पाइक्‍चा कली बोक्‍कीन।

भजन संग्रह 94:3

परमप्रभु यावे, इन अरेशो मटीबपुकी गेना सम्‍म ठेयब लेत्‍नीमी?

प्रस्‍थान 23:2

मिनु ठेयब हुल का मरिम्‍शो पाइब बाक्‍तेक्‍म हना, मेको आन नोले मखोतीन। निसाफ पाइब आ ङोंइती ‘ठेयब हुल ङा मुर ठीक बाक्‍नीम’ मदेनीन। मोपा आं ठीक पतीके रे ङोन मलने।

प्रस्‍थान 23:6

मिनु प्रुङग मुर का पित हना, मेको कली प्रुङग बाक्‍त हना यो, ठीक निसाफ पने। ब्‍यवस्‍था २५:१९; भजन संग्रह ८२:२-४; उपदेसक ५:७; यसैया १:१७

यसैया 5:20

आबी, मरिम्‍शो कली रिम्‍शो नु रिम्‍शो कली मरिम्‍शो देंबपुकी, छिङछिङ कली छेङछेङ नु छेङछेङ कली छिङछिङ देंबपुकी नु कशो कली जिज नु जिज कली कशो देंबपुकी श्‍येत जाइब बाक्‍नीनी।

यसैया 59:12

इन ङोंइती आंइ हेंथे पशो शुश बाक्‍ब। आंइ पशो पापमी इन कली तुइक्‍पाइक्‍ब। गो मरिम्‍शो पाइब बाक्‍नीकी, दे तुइक्‍नीकी। आंइ हेंथे पशो थमा पा गोपुकी नु बाक्‍ब। गोपुकी आंइ मरिम्‍शो पशो तुइक्‍नीकी। येरमीया १४:७

येरमीया 12:1

परमप्रभु यावे, गो इन कली दोस गेता हना, गे ठीक पाइब बाक्‍नीनी। तन्‍न गो आं निसाफ इन ङोंइती वोइक्‍नुङ। दोस ताइबपुकी मारदे सोशा बोशा लाइ‍नीमी? थमा मसुइक्‍ब मुर मारदे रिम्‍शो दुम्‍ना दुम्‍न बाक्‍नीमी? भजन संग्रह ७३:३

येरमीया 12:6

इ लोक्‍बपुकी नु इ खिं ङा मुरपुकीमी इ कली मरिम्‍शो पाम्‍तेक्‍म हना, मेकोपुकी इ पर्बम ठेयब सेंदा पा रेयके पा जाक्‍नीम। मेकोपुकीमी गे नु रिम्‍शो लोव़ पाम्‍तेक्‍म हना यो, मेको आन कली थमा मसुइक्‍मी।

येरमीया 26:8

मिनु परमप्रभु यावे आ अरेशो लोव़ नेल्‍ल, येरमीयाम मुर नेल्‍ल आन कली नेंपाइक्‍ने थुमा चोटी चढ़ेबपुकी, परमप्रभु यावे आ लोव़ पाइबपुकी नु मुर नेल्‍लेम मेको कली ग्‍याइश्‍शा “गे साइक्‍चान पुंइसीनेवे।

येरमीया 8:7

सरीङम बेरब सारसम आ लची ना नु लेत्‍ची ना तुइक्‍ब। मिनु ढुकुर, बेल्‍लुम नु बोकुला आन लची ना नु लेत्‍ची ना तुइक्‍नीम। तन्‍न आं मुरपुकीमी आंम परमप्रभु यावे आ देंशो पतीक लोव़ मतुइक्‍नीम। यसैया १:३

इजीकीएल 9:9

मिनु मेकोमी आं कली “इस्राएल नु यहूदा ङा मुर आन खिं ङा मुर आन दोस थम ठेयब बाक्‍ब। रागी नेल्‍ल हुश ख्राक्‍शेम ब्रीशो बाक्‍ब। मिनु सहर दूली पतीकेम ब्रीशो बाक्‍ब। मारदे हना मेकोपुकीम ‘परमप्रभु यावेमी एको रागी प्रोंइशो बाक्‍ब। मिनु परमप्रभु यावेमी मारेइ मताइब’ देंनीम। इजीकीएल ८:१२

होसे 10:4

मेकोपुकीमी शुश फश लोव़ पाइनीम। मार फश लोव़ पाइनीम देंशा हना, जोल पा कसम जशा कबल पाइनीम। मोपतीके वाक्‍शो रूमी ओशेर पाइश्‍शो सुवा वाशो खोदेंशो पा मुददा बारनीम।

आमोस 5:12

मारदे हना गो इन शुश मरिम्‍शो पशो तुइक्‍नुङ। गो इन पाप गिश ठेयब बाक्‍बा, मेको तुइक्‍नुङ। गे ठीक पाइब आन कली श्‍येत गेनीनी। घूस ताक्‍नीनी। निसाफ पतीकेमी मारेइ मथीब आन कली नेप्‍शा ग्रुंइनीनी।

आमोस 5:7

गेपुकी ठीक निसाफ कली दूली सेल्‍नीनी। ठीक पतीक कली खतम सेल्‍नीनी।

मर्कूस 7:9

मिनु लोव़ बोइश्‍शा “गिश जोक्‍ब तुइक्‍ब ननी। परमप्रभु यावे आ देंशो शेंचा प्रोंइशा, आंम सेल्‍शो इन पतीके ला शेंनीनी।

प्रेरित 7:52

इन किकी पिपीमी मार पामे? परमप्रभु आ लोव़ पाइब सु कली श्‍येत मगेमे ङा? नेल्‍ल आन कली श्‍येत गेम्‍तेक्‍म। श्‍येत गेशा ला ममाइ। इन कली पाप रे प्रोंइब ख्रीस्‍त जाक्‍ब, दे लोव़ नेंपा गाक्‍ब आन कली साइक्‍पाइक्‍ना पाइक्‍न बाक्‍तेक्‍म। इन कली पाप रे प्रोंइब ख्रीस्‍त जाक्‍त। मिनु गेपुकीमी मेको कली यो साइक्‍पाइक्‍तीनी। २इतिहास ३६:१६; मत्ती २३:३१

प्रेरित 7:59

मेको हुलमी स्‍तीफानस कली फुल्‍लु क्रोम्‍स ङा क्रोम्‍स पामेनु, स्‍तीफानसमी “प्रभु येसु, आं सोक्‍त ताक्‍कीन” दे पुंइदा बाक्‍त। लूका २३:४६

रोमी 3:31

मो देंतय हना, परमप्रभु यावे आ अरेशो लोव़ क्‍याम्‍नीकी? ममाइ, येसु ख्रीस्‍त कली थमा सुइश्‍शोमी परमप्रभु यावे आ अरेशो लोव़ टीतय, दे रुब्‍य। मत्ती ५:१७

ब्‍यवस्‍था 16:19

निसाफ हेंथे मपने। कुल मकोव़ङीन। घूस मजने। मारदे हना घूसमी जोक्‍ब तुइक्‍ब मुर आन मिक्‍च सिल्‍ब। मिनु ठीक पाइबमी घूस जशा दूली लोव़ पाइब। १सामुएल ८:३