हबकुक 1:3 - Sunuwar Bible

³ गे मारदे आं कली मरिम्‍शो पशो तपाइक्‍नीनी? गे मारदे आं कली श्‍येत जशो तपाइक्‍नीनी? खतम सेल्‍तीके नु जिचा पोक्‍तीक आं ङोंइती बाक्‍नीस। तेइ तेइ राम्‍शी पचा नु जिचा ला पोक्‍नीम।

हबकुक 1:3 ပူးပေါင်းရင်းမြစ်များ

उपदेसक 4:1

मिनु गो रागीम कोव़ङुनु, मेकेर थम मरिम्‍शो पशो ताता। गो दिप्‍चा पुंइसीशो आन ङाक्‍शो ताता। मेको आन कली लेम्‍ब सुइ मबाक्‍म। मेको मरिम्‍शो पाइब सक्ति पाइश्‍शो बाक्‍तेक्‍म। दिप्‍चा पुंइसीब आन कली चहिं लेम्‍ब सुइ मबाक्‍म।

उपदेसक 5:8

राज्‍य कामी प्रुङग आन कली दिप्‍शो नु मेको आन कली ठीक निसाफ मपशो ताइ‍तीनी हना, छक मलाक्‍कीन। मारदे हना मेको आन क्‍येङा अधिकार पाइश्‍शो का बाक्‍ब। मिनु मेको नेल्‍ल आन क्‍येङा ठेयब अर्को का बाक्‍ब। प्रस्‍थान २३:६

यसैया 46:12

गे खकटा थुं पाइश्‍शोपुकी नेनीन। गे पाप रे प्रोंइतीके रे शुश ङोन बाक्‍नीनी।

यसैया 5:7

मारदे हना मुर नेल्‍ल आन परमप्रभु यावे आ दाक्‍शो अङगुर रू इस्राएल आ खिं ङा मुर नु यहूदा ङा मुरपुकी बाक्‍नीम। मिनु मेकोम ठीक निसाफ पतीके रिम्‍ताक्‍व। तन्‍न दूली निसाफ पाम्‍तेक्‍म। ठीक पतीके रिम्‍ताक्‍व, तन्‍न मरिम्‍शो पतीके ला दुम्‍त।

येरमीया 15:10

आं ममा, मारदे आं कली जरमेनी। गो आं कली रागी नेल्‍लेम सुइ सुइम जिचा पोक्‍शा, गो नु सुइ मदुइनीम। गो मेको आन कली ना जेर गेशो बाक्‍नुङा, ना मेको आन रे जेर ज‍शो बाक्‍नुङा। मो हना यो मुर नेल्‍लेम आं कली सराप पाइनीम। येरमीया २०:१४

येरमीया 20:18

गो मारदे कोव़ज रे ग्रूङा? गो शुश गेय नु सुर्ता पचा कली जरमेसाक्‍यी। मिनु नाक्‍त किंत किंत मुने दोक्‍चा कली जरमेसाक्‍यी।

येरमीया 20:8

गो लोव़ पची ना ठेयब सेंदा पा लोव़ पचा माल्‍नुङ। गो हुश ख्राक्‍श बोक्‍चा नु खतम दुम्‍चा आ पर्बम ला ग्रीनुङ। परमप्रभु यावे आ लोव़ नाक्‍त रेन आं कली शुक्‍शी पाइक्‍तीक नु मरिम्‍शो पाइक्‍तीके दुम्‍त।

इजीकीएल 2:6

मिनु गे मेकोपुकी नु मेको आन लोव़ नेंशा महिनो। गे इ एर ओंथ चू नु चोंक बाक्‍तेक्‍म नु गे बिच्छी आन दातेम बाक्‍ते हना यो, महिनो। मेकोपुकीम मार देंतेक्‍म हना यो, मेको आन लोव़ क्‍येङा महिनो। मेको आन कोव़शोम ग्‍येत्‍थ लुक्‍च मदुमो। मारदे हना मेको मटीब आन खिं ङा मुर बाक्‍नीम। येरमीया १:८

मत्ती 10:16

भेडा आन कली फर आन दातेम सोइश्‍शो खोदेंशो पा सोइक्‍नन्‍नी। बुस्‍स खोदेंशो पा निप्‍स पाइश्‍शो दुमीने। मिनु परवा खोदेंशो दुम्‍शा, सुइ कली मरिम्‍शो मपने। लूका १०:३; रोमी १६:१९; एफिसी ५:१५

२ पत्रुस 2:8

मारदे हना मेको ठीक पाइबमी नाक्‍त किंत किंत आन ग्रांग्रा दिचा ङा गेय तशा नु नेंशा, आ ठीक मिम्‍तीक थुं शुश खाइश्‍शो बाक्‍त।