हबकुक 1:12 - Sunuwar Bible12 मिनु हबकुकमी “परमप्रभु यावे, आं परमप्रभु, गे का ला आं परमप्रभु बाक्नीनी। गो मबेक्नीकी। परमप्रभु यावे, गे मेको आन कली निसाफ पचा कली योव़तीनी। गे, आं सेरथे फुल्लु, गे मेको आन कली सजाइ गेचा कली वोइक्तीनी। येरमीया १०:२४ အခန်းကိုကြည့်ပါ။ |
हबकुक 1:12
48 ပူးပေါင်းရင်းမြစ်များ
आबी, इजीप्त रागी कली “वारच पाइक्की” दे लाइबपुकी, मेकोपुकी शारा कली थमा सुइक्ब बाक्नीम। बग्गी कली थमा सुइक्नीम। मारदे हना मेकेर शुश बाक्नीम। शारा ङोइक्ब आन कली थमा सुइक्नीम। मारदे हना मेको शुश बोल्यो बाक्नीम। तन्न मेकोपुकीम इस्राएली आन का ला बाक्शो परमप्रभु यावे कली ममिम्थु, हिल्लो मपाइनीम। यसैया ३०:१-२; भजन संग्रह २०:८
परमप्रभु यावेम, इस्राएली आन श्येत रे प्रोंइब, इस्राएली आन का ला बाक्शो परमप्रभु यावेमी काइ मदाक्शो नु रागी ङा मुरुम खेदा पचा पुंइसीशो नु हुकुम पाइब आन वाइल आन कली “पिपपुकी मेको कली तशा, राप्नीम। हुकुम पाइबम आ देंशो पाइब परमप्रभु यावे आ ङोंइती बाप्नीम। इ कली योव़ब इस्राएली आन का ला बाक्शो परमप्रभु आ ङोंइती बाप्नीम” देंत।
मिनु ठेयब नु इर ङा, गेना हना यो बाक्ब आ नें का ला बाक्शो परमप्रभुमी “गो नेल्ल क्येङा इर ङा आं बाक्तीकेमी बाक्नुङ। मिनु गो थुं लुक्च लशो नु दिप्चा पुंइसीशो मुर नु बाक्नुङ। गो दिप्शो मुर नु आन थुं लुक्च लशो आन थुं बारपाइक्चा कली मेकोपुकी नु बाक्नुङ। भजन संग्रह ११३:५-९; यसैया ६६:१-२; भजन संग्रह ५०:१९
तन्न मेको क्येङा ङोंइती “गो निसाफ पचा कली इन बाक्तीकेमी जाक्नुङ। गो टुना मुना पाइबपुकी, मुर आन मीश वोंइश नु इप्बपुकी, जोल पा कसम जाइबपुकी, गेय पाइब आन कली गाल्च मगेबपुकी, वोंइश बेक्शो मीश मुर, रोम रोइक्च, नु अर्को रागी ङा मुर आन कली निसाफ पा मगेबपुकी नु आं क्येङा महिंब नेल्ल आन कली निसाफ पथ जाक्नुङ” दे मुर नेल्ल आन परमप्रभु यावेमी देंत।
ကြော်ငြာတွေ