उत्पत्ती 9:23 - Sunuwar Bible

²³ मेको नेंशा, शेम नु यफेथम वा का सुर सुरम ग्‍याइश्‍शा लाप्‍शा, नोले रे ग्रेना ग्रेन लशा, आस आफ आ ताम्‍बु ओव़सा बाक्‍त। मिनु आस आफ आ भेत्रे रां सुम्‍से बाक्‍त। नोले रे ग्रेशा, आस आफ आ शिश्रा रां मताम्‍से बाक्‍त।

उत्पत्ती 9:23 ပူးပေါင်းရင်းမြစ်များ

उत्पत्ती 9:22

मिनु कनान आ आफ हाममी आ आफ शिश्रा तशा, लाङगामी बाक्‍शो आ लोक्‍ब आस कली देंमाक्‍त। प्रस्‍थान २०:१२; हितोपदेस ३०:१७

उत्पत्ती 9:24

मिनु नोले नोआह आ दुक्‍शो रे सेंसे बाक्‍त। आ चचमी आ कली मार पवा, नेल्‍ल तुइक्‍ता बाक्‍त।

प्रस्‍थान 20:12

इन आम आफ आन कली मान पने। मो पाइतीनी हना, परमप्रभु यावेमी, इन परमप्रभु इन कली गेशो रागीम शुश ब्रोंइचा गेब। प्रस्‍थान २१:१७; ब्‍यवस्‍था २७:१६; मत्ती १५:४-६; एफिसी ६:२-३

लेवी 19:32

गे खूशो आ ङोंइती बोक्‍कीन। खाल्‍पी खाल्‍पा आन कली मान पने। मिनु इन परमप्रभु कली मान पा हिनीन। गो परमप्रभु यावे नङ।

रोमी 13:7

तिरो, भन्‍सार थाप्‍तीने। हिक्‍चा पुंइसीशो कली हिक्‍कीने, मान पचा पुंइसीशो कली मान पने। मत्ती २७:२१

गलाती 6:1

आं लोक्‍बपुकी, सुमी आ थुंमी मिम्‍शा, दला दाक्‍स पा प्रभु आ देंशो मटिथु मरिम्‍शो दुम्‍मे, गे मेको कली परमप्रभु यावे आ सोक्‍तीमी ब्रीशो थुं पाइश्‍शोपुकीमी, ठेयब मलेत्‍थु, रिम्‍शो लोव़ पा, आ थुं परमप्रभु यावे गे लेप्‍पतीने। मो पनीनु, थुं थाम्‍चा मपुंइसेक्‍ल, दे होस पा बाक्‍कीन। मत्ती १८:१५; याकूब ५:१९

१ तिमोथी 5:1

शेंब खाल्‍पा आन कली महुइक्‍तो, तन्‍न आंम आफ कली खोदेंशो पा लोव़ पावो। ठिटा वोंइश मुर आन कली लोक्‍ब खोदेंशो मिम्‍तो। लेवी १९:३२; तीतस २:२

१ तिमोथी 5:17

ग्रुम्‍तीके खिंमी श्‍येत पा लोव़ पाइब नु शेंब खाल्‍पा आन कली निक्‍शी खेयप मान पा क्‍येट गेचा माल्‍नीम। प्रेरित १४:२३; रोमी १२:८

१ तिमोथी 5:19

मुर कामी ग्रुम्‍तीक ङा शेंब खाल्‍पा कली दोस गेप्‍तु हना, सांकछी निक्‍शी सां मबाक्‍थु, थमा मसुतो। ब्‍‍यवस्‍था १९:१५; मत्ती १८:१६

१ पत्रुस 2:17

मुर नेल्‍ल आन कली मान पने। थमा सुइक्‍ब आन कली दाक्‍तीने। परमप्रभु यावे कली मान पा हिनीन, पिप कली मान पने। रोमी १२:१०; हितोपदेस २४:२१

१ पत्रुस 4:8

नेल्‍ल क्‍येङा ठेयब मार बाक्‍ब देंशा हना, शुश दाक्‍मुचा बाक्‍ब। मारदे हना दाक्‍मुतीकेमी शुश पाप यो ग्‍याम्‍ब। हितोपदेस १०:१२; याकूब ५:२०