उत्पत्ती 9:20 - Sunuwar Bible

²⁰ मिनु नोआह रूमी गेय पाइब दुम्‍शा, अङगुर रू सेला बाक्‍त। मेको नेल्‍ल क्‍येङा ङोंइती अङगुर ख्रुम्‍ब मुर दुम्‍माक्‍त।

उत्पत्ती 9:20 ပူးပေါင်းရင်းမြစ်များ

उत्पत्ती 3:23

मोपतीके परमप्रभु यावेमी खप रे सेल्‍शो मुर कली एदेन माइश्‍शो रू रे ग्रुंइ‍शा, अरु रूम गेय पथ सोइक्‍ता बाक्‍त। उत्‍पत्ती २:१५

उत्पत्ती 4:2

मिनु मेको आ नोले लेंशा अर्को तौ का यो थि‍माक्‍त। मेको कली हाबील नें वोदा बाक्‍त। हाबील काइन आ लोक्‍ब बाक्‍माक्‍त। मेको आल निक्‍शी कोल्‍शा, हाबील भेडा गोठला दुम्‍माक्‍त। काइन चहिं रू ङा गेय पाइब दुम्‍माक्‍त।

उत्पत्ती 5:29

मेको कली नोआह नें वोदा बाक्‍त। मेको नें आ अर्थ थुं बारपाइक्‍तीक बाक्‍ब। मिनु लमेकमी “परमप्रभु यावेमी खप कली सराप पाप्‍तु। आं तौ रूम गेय पपाइक्‍तीके श्‍येत रे प्रोंइब बाक्‍ब” देंमाक्‍त। उत्‍पत्ती ३:१७-१९

उत्पत्ती 9:19

मेको सांफा नोआह आ तौ बाक्‍मा बाक्‍त। मेको रे रागी नेल्‍ल ब्रीमा बाक्‍त।

उत्पत्ती 9:21

मिनु अङगुर शांबु तूशा दुक्‍शा, आ ताम्‍बुमी शिश्रा इम्‍माक्‍त।

हितोपदेस 10:11

ठीक पाइब मुर आन लोव़ पतीकेमी ब्रोंइनीम। तन्‍न परमप्रभु यावे आ अरेशो मटीब आंम आन लोव़ पतीकेमी खतम दुम्‍नीम।

हितोपदेस 12:11

सु सुमी आंम रूम शोक्‍नीमी, मेकोमी जचा शुश ताइनीम। तन्‍न सु सुमी शोर गाक्‍‍शो लोव़ पा गाक्‍नीमी, मेको निप्‍स मपाइश्‍शो बाक्‍नीम। हितोपदेस २८:१९

हितोपदेस 24:30

गो अल्‍से मुर का आ रू रे पा लती। निप्‍स मपाइश्शो मुर आ अङगुर रू रे पा कोव़ना कोव़न लती।

उपदेसक 5:9

पिपमी रू ङा गेय पाइब आन कली अरेशा रिम्‍शो कोव़तु हना, मेको रागी रिम्‍शो दुम्‍ब।

ठेयब कुम्सो 1:6

आं कली क्‍येर तशा, मकोव़यीनी। मारदे हना चोक्‍शो नांमी आं कली क्‍येर सेल्‍ती। आं ममा आ तौपुकी गो नु गाइक्‍तीके आं कली अङगुर रू कोव़ब सेल्‍तीमी। तन्‍न गो आंम अङगुर रू कली चहिं मकोव़ङु।

१ कोरिन्‍थी 9:7

लडाइ पाइब आन खिं ङा जशा बाक्‍नीमी ङा? अङगुर रू थीबपुकीमी श्‍येत पा ख्रुम्‍शा, अङगुर मीमेनु, ब्‍वचा मताइनीमी ङा? गोठलापुकीमी चिम्‍शो बी कली योव़शा कोव़शा, घांस लाप्‍शा, श्‍येत पा गेय पशा, दूध चिम्‍शा तूचा मताइनीमी ङा?

ब्‍यवस्‍था 20:6

सुइ इन दातेमी अङगुर रू ख्रुम्‍शा, जचा मतशो बाक्‍तीनी हना, इन खिं लेश्‍शा लने। मेको लडाइम बेक्‍त हना, आ अङगुर रू अर्कोम जाइब, मेको मदुम्‍ब। ब्‍यवस्‍था २८:३०; लेवी १९:२४-२५

ब्‍यवस्‍था 28:30

गेपुकी मीश आल का कली पुंइनीनी, तन्‍न अरु वोंइश मुरुम मेको नु इप्‍ब। मिनु खिं का सेल्‍नीनी, तन्‍न आंमान बाक्‍चा मताइ‍नीनी। मिनु गेपुकीम अङगुर रू का ख्रुम्‍नीनी, तन्‍न आंमान ब्‍वचा मताइनीनी।