उत्पत्ती 7:4 - Sunuwar Bible

⁴ गो ७ नाक्‍त नोले ४० नाक्‍त नु ४० नाक्‍दो सम्‍म रेउ यिपाइक्‍नुङ। मिनु आं सेल्‍शो रागीम मार मार ब्रोंइशा बाक्‍मा, मेको नेल्‍ल आन कली साइक्‍नुङमी” देंमाक्‍त।

उत्पत्ती 7:4 ပူးပေါင်းရင်းမြစ်များ

उत्पत्ती 2:5

मारेइ मारेइ घांस खपीम मवाशो बाक्‍मा बाक्‍त। कोव़केली यो मदाप्‍शो बाक्‍मा बाक्‍त। मारदे हना परमप्रभु यावेमी रागीम रेउ मयिपाइश्‍शो बाक्‍माक्‍त। मिनु रूम गेय पाइब मुर यो मबाक्‍मा बाक्‍त।

उत्पत्ती 6:13

मिनु परमप्रभुमी नोआह कली “गो मुर नेल्‍ल आन कली क्‍याम्‍नुङमी। मारदे हना मेको आन पर्बम रागी हुश ख्राक्‍श पोक्‍तीकेमी ब्री‍त। मुर नु रागी नेल्‍ल आन कली क्‍याम्‍नुङ। आमोस ८:२

उत्पत्ती 6:17

आं देंशो रिम्‍शो पावो। मारदे हना गो मारेइ मारेइ साइक्‍चा कली रागी ब्‍वाक्‍कुम प्रिंनुङ। रागीम मार मार सेस बाक्‍मा, मेको नेल्‍ल बेक्‍चा माल्‍नीम।

उत्पत्ती 6:3

मिनु परमप्रभु यावेमी “आं सोक्‍त मुर आन कली शुश बर्स बाक्‍चा मगेनुङ। मुर बेक्‍चा माल्‍नीम। आन ब्रोंइतीक सहे का २० बर्स ला दुम्‍ब” देंमाक्‍त।

उत्पत्ती 6:7

मिनु परमप्रभु यावेमी “आं सेल्‍शो मुर आन कली रागी रे क्‍याम्‍नुङ। मुर नु जन्‍तु नेल्‍ल क्‍याम्‍नुङ। खपीम ग्रेशा गाक्‍ब आइक्‍च जन्‍तु नु सरीङम बेरब चिक्‍ब यो क्‍याम्‍नुङ। मारदे हना गो मेको आन कली सेल्‍शा यो, आं थुं मनुङ” दे मिम्‍ता बाक्‍त। गन्‍ती २३:१९; रोमी ३:३-४; २तिमोथी २:१३

उत्पत्ती 7:10

मिनु ७ नाक्‍त नोले रागीम ब्‍वाक्‍कु ब्रीचा गोवा बाक्‍त।

उत्पत्ती 7:12

मिनु ४० नाक्‍त नु ४० नाक्‍दो शुश रेउ यिमाक्‍त।

उत्पत्ती 7:17

मिनु ब्‍वाक्‍कु ४० नाक्‍त सम्‍म रागीम ब्रीना ब्रीन बाक्‍माक्‍त। ब्‍वाक्‍कु शुश बारशा, ब्‍वाक्‍कुमी ठेयब डोंगा कली कुरा बाक्‍त। ब्‍वाक्‍कु रागीम शुश बारमाक्‍त।

उत्पत्ती 7:3

मिनु चढ़ेचा दुम्‍ब सरीङम बेरब चिक्‍ब यो ७ जोड लतो। भाले नु पोथी लतो। मारदे हना मेकोपुकी रागीमी ब्रोंइचा माल्‍नीम।

उत्पत्ती 8:10

मिनु अर्को ७ नाक्‍ती रिम्‍शा, मेको ढुकुर कली लेंशा डोंगा रे सोइक्‍ता बाक्‍त।

उत्पत्ती 8:12

मिनु नोले यो ७ नाक्‍त रिम्‍शा, ढुकुर कली सोइक्‍ता बाक्‍त। मिनु मेको ढुकुर मलेम्‍माक्‍त।

उत्पत्ती 8:2

मिनु ब्‍वाक्‍कु बुक्‍तीके नेल्‍ल सोव़ना सोव़न लमा बाक्‍त। रेउ यो देक्‍माक्‍त।

अय्‍युब 22:16

मेको आन नाक्‍त मजाक्‍थु साइक्‍चा पुंइसाक्‍म। मेको आन जग ब्‍वाक्‍कुम योल्‍ताक्‍व। अय्‍युब १५:३२-३३; उत्‍पत्ती ७:२१

अय्‍युब 28:25

मेकोमी फश कली सक्ति गेप्‍तु। मिनु समुन्‍द्र आ सांद वोइक्‍तु।

भजन संग्रह 69:28

ब्रोंइतीक किताब रे मेको आन नें क्‍याम्‍सेक्‍ल। ठीक पाइब आन नें ब्रेक्‍शो किताबमी मेको आन नें मबाक्‍ल। प्रस्‍थान ३२:३२-३३; दानीएल १२:१; लूका १०:२०; फिलिप्‍पी ४:३

येरमीया 28:16

मोपतीके परमप्रभु यावेम ‘गो इ कली एको रागी रे तिल्‍चा चिक्‍शो बाक्‍नुङ। गे एको बर्सम बेक्‍नेवे। मारदे हना गे परमप्रभु यावे कली काइ मटिथु जोल लोव़ पाप्‍तीवी’ देंत” देंत।

आमोस 4:7

मिनु “गो इन अन्‍न खुप्‍चा क्‍येङा महिना सां ङोंइती रेउ मयिपदु। गो सहर का कली रेउ यिपाइक्‍ता, अर्को सहर कली मयिपदु। मिनु रू कामी रेउ यिपाइक्‍ता, अर्को रूम मयिपदु। मिनु मेको सोव़त। १राजा १७:१

प्रकाश 3:5

सु सुमी सैतान कली ग्रानीमी, मेको आन कली मोपा बुश वा फेक्‍चा गेनुङ। मिनु मेको आन नें परमप्रभु यावे नु ब्रोंइचा ताइब आन नें ब्रेक्‍शो किताब रे मक्‍याम्‍नुङ। गोमी आं आफ नु आ स्‍वर्ग ङा गेय पाइब आन ङोंइती ‘मेको आं मुर नम’ देंनुङ। प्रकाश ७:१३; लूका १०:२०; मत्ती १०:३२