उत्पत्ती 7:21 - Sunuwar Bible

²¹ मिनु रागीम मार मार ब्रोंइशो बाक्‍मा, बी ब्‍यफ, क्‍यारश भेडा, ब्‍वाकी ङा जन्‍तु, रागीम फोंइ‍ब, खपीम ग्रेशा गाक्‍ब आइक्‍च जन्‍तु नु मुर नेल्‍ल बेक्‍मा बाक्‍त। २पत्रुस ३:५-६

उत्पत्ती 7:21 ပူးပေါင်းရင်းမြစ်များ

उत्पत्ती 1:25

मोपा परमप्रभुमी मारेइ मारेइ ब्‍वाकी ङा जन्‍तु, मारेइ मारेइ बी ब्‍यफ, खपीम ग्रेशा गाक्‍ब नु मारेइ मारेइ आइक्‍च जन्‍तु सेल्‍मी बाक्‍त। मिनु परमप्रभुमी आ सेल्‍शो तशा “रिम्‍शो दुम्‍त” देंमाक्‍त।

उत्पत्ती 6:13

मिनु परमप्रभुमी नोआह कली “गो मुर नेल्‍ल आन कली क्‍याम्‍नुङमी। मारदे हना मेको आन पर्बम रागी हुश ख्राक्‍श पोक्‍तीकेमी ब्री‍त। मुर नु रागी नेल्‍ल आन कली क्‍याम्‍नुङ। आमोस ८:२

उत्पत्ती 6:17

आं देंशो रिम्‍शो पावो। मारदे हना गो मारेइ मारेइ साइक्‍चा कली रागी ब्‍वाक्‍कुम प्रिंनुङ। रागीम मार मार सेस बाक्‍मा, मेको नेल्‍ल बेक्‍चा माल्‍नीम।

उत्पत्ती 7:4

गो ७ नाक्‍त नोले ४० नाक्‍त नु ४० नाक्‍दो सम्‍म रेउ यिपाइक्‍नुङ। मिनु आं सेल्‍शो रागीम मार मार ब्रोंइशा बाक्‍मा, मेको नेल्‍ल आन कली साइक्‍नुङमी” देंमाक्‍त।

अय्‍युब 34:15

याम कामीन सोक्‍त पाइश्‍शो नेल्‍ल बेक्‍नीम। मिनु मुर लेंशा फुरकुम लेश्‍शा लाइनीम। भजन संग्रह १०४:२९

यसैया 24:19

मिनु रागी एश्‍शा, ब्रोल्‍ब। ख्रिनुम हिम्‍सीब। २पत्रुस ३:१०

यसैया 24:6

मोपतीके सरापमी रागी कली खतम सेल्‍शो बाक्‍ब। मिनु मेकेर बाक्‍ब आन पापम पतीके श्‍येत जाइ‍नीम। का निक्‍शी ला लीनीम।

होसे 4:3

मोपतीके एको रागीमी रोंका पाइब। एकेर बाक्‍ब नेल्‍ले ओंखां पा जाम्‍शा लाइनीम। बस्‍तु भाव, चिक्‍ब नु समुन्‍द्र ङा ङांइ बेक्‍शा, जाम्‍शा लाइनीम।

योएल 2:3

मेको आन ङोंइङोंइती मीम मारेइ मारेइ नेक्‍ब। मिनु मेको आन नोनोले मी ब्राइब। मेको आन ङोंइती रूपुकी एदेन ङा फल फुल रू खोदेंशो बाक्‍नीम। मेको आन नोले गोरशो रागी खोदेंशो दुम्‍नीम। मेकोपुकी रे मारेइ मब्रोंइनीम। योएल १:१९

सेफन्‍याह 1:3

मुर नु बी ब्‍यफ, क्‍यारश भेडा, जन्‍तु नेल्‍ल आन कली खतम सेल्‍नुङ। सरीङ ङा चिक्‍ब, समुन्‍द्र ङा ङांइ नेल्‍ल आन कली साइक्‍नुङमी। रागी ङा मुर नेल्‍ल आन कली खतम सेल्‍नुङ। परमप्रभु यावे आ अरेशो मटीब आन कली दाइल पपाइक्‍नुङ। गो मुर नेल्‍ल आन कली रागी नेल्‍ल रे क्‍याम्‍नुङ। मत्ती १३:४१

मत्ती 24:39

नेल्‍ल आन कली ब्‍वाक्‍कुमी मयोल्‍दा सम्‍म मारेइ मतुइश्‍शो बाक्‍मा बाक्‍त। रागीमी जरमेशो आ जाक्‍ची नाक्‍त यो मोदेंशो दुम्‍ब।

लूका 17:27

नोआह ठेयब डोंगाम मओव़म सम्‍म मुरपुकी जशा तूशा, ग्‍युंबे पशा, ग्‍युंबे पांइसीशा बाक्‍मा बाक्‍त। मिनु रेउ यिशा मुर नेल्‍ल बेक्‍मा बाक्‍त।

रोमी 8:20

ङोंइती रे सेल्‍शो नेल्‍ल बेक्‍शा राक्‍ब दुम्‍शो बाक्‍मा बाक्‍त। तन्‍न परमप्रभु यावेमी “काबु नाक्‍त प्रोंइनन्‍नी” दे आस गेशो बाक्‍माक्‍त। उपदेसक १:४

रोमी 8:22

मुल सम्‍म आ सेल्‍शो मारेइ मारेइमी हिंमा क्‍येम्‍स पा परमप्रभु यावे कली “इन देंशो रीब दुम्‍ल” दे पुंइना पुंइन बाक्‍नीम।

२ पत्रुस 2:5

मिनु परमप्रभु यावेमी साइ ङा मुर आन कली शिशी मपथु, नोआह ला ठीक पाइब बाक्‍तीके मेको नु अरु ७ जना आन कली ला श्‍येत रे प्रोंइतीमी। मेना परमप्रभु यावेमी रागी नेल्‍ल ब्‍वाक्‍कुमी ब्रीपाइश्‍शा, आ कली मटीब आन कली साइश्‍शो बाक्‍त। उत्‍पत्ती ८:१८; १पत्रुस ३:२०; २पत्रुस ३:६