उत्पत्ती 6:6 - Sunuwar Bible6 मिनु परमप्रभु यावेमी आंम सेल्शो मुर आन कली तशा, शुश आ थुं मनुथु बाक्शो बाक्माक्त। १सामुएल १५:११-३५; येरमीया १८:७-१० အခန်းကိုကြည့်ပါ။ |
उत्पत्ती 6:6
34 ပူးပေါင်းရင်းမြစ်များ
मिनु परमप्रभु यावे आ स्वर्ग ङा गेय पाइबमी यरूसलेम खतम पोक्चा कली आ गुइ मेक गे दिंदा बाक्त। मिनु परमप्रभु यावेमी मुर आन कली खतम सेल्ब आ स्वर्ग ङा गेय पाइब कली तेक्शा “मोक्ल, मुल दुम्त” देंमाक्त। मेना मेको परमप्रभु यावे आ स्वर्ग ङा गेय पाइब यबुसी अरौनाह आ खलाम राप्शो बाक्माक्त। उत्पत्ती १९:१३; प्रस्थान १२:२३; यसैया ५४:१६
मिनु परमप्रभुमी आ स्वर्ग ङा गेय पाइब का यरूसलेम सहर खतम पोक्चा कली सोइक्ता बाक्त। तन्न मेकोमी खतम पोक्चा चिक्तानु, परमप्रभु यावेमी मेको खतम पोक्तीक तशा, शिशी पा तेक्गा बाक्त। मेकोमी खतम पोक्ब आ स्वर्ग ङा गेय पाइब कली “मुल दुम्त। इ गुइ तेक्को” दे मदा बाक्त। मेना परमप्रभु यावे आ स्वर्ग ङा गेय पाइब यबुसी ओरनान आ खला आ नेक्था राप्शा, बाक्शो बाक्माक्त।
मिनु मेकोपुकीमी “मार, यहूदा ङा पिप हिज्कीयाह नु यहूदा ङा अरु सुइ मुरुम मेको कली सदमे ङा? मिनु मार, परमप्रभु यावे क्येङा हिंशा हिज्कीयाहम मेको आ शिशी ममला ङा? मिनु परमप्रभु यावेम मेको आन तार चाक्चशो खतम पोक्तीक रे आ थुं मलेत्ता ङा? तन्न गोपुकीम आंम इं तार ठेयब खतम दुम्तीक चाक्चा चिक्शो बाक्तय” देंतेक्म। येरमीया १८:८
मोपतीके गे मेको आन कली परमप्रभु, परमप्रभु यावेमी “गो आ ब्रोंइशा बाक्शो खोदेंशो पा आं अरेशो लोव़ मटीब मुर बेक्मानु मग्येरसीनुङ। तन्न मेकोपुकीम आं अरेशो लोव़ टिशा ब्रोंइमल। गे इन मरिम्शो लां रे लेतीन। ए इस्राएल आ खिं ङा मुरपुकी, गे मारदे बेक्चा दाक्नीनी? ब्यवस्था ३२:४०; यसैया ५५:७; योएल २:१२-१३
एफ्राइम, गो इ कली दोपा प्रोंइने चाप्नुङा? इस्राएल, गो इ कली दोपा इ जोरी सत्रु आन गुइमी गेने चाप्नुङा ङा? गो इ कली दोपा अदमाह कली पाइश्शो खोदेंशो पाइनुङा ङा? गो इ कली दोपा सेबोयीम खोदेंशो सेल्नुङा ङा? मुल आं थुं फांइसाक्व। गो गाइक्चा रे लेश्शा, शिशी पाइब दुम्ती। ब्यवस्था २९:२२; येरमीया ३१:२०
ကြော်ငြာတွေ