उत्पत्ती 6:16 - Sunuwar Bible

¹⁶ मिनु छाना रे हात का प्रोंइशा, फश ग्रूतीक बोखा का सेल्‍चा माल्‍नेवे। मिनु का पटटीम लाप्‍चो का वोइक्‍चा माल्‍नेवे। आगामी खप तला का, दाते तला का नु तला तारी बाक्‍तीक का सेल्‍चा माल्‍नेवे।

उत्पत्ती 6:16 ပူးပေါင်းရင်းမြစ်များ

उत्पत्ती 6:15

मिनु परमप्रभुमी “डोंगा दोपा सेल्‍चा माल्‍नेवे देंशा हना, मेको आ लाइश्‍शो सहे सां कुबीत दुम्‍चा माल्‍ब। आ ब्रेम्‍शो ५० कुबीत दुम्‍चा माल्‍ब। आ ग्‍येत्‍थ लाइश्‍शो ३० कुबीत दुम्‍चा माल्‍ब। कुबीत का ०.५ मिटर खोदेंशो बाक्‍ब।

उत्पत्ती 6:17

आं देंशो रिम्‍शो पावो। मारदे हना गो मारेइ मारेइ साइक्‍चा कली रागी ब्‍वाक्‍कुम प्रिंनुङ। रागीम मार मार सेस बाक्‍मा, मेको नेल्‍ल बेक्‍चा माल्‍नीम।

उत्पत्ती 7:16

मिनु ब्रोंइशा बाक्‍ब नेल्‍ल जोड जोड पा, भाले पोथी नेल्‍ल ओव़मा बाक्‍त। परमप्रभुमी नोआह कली दोपा अरेवा, मोपा नेल्‍ल टिशा पवा बाक्‍त। मेको नेल्‍ल ओव़मा नोले परमप्रभु यावेमी लाप्‍चो चोक्‍गा बाक्‍त। उत्‍पत्ती ६:१९

उत्पत्ती 8:6

मिनु ४० नाक्‍त नोले नोआहम आ सेल्‍शो डोंगा ङा झेल रोक्‍गा बाक्‍त। उत्‍पत्ती ७:१२,१७

२ सामुएल 6:16

मिनु परमप्रभु यावे आ सन्‍दोस दाऊद आ सहरमी चाक्‍गमेनु, सावल आ तमी मिकालमी झेल रे कोव़ङा बाक्‍त। मिनु पिप दाऊद कली परमप्रभु यावे आ ङोंइती प्रेक्‍ना प्रेक्‍न, सिल पशो तशा, आ थुंमी ग्रांग्रा दिमाक्‍त।

२ राजा 9:30

मिनु येहू येज्रेल सहरमी जाक्‍माक्‍त। मार मार दुम्‍मे, मेको नेल्‍ल इजेबेलम नेंशो बाक्‍माक्‍त। मिनु मेकोम आ मिक्‍चीम गाजल ख्रेक्‍से बाक्‍त। मिनु चां मिंसीशा झेल रे उइ लां गे कोव़ङा बाक्‍त।

इजीकीएल 41:16

मिनु मेको सांफा आन एर ओंथ नेल्‍ल गे झेल बाक्‍तेक्‍म। लाप्‍चो गे कोव़चा कली नेल्‍ल शीम क्‍येप्‍शो बाक्‍त। उइ खप रे झेल सम्‍म शीम क्‍येप्‍‍शो बाक्‍तेक्‍म।

इजीकीएल 42:3

आगा ङा लाङगा २० कुबीत बाक्‍त। लाङगा गे ङा लाङगा ङा फुल्‍लु ब्रशो लां गे कोव़शो कोठा तारी अर्को तला सां बाक्‍तेक्‍म।

लूका 13:25

मारदे हना खिं ङा मुरुमी लाप्‍चो चोक्‍ब। मिनु जाक्‍शोपुकी लाङगाम राप्‍‍शा ‘ओव़चा गेकी, प्रभु’ दे ब्रेत्‍नीनी। तन्‍न खिं ङा मुरुमी ‘इन कली मतुइक्‍नन्‍नी, ते रे जाक्‍शो ननी?’ देंब। मत्ती २५:११-१२