उत्पत्ती 6:12 - Sunuwar Bible

¹² मिनु परमप्रभुमी रागीम बाक्‍ब मुर आन कली कोव़ङानु, शुश मरिम्‍शो बाक्‍मा बाक्‍त। मुर नेल्‍लेमी आन द‍ला दाक्‍स पामे बाक्‍त। भजन संग्रह १४:२-३

उत्पत्ती 6:12 ပူးပေါင်းရင်းမြစ်များ

उत्पत्ती 18:20

मिनु परमप्रभु यावेमी “गो सोदोम नु गोमोररा सहर निक्‍शी आस पर्बम शुश मरिम्‍शो लोव़ नेंता। मारदे हना मेकेर ङा मुर आन मरिम्‍शो पशो शुश हिंचा ङा बाक्‍त। उत्‍पत्ती १९:१३

उत्पत्ती 18:21

मुल गो कोव़थ यीनुङ। एको नेंशो लोव़ थमा बाक्‍म कों, जोल बाक्‍म, गो तुइक्‍नुङ” देंमाक्‍त।

उत्पत्ती 6:13

मिनु परमप्रभुमी नोआह कली “गो मुर नेल्‍ल आन कली क्‍याम्‍नुङमी। मारदे हना मेको आन पर्बम रागी हुश ख्राक्‍श पोक्‍तीकेमी ब्री‍त। मुर नु रागी नेल्‍ल आन कली क्‍याम्‍नुङ। आमोस ८:२

उत्पत्ती 6:8

मिनु परमप्रभु यावेमी नोआह तवानु, मेको कली दाक्‍ता बाक्‍त। हिब्रू ११:७

उत्पत्ती 7:1

मिनु परमप्रभु यावेमी नोआह कली “गे नु इ खिं ङा मुर नेल्‍ल शी के ठेयब डोंगामी ओव़ङीन। मारदे हना एको पाला ङा मुर आन दातेमी गे का ला ठीक पाइब बाक्‍नेवे। उत्‍पत्ती ६:८

उत्पत्ती 7:21

मिनु रागीम मार मार ब्रोंइशो बाक्‍मा, बी ब्‍यफ, क्‍यारश भेडा, ब्‍वाकी ङा जन्‍तु, रागीम फोंइ‍ब, खपीम ग्रेशा गाक्‍ब आइक्‍च जन्‍तु नु मुर नेल्‍ल बेक्‍मा बाक्‍त। २पत्रुस ३:५-६

उत्पत्ती 9:12

मिनु परमप्रभुमी “गे नु गे नु ब्रोंइशा बाक्‍ब नेल्‍ल इन कली आं कबल पतीके चिनु का गेनुङ। मेको इन नोले ङा पाला नेल्‍ल आन कली यो बाक्‍ब।

अय्‍युब 33:27

मिनु मेको मुरुम मुर आन बाक्‍‍तीक जाक्‍शा, मेको आन कली ‘गो पाप पाता। गो ठीक पतीके कली दूली सेल्‍ता। गो आं तचा माल्‍शो सजाइ मतङ।

हितोपदेस 15:3

परमप्रभु यावेमी नेल्‍ल ताइब। मेकोमी रिम्‍शो पाइब नु मरिम्‍शो पाइब नेल्‍ल आन कली ताइब। २इतिहास १६:९

लूका 3:6

मिनु मुर नेल्‍लेमी परमप्रभु यावेमी दोपा पाप रे प्रोंइबा मेको तुइक्‍नीम” दे ब्रेक्‍शो बाक्‍माक्‍त। यसैया ४०:३-५

२ पत्रुस 2:5

मिनु परमप्रभु यावेमी साइ ङा मुर आन कली शिशी मपथु, नोआह ला ठीक पाइब बाक्‍तीके मेको नु अरु ७ जना आन कली ला श्‍येत रे प्रोंइतीमी। मेना परमप्रभु यावेमी रागी नेल्‍ल ब्‍वाक्‍कुमी ब्रीपाइश्‍शा, आ कली मटीब आन कली साइश्‍शो बाक्‍त। उत्‍पत्ती ८:१८; १पत्रुस ३:२०; २पत्रुस ३:६