उत्पत्ती 50:9 - Sunuwar Bible

⁹ मिनु योसेफ नु बग्‍गी नु शारा ङोइक्‍बपुकी लमा बाक्‍त। मिनु शुश मुर दुम्‍मा बाक्‍त।

उत्पत्ती 50:9 ပူးပေါင်းရင်းမြစ်များ

उत्पत्ती 41:43

मिनु फाराओमी योसेफ कली आ नोले ङा बग्‍गीमी ङोइक्‍पदा बाक्‍त। मिनु योसेफ आ ङोंइती बाक्‍बपुकीमी “योसेफ आ ङोंइती पोक्‍च थेक्‍शा, सेउ पने” दे ब्रेम्‍मा बाक्‍त। मोपा इजीप्‍त रागी ङा हुकुम पाइब सेला बाक्‍त। एस्‍तर १०:३

उत्पत्ती 46:29

योसेफ आंम बग्‍गी ठीक पा आ आफ इस्राएल कली गोशेनम ग्रुम्‍थ जाक्‍माक्‍त। मिनु मेको कली ग्रुम्‍शा, मुप्‍शा शुश ङाक्‍सा बाक्‍त।

उत्पत्ती 50:10

मिनु मेकोपुकी आताद आ चेरब तुप्‍तीके यर्दन खोला आइक्‍ची हांबु जाक्‍दीश्‍शा, ठेयब रोंका पामे बाक्‍त। मिनु योसेफमी आ आफ कली ७ नाक्‍त सम्‍म रोंका पवा बाक्‍त।

उत्पत्ती 50:8

योसेफ आ खिं ङा मुर नेल्‍ल, आ लोक्‍बपुकी नु आ आफ आ खिं ङा मुर नेल्‍ल आ आफ थिम्‍थ लमा बाक्‍त। आन आइक्‍च आलपुकी नु आन क्‍यारश भेडा, बी ब्‍यफ ला गोशेनमी बाक्‍मा बाक्‍त।

२ राजा 18:24

आं होव़प आ नेल्‍ल क्‍येङा आइक्‍च लडाइ पाइब आन ठेयब मुर का कली ला यो दोपा नोले शोइक्‍पाइक्‍ने चाप्‍नीनी ङा? गे बग्‍गी नु शारा ङोइक्‍ब आन पर्बम इजीप्‍त कली थमा सुइश्‍शो बाक्‍नीनी।

प्रस्‍थान 14:17

मिनु गोमी इजीप्‍त ङा मुर आन कली काइ मटीब दुम्‍पाइक्‍नुङ। मो दुम्‍मेनु, इस्राएली आन नोले खोइश्‍शा, लल समुन्‍द्र ओव़शा, खेदा पाइनीम। मिनु गो फाराओ आ मुरपुकी, आ बग्‍गी नु आ शारा ङोइक्‍ब नु लडाइ पा आं सक्ति कोंइशा ग्रानुङ।

प्रस्‍थान 14:28

मिनु ब्‍वाक्‍कु लेंशा ङोंइती ङा खोदेंशो दुम्‍मेनु, इजीप्‍त ङा बग्‍गी, शारा ङोइक्‍बपुकी नु फाराओ आ लडाइ पाइब आन कली सुम्‍शा, समुन्‍द्रमी योल्‍ताक्‍व। सुइ यो मब्रोंइम।

प्रस्‍थान 14:7

मिनु ६ सहे रिम्‍शो पा लडाइ पने चाप्‍ब बग्‍गी नु इजीप्‍त रागी ङा अरु बग्‍गी नु चलेब आन ठेयब मुर आन कली लाइश्‍शा, लमाक्‍त।

ठेयब कुम्सो 1:9

आं दाक्‍शो मीश आल, गो इ कली फाराओ आ बग्‍गी ङा नेल्‍ल क्‍येङा दारशो छाउरी शारा नु थाप्‍शो बाक्‍नुङ।

प्रेरित 8:2

परमप्रभु यावे कली मान पा हिंबपुकीमी स्‍तीफानस आ बेक्‍शो रां लाइश्‍शा, थिम्‍मे बाक्‍त। स्‍तीफानस कली साइश्‍शो तशा, थमा सुइक्‍ब नेल्‍ल शुश ङाक्‍मा बाक्‍त।