उत्पत्ती 5:5 - Sunuwar Bible

⁵ मिनु आदम नेल्‍ल पा ९ सहे ३० बर्स ब्रोंइशा बेक्‍माक्‍त।

उत्पत्ती 5:5 ပူးပေါင်းရင်းမြစ်များ

उत्पत्ती 3:19

इ कुप्‍फी रे गाल यिपाइश्‍शा शोब्‍ले जचा माल्‍नेवे। गे खप मदुमे सम्‍म मोदेंशो पचा माल्‍नेवे। मारदे हना गो इ कली खप रे सेल्‍शो नङ” दे परमप्रभु यावेमी आदम कली देंमाक्‍त। उत्‍पत्ती २:७; भजन संग्रह ९०:१०; भजन संग्रह १०४:२९; उपदेसक १२:७; २थिस्‍सलोनिकी ३:१०

उत्पत्ती 5:11

मिनु एनोश नेल्‍ल पा ९ सहे ५ बर्स ब्रोंइशा बेक्‍माक्‍त।

उत्पत्ती 5:4

सेथ थिशा नोले आदम ८ सहे बर्स ब्रोंइमाक्‍त। अरु तमी तौ यो थि‍माक्‍त।

उत्पत्ती 5:6

मिनु सेथ सहे का ५ बर्स दुम्‍मेनु, तौ का थि‍‍माक्‍त। मेको कली एनोश नें वोदा बाक्‍त।

उत्पत्ती 5:8

मिनु सेथ नेल्‍ल पा ९ सहे १२ बर्स ब्रोंइशा बेक्‍माक्‍त।

२ सामुएल 14:14

गो नेल्‍ल बेक्‍चा माल्‍नय। गो खपीम क्‍युप्‍शा हुइक्‍ने मचाप्‍चा ङा ब्‍वाक्‍कु खोदेंशो बाक्‍नय। तन्‍न परमप्रभुमी मुर कली मखेरब। मेकोमी आ ङोंइती चाक्‍चा कली मिम्‍ना मिम्‍न बाक्‍ब। इजीकीएल १८:२३

१ इतिहास 1:1

आदम आ तौ सेथ बाक्‍माक्‍त। सेथ आ तौ एनोश बाक्‍माक्‍त। उत्‍पत्ती ५:-

अय्‍युब 30:23

गे आं कली साइक्‍नीनी, गो मेको तुइश्‍शो बाक्‍नुङ। ब्रोंइशो नेल्‍ल मेको लां लाइनीम।

भजन संग्रह 89:48

मार, मुर गेनायो मबेक्‍थु, ब्रोंइशा बाक्‍नीमी? सुम आंम कली बेक्‍तीक रे प्रोंइने चाप्‍बा ङा? ठेयब सेंदा पा।

भजन संग्रह 90:10

आंइ ब्रोंइतीके ७० बर्स ला बाक्‍ब। बोल पा ब्रोंइतक हना, ८० बर्स सम्‍म ब्रोंइनीकी। मो हना यो आंइ ब्रोंइतीक नाक्‍ती नेल्‍ल श्‍येत नु मरिम्‍शो दुम्‍तीके ला बाक्‍ब। ब्रोंइतीक नाक्‍ती रीब पा नुप्‍ब। मिनु गो बेक्‍शा लाइनीकी। उपदेसक १:३

उपदेसक 12:5

मुरपुकी लाइश्‍शो खिं ङोइक्‍चा नु लांम श्‍येत दुम्‍बा कों, दे हिंनीमी। बदाम बोइश्‍शा सिप्‍ब। घांस ब्‍वाइब माले आ कोव़जमी ग्रे‍शा गाक्‍ब। मारेइ ममाल्‍ब दुम्‍चा क्‍येङा ङोंइती इ कली सेल्‍ब परमप्रभु कली मिम्‍तो। मारदे हना मुर नेल्‍ल बेक्‍नीम। मिनु रोंका पाइब लांम गाक्‍नीम।

उपदेसक 12:7

खप रे बोक्‍शो फुरक खपीमीन लेत्‍चा क्‍येङा ङोंइती नु सोक्‍त गेब परमप्रभु आ बाक्‍तीकेम सोक्‍त लेत्‍चा क्‍येङा ङोंइती परमप्रभु कली मिम्‍तो। उपदेसक ३:२०; उत्‍पत्ती ३:१९

उपदेसक 9:5

ब्रोंइशा बाक्‍शोपुकीम “गो बेक्‍नीकी” दे तुइश्‍शो बाक्‍नीम। तन्‍न बेक्‍शोपुकीम मारेइ मतुइक्‍नी‍म। मेको आन कली मारेइ इनाम मबाक्‍ब। मेको आन कली मिम्‍तीक यो जाम्‍शा लाइब।

उपदेसक 9:8

गेना हना यो रिम्‍शो वा फेक्‍शा इ ब्रोव़शो तेल ख्रेक्‍सो।

इजीकीएल 18:4

मारदे हना ब्रोंइशा बाक्‍ब नेल्‍ल आं केन नम, दे तुइक्‍चा माल्‍नीनी। आम आफ नु आल नेल्‍ल आं केन नम। सुम पाप पाइबा, मेको ला बेक्‍ब।

ब्‍यवस्‍था 30:20

परमप्रभु यावे, इन परमप्रभु कली दाक्‍तीन। आ देंशो टिने। मेको कली मप्रोंइथु बाक्‍कीन। मारदे हना मेकोम इन कली ब्रोंइचा नु शुश नाक्‍ती बाक्‍चा गेब। मिनु गेपुकी परमप्रभु यावेमी इन किकी पिपी अब्राहाम, इसहाक नु याकूब आन कली कसम जशा गेशो रागीम बाक्‍ने चाप्‍नीनी।

हिब्रू 9:27

दोपा मुर खेयप का बेक्‍चा माल्‍नीमी नु मेको बेक्‍शा, निसाफ पचा पुंइसीनीम। उत्‍पत्ती ३:१९