उत्पत्ती 5:21 - Sunuwar Bible

²¹ मिनु हनोक ६५ बर्स दुम्‍मेनु, तौ का थि‍माक्‍त। मेको कली मेथुसेलाह नें वोदा बाक्‍त। हनोक कली हिब्रू लोव़मी एनोक देंनीम।

उत्पत्ती 5:21 ပူးပေါင်းရင်းမြစ်များ

उत्पत्ती 5:20

मिनु यरेद नेल्‍ल पा ९ सहे ६२ बर्स ब्रोंइशा बेक्‍माक्‍त।

उत्पत्ती 5:22

हनोक आ थुंमी परमप्रभु आ नेक्‍था बाक्‍शो बाक्‍माक्‍त। हनोक मेथुसेलाह थिशा नोले सहे सां बर्स ब्रोंइमाक्‍त। अरु तमी तौ यो थि‍माक्‍त। उत्‍पत्ती ६:९

लूका 3:37

लमेक मेथुसेलाह आ तौ बाक्‍माक्‍त। मेथुसेलाह हनोक आ तौ बाक्‍माक्‍त। हनोक यरेद आ तौ बाक्‍माक्‍त। यरेद मा-हालालेल आ तौ बाक्‍माक्‍त। मा-हालालेल केनान आ तौ बाक्‍माक्‍त।

हिब्रू 11:5

हानोकमी परमप्रभु यावे कली थमा सुइक्‍बाक्‍माक्‍त। मोपतीके आ मबेक्‍थु सेसीन, परमप्रभु यावे नु लशा बाक्‍चा तवा बाक्‍त। हानोक रागीम बाक्‍मेनु, परमप्रभु यावे आ देंशो टिशा, आ थुं नुपाइश्‍शो बाक्‍माक्‍त, दे तुइक्‍नय। हिब्रू लोव़मी हानोक कली एनोक बाक्‍ब। उत्‍पत्ती ५:२४

यहूदा 1:14

मिनु आदम रे ७ पाला नोले ङा हनोक माइश्‍शो मुर का बाक्‍त। मेकोमी मोदेंशो मुर आ पर्बम परमप्रभु यावेमी तुइक्‍पाइश्‍शो लोव़ पवा बाक्‍त। मेकोमी “नेनीन, प्रभु नु आ योव़शो हजार हजार जाक्‍तेक्‍म। हनोक कली हिब्रू लोव़मी एनोक देंनीम। उत्‍पत्ती ५:२१