उत्पत्ती 49:9 - Sunuwar Bible

⁹ यहूदा गुप्‍स आ चाइक्‍ब खोदेंशो बाक्‍ब। सिखार ब्‍वशा ठेयब दुम्‍ते। ठेयब गुप्‍स खोदेंशो पा खुम बाप्‍ब। गुप्‍सनी खोदेंशो पा इप्‍ब। सुम मेको कली बोक्‍पाइक्‍ने चाप्‍बा? गन्‍ती २३:२४; इजीकीएल १९:२; प्रकाश ५:५

उत्पत्ती 49:9 ပူးပေါင်းရင်းမြစ်များ

१ राजा 10:20

मेको ६ ओटा थेंका नेल्‍लेम एर गे का, ओंथ गे का पा १२ ओटा गुप्‍स बाक्‍मा बाक्‍त। मेको मोदेंशो नित्‍तीके तेकोइ राज्‍य ङा पिप आन पर्बम मसेल्‍शो बाक्‍माक्‍त।

२ इतिहास 9:18

मेको ठेयब नित्‍तीके आ ङोंइती ६ ओटा थेंका नु सुन के खोइल वोइक्‍तीक बोंइसीशो बाक्‍माक्‍त। मेको ठेयब नित्‍तीक आ निम्‍फा पटटी गुइ वोइक्‍तीक बाक्‍माक्‍त। मेको गुइ वोइक्‍तीक निम्‍फा पटटी गे राप्‍शो गुप्‍स का का सेल्‍शो बाक्‍माक्‍त।

इजीकीएल 19:5

मिनु मेको छाउरी गुप्‍सम आ देंशो मदुम्‍शो नु आ मिम्‍शो मगाप्‍शो तशा, आ चाइक्‍ब आन दाते ङा का कली योव़तु। मिनु मेको कली बोल्‍यो ठिटा गुप्‍स का सेल्‍तु। २राजा २४:६,८,९

होसे 5:14

मारदे हना गो एफ्राइम कली गुप्‍स खोदेंशो नु यहूदा कली ठिटा गुप्‍स खोदेंशो दुम्‍शो बाक्‍नुङ। गो मेको आन कली खतम सेल्‍शा, आं लां खोइक्‍नुङ। गो मेको आन कली कुरशा लाइक्‍नुङ। मिनु मेको आन कली आं रे रोइक्‍ने मचाप्‍नीम। होसे १३:७; होसे ६:१

होसे 5:4

मेको आन गेय आ पर्बम आन परमप्रभु गे लेत्‍ने मचाप्‍नीम। तेल्‍लेम पचा मेको आन थुंमी बाक्‍ब। मिनु मेकोपुकीमी परमप्रभु यावे कली मतुइक्‍नीम। होसे ४:१२

मीका 5:8

याकूब आ लीशो मुर शुश आन दातेमी ब्‍वाकी ङा गुप्‍स खोदेंशो दुम्‍नीम। मेकोपुकी भेडा गोठम बाक्‍शो गुप्‍स आ चाइक्‍ब खोदेंशो दुम्‍नीम। गुप्‍स मेकेर लाम्‍तेक्‍म हना, साइश्‍शा ब्‍वाइनीम। मिनु सुइमी मेको आन कली प्रोंइने मचाप्‍नीम।

गन्‍ती 23:24

कोव़ङीन, मेको जात ङा मुर गुप्‍सनी खोदेंशो पा बोक्‍नीम। प्रेक्‍शा ग्राम्‍चा चिक्‍शो गुप्‍स खोदेंशो पा मेको छुल बोक्‍ब। मेकोमी सिखार मब्‍वा सम्‍म नु सिखार आ हुश मतूङा सम्‍म मनाइक्‍ब” देंत। गन्‍ती २४:९; इजीकीएल १९:२

गन्‍ती 24:9

मेको गुप्‍स खोदेंशो पा बाप्‍शा बाक्‍ब। गुप्‍सनी खोदेंशो पा बाप्‍शा बाक्‍ब। सुम मेको कली पोक्‍बा ङा? इस्राएली, सुमी इन कली आसीक गेनीमी, मेको आसीक राइनीम। सुमी इन कली सराप चीले पाइक्‍नीमी, मेको सराप चीले राइनीम” देंत। गन्‍ती २३:२४; उत्‍पत्ती ४९:९; उत्‍पत्ती १२:३; उत्‍पत्ती २७:२९

१ कोरिन्‍थी 15:24

मिनु नोले रागी नुप्‍ची ना जाक्‍ब। मिनु मेकोमी नेल्‍ल सासन, नेल्‍ल अधिकार नु नेल्‍ल सक्ति खतम सेल्‍शा, आ आफ परमप्रभु यावे कली आ राज्‍य गेब। रोमी ८:३८

ब्‍यवस्‍था 33:20

मिनु गाद आ पर्बम मार देंशो बाक्‍त, देंशा हना “गाद कली सोशो बोशो दुम्‍शा ग्‍येरसो। गाद गुप्‍स खोदेंशो पा बाप्‍शा बाक्‍ब। मेकोमी गुइ नु पिया रेप्‍ब।

प्रकाश 5:5

मिनु मेको शेंब खाल्‍पा कामी आं कली “मङाक्‍को। मेको गुप्‍स, यहूदा आ थर ङा पिप दाऊद आ खिं ङा बाक्‍ब। मेकोमी सैतान कली ग्रात। मोपा मेको कागज ङा ७ ओटा छाप प्रुइश्‍शा प्राक्‍ने चाप्‍ब” देंत। उत्‍पत्ती ४९:९-१०; यसैया ११:१