उत्पत्ती 48:5 - Sunuwar Bible

⁵ आं जाक्‍चा ङोंइती, इजीप्‍त रागीम जरमेशो एफ्राइम नु मनस्‍से, इ तौ निक्‍शी आं मुर दुम्‍चा माल्‍नीस। रूबेन नु सिमियोन खोदेंशो पा आं केन दुम्‍चा माल्‍नीस। उत्‍पत्ती ४१:५०-५२

उत्पत्ती 48:5 ပူးပေါင်းရင်းမြစ်များ

उत्पत्ती 46:20

योसेफमी इजीप्‍त रागीमी मनस्‍से नु एफ्राइम थि‍माक्‍त। आ मीश ओन सहर ङा नाक्‍सो पोतीफेरा आ तमी आसेनाथ बाक्‍माक्‍त।

उत्पत्ती 48:1

मिनु नोले मुर कामी योसेफ कली “इन आफ रोइ पाप्‍तु” दे शेंदा बाक्‍त। मिनु योसेफमी मनस्‍से नु एफ्राइम आ तौ निक्‍शी लाइश्‍शा, ग्रुम्‍थ लमाक्‍त।

उत्पत्ती 48:6

इ नोले थिशो आल चहिं इ के दुम्‍मल। मिनु आन लोक्‍ब आन जात ङा नें वोइश्‍शो, इजीप्‍त रागीम अङस ताइब दुम्‍मल।

भजन संग्रह 77:16

परमप्रभु, समुन्‍द्र ङा ब्‍वाक्‍कु इन कली तशा हिंतेक्‍म। शुश लुक्‍च लशो समुन्‍द्र ख्रिंख्रि पाप्‍तु।

यसैया 43:1

याकूब, इ कली नु इस्राएल कली सेल्‍ब परमप्रभु यावेमी “महिनीन। इन कली पाप रे प्रोंइता। गो इन नें थिशा ब्रेत्‍ती। गे आं मुर बाक्‍नीनी।

इजीकीएल 16:8

गो लेंशा इ नेक्‍था रे पा लङानु, गे ग्‍युंबे पची ना दुम्‍शो बाक्‍ते। मिनु गो आं वा आ सुरमी इ शिश्रा रां सुम्‍ता। गो गे नु कबल का पाता। मिनु गे आं के दुम्‍ते। रूथ ३:९; प्रस्‍थान १९:५

इजीकीएल 47:13

मिनु परमप्रभु, परमप्रभु यावेमी “इस्राएल ङा सांद आगा ङा १२ थर आन थेरशो रू दोपा योक्‍चा माल्‍नीनी देंशा हना, योसेफ कली भाग निक्‍शी गेचा माल्‍नीनी। उत्‍पत्ती ४८:५; यहोसु १७:१७

लेवी 20:26

गेपुकी ग्रांग्रा दिशो क्‍येङा ङोन बाक्‍शो दुमीन। मारदे हना गो ग्रांग्रा दिशो क्‍येङा ङोन बाक्‍शो परमप्रभु यावे नङ। मिनु गो इन कली आं मुर दुम्‍चा कली अरु मुर रे तिल्‍शा योव़तन्‍नी।

मलाकी 3:17

मिनु मुर नेल्‍ल आन परमप्रभु यावेमी “मेको आं मुर दुम्‍नीम। आं निसाफ पतीक नाक्‍त आं नेक्‍था ङा मुर दुम्‍नीम। दोपा मुरुमी आंम कली गेय पाइब तौ कली शिशी पा वोइक्‍बा, मोपा गो मेको आन कली शिशी पा वोइक्‍नुङ। प्रस्‍थान १९:५

गन्‍ती 1:10

योसेफ आ तौ एफ्राइम आ थर रे अम्‍मीहुद आ तौ एली-शामा, योसेफ आ तौ मनस्‍से आ थर रे पेदा-सुर आ तौ गमलीएल, १इतिहास ७:२६; उत्‍पत्ती ४८:५

२ कोरिन्‍थी 6:18

मिनु गो इन आफ दुम्‍नुङ। मिनु गेपुकी आं तमी तौ दुम्‍नीनी” दे नेल्‍ल सक्ति पाइश्‍शो परमप्रभु यावेमी देंत, दे ब्रेक्‍शो बाक्‍ब। यसैया ५२:११; इजीकीएल २०:४१; २सामुएल ७:१४; यसैया ४३:६; होसे २:१

एफिसी 1:5

मिनु परमप्रभु यावेमी इं कली दाक्‍शा “येसु ख्रीस्‍त कली थमा सुइक्‍ब दुम्‍नीम” दे आंम आ तमी तौ सेल्‍तु। मेकोन परमप्रभु यावे आ दाक्‍शो बाक्‍त।

हिब्रू 11:21

याकूबमी थमा सुइश्‍शा, आ बेक्‍ची ना कोक्‍केमी आ पिया तिक्‍शा, परमप्रभु यावे कली ठेयब सेल्‍शा, योसेफ आ तौ आस कली आसीक गेम्‍सी बाक्‍त। उत्‍पत्ती ४७:३१

यहोसु 13:7

मिनु एको रागी ९ थर नु मनस्‍से आ उइक्‍थ थर कली योक्‍शा गेवो” दे परमप्रभु यावेमी यहोसु कली देंत।

यहोसु 14:4

मिनु योसेफ आ तौ मनस्‍से नु एफ्राइम निक्‍शी थर बाक्‍ताक्‍स। तन्‍न लेवी आन कली रागी काइ मगेमे बाक्‍त। मेकोपुकी बाक्‍चा कली सहरपुकी नु मेको आन बी ब्‍यफ, क्‍यारश भेडा योव़चा कली इच्‍का रू ला तामे बाक्‍त। यहोसु २१:-