उत्पत्ती 48:4 - Sunuwar Bible

⁴ मेकोमी आं कली ‘नेनीन, गो इन कली सोशा बोशा, शुश सेल्‍नुङ। गो इ रे शुश थर ङा मुर सेल्‍नुङ। इ कली नु इ चच युइ आन कली मेको रागी गेना हना यो इन केन बाक्‍ब, दे गेनुङ’ देंत। उत्‍पत्ती ३५:११-१२

उत्पत्ती 48:4 ပူးပေါင်းရင်းမြစ်များ

उत्पत्ती 12:2

गो इ रे पा ठेयब जात ङा मुर सेल्‍नुङमी। गो इ कली आसीक गेनन। इ नें ठेयब सेल्‍नुङ। गे अर्को आन कली आसीक दुम्‍नेवे। उत्‍पत्ती २४:१,३५; भजन संग्रह ७२:१७

उत्पत्ती 17:13

इ खिंम जरमेशो, इ चांदीम ग्‍याप्‍शो मुरपुकी कली यो ख्रोइक्‍तीक चिनु ख्रोइक्‍चा माल्‍नीम। मिनु आं कबल पशो ङा चिनु इ रांम बाक्‍चा माल्‍ब। मेको गेना हना यो लीब कबल बाक्‍ब।

उत्पत्ती 17:6

गो इ रे शुश मुर सेल्‍नुङमी, रागी रागी ङा मुर सेल्‍नुङ। इ रे पिपपुकी यो दुम्‍नीम।

उत्पत्ती 17:8

मुल गे इ बाक्‍तीक रागीमी अर्को रागी ङा मुर बाक्‍नेवे। नोले गो एको कनान रागी गेना हना यो इन कली नु इ चच युइ आन कली गेनन्‍नी। गो चहिं मेको आन परमप्रभु दुम्‍नुङ” दे अब्राहाम कली देंमाक्‍त। उत्‍पत्ती ३५:२७; हिब्रू ११:९-१०; प्रेरित ७:५

उत्पत्ती 22:17

मार कसम जाता देंशा हना, गो इ कली आसीक गेनुङ। इ चच युइ आन कली सोरुल नु समुन्‍द्र आ नेक्‍था ङा बाल्‍वा खोदेंशो पा शुश सेल्‍नुङमी। मिनु मेकोपुकीमी आन जोरी सत्रु आन सहर आंम के सेल्‍नीम। उत्‍पत्ती १३:१६; हिब्रू ११:१२

उत्पत्ती 26:4

इ चच युइ आन कली सरीङ ङा सोरुल खोदेंशो पा शुश सेल्‍नुङ। मेको आन कली एको रागी नेल्‍ल गेनुङ। मिनु इ चच युइ आन पर्बम रागी रागी ङा मुर नेल्‍ल आसीक ताइनीम।

उत्पत्ती 28:3

मिनु नेल्‍ल क्‍येङा सक्ति पाइश्‍शो परमप्रभुमी इ कली आसीक गेवल। मिनु इ कली सोशा बोशा, शुश सेलल। हिक्‍ने मचाप्‍चा ङा पा शुश दुम्‍पदल।

उत्पत्ती 32:12

गे आं कली ‘गो इ कली थमा पा रिम्‍शो पाइनुङ। इ चच युइ आन कली समुन्‍द्र ङा बाल्‍वा खोदेंशो पा, हिक्‍ने मचाप्‍चा ङा सेल्‍नुङ’ देंतीनी” दे याकूबमी परमप्रभु कली लोव़ पवा बाक्‍त। उत्‍पत्ती २८:१३-१४

उत्पत्ती 35:11

मिनु परमप्रभुमी मेको कली “गो नेल्‍ल क्‍येङा सक्ति पाइश्‍शो परमप्रभु नङ। गे सोशा बोशा, शुश दुमीने। गे रे रागी का ङा शुश मुर नु रागी रागी ङा मुर यो दुम्‍नीम। गे रे पिपपुकी दुम्‍नीमी। उत्‍पत्ती १७:१; उत्‍पत्ती २८:३-४; उत्‍पत्ती १७:६

उत्पत्ती 46:3

मिनु परमप्रभुमी “गो परमप्रभु, इ आफ आ परमप्रभु नङ। इजीप्‍त लचा महिनो। मारदे हना गे उइ बाक्‍ङेनु, इ रे पा ठेयब जात सेल्‍नुङ। उत्‍पत्ती ४७:२७; प्रस्‍थान १:७

उत्पत्ती 47:27

मिनु इस्राएल इजीप्‍त रागी ङा गोशेनमी बाक्‍मेनु, आन मारेइ मारेइ नु मुरपुकी सोशा बोशा, शुश दुम्‍मा बाक्‍त। उत्‍पत्ती ४६:३; प्रस्‍थान १:७,१२

भजन संग्रह 127:3

तमी तौ परमप्रभु यावे आ गेशो बाक्‍नीम। आलपुकी मेको आ गेशो इनाम बाक्‍नीम। भजन संग्रह १२८ ३-४; उत्‍पत्ती ३०:२; उत्‍पत्ती ३३:५

प्रस्‍थान 1:11

मोपतीके मेकोपुकीमी इस्राएली आन कली श्‍येत गेशा, गेय पपाइक्‍चा कली कोव़ब ठेयब मुरपुकी वोदमे बाक्‍त। मिनु इस्राएलीपुकीमी फाराओ माइश्‍शो पिप आ मार मार वोइक्‍चा कली पिथोम नु रामे‍सेस सहर निक्‍शी सेल्‍मे बाक्‍त। उत्‍पत्ती १५:१३; उत्‍पत्ती ४७:११

प्रस्‍थान 1:7

मिनु इस्राएल आ चच युइ सोशा बोशा शुश दुम्‍मा बाक्‍त। शुश दुम्‍शा ङा मिन, बोल्‍यो दुम्‍मा बाक्‍त। मिनु इस्राएल आ मुरपुकीमी रागी नेल्‍ल ब्रीमा बाक्‍त। प्रेरित ७:१७-१९

इजीकीएल 37:25

मिनु मेकोपुकी आं गेय पाइब याकूब कली गेशो रागीम बाक्‍नीम। मेकेर आन किकी पिपी बाक्‍शो बाक्‍तेक्‍म। मिनु मेकेर मेको आन आल, चच युइ गेना हना यो बाक्‍नीम। मिनु आं गेय पाइब दाऊद गेना हना यो मेको आन कली सासन पाइब दुम्‍ब। लूका १:३२-३३

लेवी 26:9

मिनु गो इन कली शिशी पा कोव़नन्‍नी। मिनु गो इन कली सोशा बोशा शुश दुम्‍पाइक्‍नुङ। मिनु आं पशो कबल गेपुकी नु गेना हना यो लीपाइक्‍नुङ। इजीकीएल ३६:११

ब्‍यवस्‍था 32:8

नेल्‍ल क्‍येङा ठेयबमी रागी रागी ङा मुर आन कली आन रागी गेप्‍तु। मेकोमी मुर नेल्‍ल आन कली शुश खाल ङा सेल्‍तु। मेना इस्राएली आन थर ङा खिं खिं ङा मुर कोव़शा, आन सांद योक्‍शा गेप्‍तु। उत्‍पत्ती ११:८; प्रेरित १७:२६