उत्पत्ती 48:14 - Sunuwar Bible

¹⁴ तन्‍न इस्राएलमी आ गुइ ख्राक्‍शा आ ग्‍युरा गुइ एफ्राइम आ पिया तारी नु आ पेरा गुइ मनस्‍से आ पिया तारी वोदा बाक्‍त। मनस्‍से चहिं योसेफ आ ङोंइती जरमेशो तौ बाक्‍माक्‍त।

उत्पत्ती 48:14 ပူးပေါင်းရင်းမြစ်များ

उत्पत्ती 41:51

मिनु योसेफमी “ङोंइती श्‍येत जङानु, परमप्रभुमी आं आफ आ खिं ङा मुर आन कली प्रेंपाइक्‍ती” दे मिम्‍शा, आ ङोंइती जरमेशो तौ कली मनस्‍से नें वोदा बाक्‍त।

उत्पत्ती 41:52

अर्को कली एफ्राइम नें वोदा बाक्‍त। मारदे हना “परमप्रभुमी आं कली रागीमी श्‍येत जङानु, शुश दुम्‍पाइक्‍ती” दे मिम्‍ता बाक्‍त।

उत्पत्ती 46:20

योसेफमी इजीप्‍त रागीमी मनस्‍से नु एफ्राइम थि‍माक्‍त। आ मीश ओन सहर ङा नाक्‍सो पोतीफेरा आ तमी आसेनाथ बाक्‍माक्‍त।

उत्पत्ती 48:13

मिनु योसेफमी आ तौ निम्‍फा आस कली लाइश्‍शा, एफ्राइम आ ग्‍युरा गुइ नु मनस्‍से आ पेरा गुइ ग्‍याइश्‍शा लाइश्‍शा आ आफ आ ङोंइती वोदा बाक्‍त। मोपा मनस्‍से याकूब आ ग्‍युरा गुइ नु एफ्राइम याकूब आ पेरा गुइ आ नेक्‍था वोदा बाक्‍त। उत्‍पत्ती ४१:५१-५२

उत्पत्ती 48:17

मिनु योसेफमी आ आफ आ ग्‍युरा गुइ एफ्राइम आ पिया तारी वोइश्‍शो तशा, आ थुं मनुमाक्‍त। मिनु आ आफ आ गुइ एफ्राइम आ पिया रे शोल्‍शा, मनस्‍से आ पियाम वोइक्‍नुङ, दे मिम्‍ता बाक्‍त।

उत्पत्ती 48:18

मिनु योसेफम आ आफ कली “ममाइ आं आफ, मेको आं ङोंइती जरमेशो बाक्‍ब। इन ग्‍युरा गुइ एको आ पिया तारी वोतीन” देंमाक्‍त।

भजन संग्रह 110:1

परमप्रभु यावेमी, आं परमप्रभु कली “गे आं ग्‍युरा गे निस्‍सो। मिनु गो इ जोरी सत्रु आन कली इ खोइल थेक्‍तीके सेल्‍नुङमी। मत्ती २२:४४; प्रेरित २:३४; हिब्रू १:१३; १कोरिन्‍थी १५:२५; फिलिप्‍पी २:८-११; हिब्रू १०:१२-१३

भजन संग्रह 118:16

परमप्रभु यावेमी “गो ग्राती” दे आ ग्‍युरा गुइ पोक्‍शो बाक्‍ब। परमप्रभु यावेमी सक्ति पाइश्‍शो गेय पाइब।

प्रस्‍थान 15:6

परमप्रभु यावे, इन सक्ति ठेयब बाक्‍ब। इन सक्तिमी इन जोरी सत्रु आन कली थुम्‍पाइक्‍तीनी।

गन्‍ती 2:18

पच्‍छिम गे एफ्राइम आ हुल आन बाक्‍तीके बाक्‍ब। मेको आन छेदर आ नेक्‍था आन ताम्‍बु कीचा माल्‍नीम। एफ्राइम आ थर ङा मुर आन ठेयब मुर अम्‍मीहुद आ तौ एली-शामा बाक्‍ब।

गन्‍ती 8:10

मिनु गे लेवी आन कली परमप्रभु यावे आ ङोंइती चाक्‍गीनु, इस्राएली नेल्‍लेमी आन गुइ लेवी आन तार वोइक्‍चा माल्‍नीम।

गन्‍ती 8:18

मिनु इस्राएली आन ङोंइती जरमेशो आन पा ङा गो लेवी आ मुर तिल्‍शा वोंइसाक्‍यी।

मत्ती 16:18

गे पत्रुस नवे, एको सेरथे फुल्‍लु तारी आं खिं सेल्‍नुङ। नरकमी मेको कली ग्राने मचाप्‍ब। यूहन्‍ना १:४२; एफिसी २:२०

मत्ती 19:13

मिनु मुरपुकीमी आल आन तारी आ गुइ चाक्‍शा प्रार्थना पवल, दे आल चाक्‍गमेनु, शेंसीबपुकीमी “आल मचाक्‍कीन” दे हुइक्‍ताक्‍म।

मत्ती 19:15

मिनु आल आन तारी आ गुइ वोइश्‍शा प्रार्थना पाइक्‍तीमी। मिनु मेकेर रे गाक्‍त।

मत्ती 6:5

परमप्रभु यावे कली प्रार्थना पनीनु, कपटीपुकीमी पशो खोदेंशो पा मपने। मेकोपुकीमी ग्रुम्‍तीक खिंमी, लांमी मुर आन कुल राप्‍शा कोव़पांइसीशा, प्रार्थना पाइनीम। नोफा दाइश्‍शा नेनीने, मेको आन तचा ङा इनाम मारेइ मबाक्‍ब।

लूका 13:13

मोपा वोदानु, साशा राम्‍माक्‍त। मिनु ग्‍येरशा परमप्रभु यावे कली ठेयब सेला बाक्‍त।

लूका 4:40

मिनु नां रिक्‍मेनु, शुश रोइ पाइब आन कली चाक्‍ग्‍मे बाक्‍त। मिनु येसुमी रोइ पाइब आन कली आ गुइ आन तारी चाक्‍शा, नेल्‍ल आन कली सापाइक्‍मी बाक्‍त।

प्रेरित 13:3

मिनु माइजा बाक्‍शा, प्रार्थना पा आसीक गेशा, प्रभु आ गेय पथ सोइक्‍तमे बाक्‍त। प्रेरित ६:६

प्रेरित 6:6

मिनु योव़शो आन कली सोइश्‍शो आन ङोंइती राप्‍पदमे बाक्‍त। मिनु सोइश्‍शोपुकीमी योव़शो आन तारी आन गुइ वोइश्‍शा, मेको आन पर्बम परमप्रभु कली पुन्‍मे बाक्‍त। प्रेरित १:२४; प्रेरित १३:३; प्रेरित १४:२३

ब्‍यवस्‍था 34:9

मिनु नून आ तौ यहोसु रुप्‍तीक तुइक्‍तीक सोक्‍तीम ब्रीशो बाक्‍त। मारदे हना मोसामी आ गुइ मेको आ तार वोइश्‍शो बाक्‍त। मिनु परमप्रभु यावेमी मोसा कली माइश्‍शो खोदेंशो पा इस्राएलीपुकीमी यहोसु कली टिम्‍तेक्‍म। गन्‍ती २७:१८-२३; १तिमोथी ४:१४; २तिमोथी १:६

१ तिमोथी 4:14

थमा सुइक्‍ब आन शेंब खाल्‍पापुकीमी इ पिया तारी गुइ वोइश्‍शा, परमप्रभु यावेमी तुइक्‍पाइश्‍शो लोव़ पशा, इ कली गेय पतीके सक्ति गेशो बाक्‍त। मेको गेय रिम्‍शो पा पावो। १तिमोथी १:१८; १तिमोथी ५:२२; प्रेरित ६:६; प्रेरित ८:१७; २तिमोथी १:६

१ तिमोथी 5:22

मुर आन कली ब्रो थिशा, आन तार गुइ वोइश्‍शा, प्रार्थना मपावो। मुर आन मरिम्‍शो पतीकेमी मगरो। मरिम्‍शो रे ङोन बाक्‍को। १तिमोथी ४:१४